Homeນານາສາລະຄຸນປະໂຫຍດດີໆຂອງໝາກໄມ້ ແລະ ຜັກ 5 ສີ

ຄຸນປະໂຫຍດດີໆຂອງໝາກໄມ້ ແລະ ຜັກ 5 ສີ

Published on

ຫລາຍທ່ານອາດຈະປະຕິເສດບໍ່ໄດ້ວ່າ ອາຫານທີ່ມີສີສັນສວຍງາມນັ້ນ ເຊີນຊວນໃຫ້ທ່ານຮູ້ສຶກຢາກກິນຫລາຍປານໃດ ແລະສິ່ງທີ່ມີຫລາຍກວ່າຄວາມສວຍສົດງົດງາມນັ້ນ ກໍແມ່ນທາດຕ້ານພະຍາດ ທີ່ມີຢ່າງຫລວງຫລາຍ
ໃນບັນດາໝາກໄມ້ແລະຜັກຫລາຍສີ.

ດັ່ງທີ່ພວກເຮົາຮູ້ກັນດີວ່າ ຄຸນປະໂຫຍດຂອງໝາກໄມ້ ແລະຜັກນັ້ນ ມີຢ່າງມະຫາສານ ມີທັງແຮ່ທາດ ແລະວິຕາມິນ ຊະນິດຕ່າງໆທີ່ເປັນປະໂຫຍດຕໍ່ກົນໄກຕ່າງໆໃນຮ່າງກາຍຂອງຄົນ ແລະຄຸນສົມບັດຂອງການເປັນແຫລ່ງເສັ້ນໄຍອາຫານ ເປັນສານອາຫານທີ່ຈະຊ່ວຍຫລຸດຜ່ອນການດູດຊຶມຂອງcholesterol ແລະໄຂມັນໄດ້ ຊ່ວຍໃຫ້ລະບົບຍ່ອຍອາຫານ ລະບົບການຂັບຖ່າຍເຮັດວຽກເປັນປົກກະຕິ.

ນອກຈາກຄຸນສົມບັດທີ່ເວົ້າມາຂ້າງເທິງນັ້ນແລ້ວ ໃນໝາກໄມ້ ແລະຜັກຍັງມີທາດພິເສດທີ່ເຮັດໜ້າທີ່ຄ້າຍຄືກັບຢາຊ່ອຍປ້ອງກັນພະຍາດບາງຊະນິດເຊັ່ນ: ມະເຮັງ, ພະຍາດຫົວໃຈ ຫລອດເລືອດ ແລະອື່ນໆ, ແຕ່ວ່າຈະກິນແນວໃດ? ເພື່ອໃຫ້ຮ່າງກາຍໄດ້ຮັບການປ້ອງກັນຈາກພະຍາດໄດ້ນັ້ນຂໍແນະນຳໃຫ້ທ່ານກີນໃຫ້ຄົບ 5 ສີ ສ່ວນຈະມີຄືແນວໃດແດ່ມາເບິ່ງກັນເລີຍ

ສີຂຽວ

ສີຂຽວ: ແມ່ນສີທໍາອິດທີ່ທຸກທ່ານຈະຄິດພໍ້ຖ້າເວົ້າເຖິງຜັກ ທາດທີ່ເຮັດໃຫ້ເກີດ
ສີຂຽວໃນຜັກແມ່ນ chlorophyll ນອກຈາກນັ້ນ ຍັງມີທາດປະສົມອື່ນໆ ທີ່ມີຄຸນສົມບັດສົ່ງເສີມສຸຂະພາບເຊັ່ນ lutein ຊິ່ງເປັນທາດທີ່ຊ່ວຍຕ້ານອະນຸມູນອິດສະຫລະ (antioxidants) ຊ່ອຍຫລຸດຜ່ອນການເສື່ອມຂອງປະສາດຕາ ເປັນຕົ້ນ.

ສີນໍ້າໝາກກ້ຽງ ສີເຫລືອງ

ສີເຫລືອງ ສີນໍ້າໝາກກ້ຽງ: ໃນກຸ່ມສີນີ້ ມີທາດ antioxidants ຫລາຍຢ່າງທີ່ສຳຄັນເຊັ່ນ Beta – carotene, ວິຕາມິນ C ຊຶ່ງຈະຊ່ອຍຮັກສາສຸຂະພາບຫົວໃຈ ຫລອດເລືອດ ແລະລະບົບພູມຕ້ານທານພະຍາດໃນຮ່າງກາຍຂອງພວກເຮົາ ແລະຫລຸດຜ່ອນໂອກາດຂອງການເປັນມະເຮັງໄດ້ .

ສີແດງ

ສີແດງ: ທາດທີ່ຢູ່ໃນກຸ່ມໝາກໄມ້ ແລະຜັກສີແດງຄື lycopene ເພາະມີການຄົ້ນຄວ້າເຫັນວ່າ ຊ່ອຍຫລຸດຜ່ອນການເກີດມະເຮັງໝາກອັນທະຂອງຜູ້ຊາຍໄດ້ ແລະຫລຸດຜ່ອນປະລິມານ cholesterol LDL ໃນເລືອດນອກຈາກນີ້ໝາກໄມ້ ແລະຜັກສີແດງ ຍັງຊ່ອຍຮັກສາສຸຂະພາບຫົວໃຈຫລອດເລືອດ ແລະລະບົບທໍ່ຍ່ຽວ ຫລູດຜ່ອນຄວາມສ່ຽງຈາກການເກີດມະເຮັງ.

ສີມ່ວງແດງ

ສີມ່ວງແດງ: ໃນກຸ່ມໝາກໄມ້ ແລະຜັກສີນີ້ ມີທາດ Anthony cyanogen ທີ່ຊ່ອຍປົກປັກຮັກສາໝາກໄມ້ ແລະຜັກ ຈາກການທຳລາຍໂດຍລັງສີ Ultraviolet ເລີຍມີຜົນໃນການຕ້ານທາດ antioxidant ຊ່ວຍເພີ່ມຄວາມຢືດຫົດໃຫ້ຜະໜັງເສັ້ນເລືອດ ຊ່ອຍຫລຸດຜ່ອນການເກີດການອັດຕັນໃນເສັ້ນເລືອດ ແລະພະຍາດເສັ້ນເລືອດຫົວໃຈແຂງໂຕ (dysfunction cardiovascular).

ສີຂາວ

ສີຂາວ: ທາດທີ່ປະກອບໃນໝາກໄມ້ ແລະຜັກກຸ່ມນີ້ ມີຫລາຍຊະນິດ ແລະ ເປັນສິ່ງທີ່ເຮັດໃຫ້ນັກຄົ້ນຄວ້າມີຄວາມສົນໃຈ ເພາະມັນມີປະໂຫຍດຫລາຍໆຢ່າງເຊັ່ນ: ໝາກໂປມ, ມັນຝຣັ່ງ, ຫັວຜັກບົ່ວໃຫຍ່, ຜັກທຽມ ສາມາດຕ້ານທາດantioxidant ຊ່ອຍຫລຸດຜ່ອນຄວາມເສຍຫາຍຂອງຈຸລັງ ແລະອະໄວຍະວະໃນຮ່າງກາຍ ຂີງ ແລະຫົວຂ່າ ສາມາດຕ້ານການອັກເສບຊ່ອຍປິ່ນປົວສະພາບຄວາມດັນເລືອດແລະປ້ອງກັນພະຍາດຫົວໃຈເສັ້ນເລືອດ ແລະອື່ນໆ.

ໃນເມື່ອຮູ້ຄຸນປະໂຫຍດດີໆຈາກໝາກໄມ້ ແລະ ຜັກ 5 ສີ ແບບນີ້ແລ້ວ ກໍຢ່າລືມໄປຊອກຫາມາກິນກັນຫລາຍໆ ເພື່ອໃຫ້ທຸກທ່ານມີສຸຂະພາບທີ່ດີ ແລະ ແຂງແຮງຢູ່ຕະຫລອດ.

 

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...