ວັນທີ 27 ກຸມພາ 2016 ຄະນະພັນລະຍາບັນດາທ່ານລັດຖະມົນຕີຕ່າງປະເທດອາຊຽນ ແລະ ພັນລະຍາເລຂາທິການໃຫຍ່ອາຊຽນ ເຊິ່ງເດີນທາງຕິດຕາມຄະນະເຂົ້າຮ່ວມກອງປະຊຸມອາຊຽນວົງແຄບ ທີ່ ສປປ ລາວ ເປັນເຈົ້າພາບ ໄດ້ເຄື່ອນໄຫວຢ້ຽມຢາມສະຖານທີ່ປະຫວັດສາດ ແລະ ຫ້າງຮ້ານຜະລິດຕະພັນຂອງແມ່ຍິງລາວ ທີ່ນະຄອນຫຼວງວຽງຈັນ ຄະນະຕ້ອນຮັບຝ່າຍລາວ ປະກອບດ້ວຍພັນລະຍາການນຳກະຊວງການຕ່າງປະເທດ ແລະ ພະນັກງານຍິງຈາກກະຊວງການຕ່າງປະເທດຈຳນວນໜຶ່ງ.
ຄະນະໄດ້ເຂົ້າຢ້ຽມຊົມພະທາດຫຼວງ ເປັນສະຖານທີ່ສັກກາລະບູຊາ ເປັນສັນຍະລັກ ແລະ ມໍລະດົກອັນລ້ຳຄ່າຂອງປວງຊົນລາວ ຫຼັງຈາກນັ້ນຄະນະໄດ້ເຂົ້າຢ້ຽມຊົມຮ້ານແພງໄໝລາວ ແລະ ຮ້ານພະຄະເນດ ເຊິ່ງເປັນຮ້ານທີ່ເຕັມໄປດ້ວຍຜະລິດຕະພັນ ທີ່ມີຄວາມຫຼວງຫຼາຍທາງດ້ານສີໄມ້ລາຍມືຂອງແມ່ຍິງລາວ ເຊິ່ງຄະນະມີຄວາມເພິ່ງພໍໃຈ ແລະ ໄດ້ຊື້ເຄື່ອງຂອງທີ່ລະນຶກຈາກຮ້ານດັ່ງກ່າວ.
ແຫລ່ງຂ່າວ:
