ຊຳຊຸງ Galaxy S6 edge  ເປັນສະມາດໂຟນທີ່ດີທີ່ສຸດກ່ອນໜ້າຮຸ່ນ Galaxy S7 edge ໄດ້ຮັບລາງວັນ “Best Smartphone 2015” ຫຼື ສະມາດໂຟນທີ່ດີທີ່ສຸດແຫ່ງປີ 2015 ຈາກງານ Mobile World Congress 2016 ທີ່ເມືອງບາເຊໂລນາ ປະເທດສະເປນ.

ບໍ່ພຽງແຕ່ເທົ່ານັ້ນ ສະມາດວ໊ອດ Gear S2 ຂອງຊຳຊຸງ ຊຶ່ງມາພ້ອມກັບໂມງຮຸຸ່ນຄລາສສິກ ຟັງເຊິນມາດຕະຖານ ແລະ ຮອງຮັບ 3ຈີ ກໍໄດ້ຮັບລາງວັນ “Best Connected Consumer Electronic Device”  ຫຼື ອຸປະກອນເອເລັກໂຕຣນິກທີ່ເຊື່ອມຕໍ່ກັບຜູ້ບໍລິໂພກໄດ້ດີທີ່ສຸດ ໃນປະເພດ Best Mobile Handsets & Devices ຫຼື ໂທລະສັບມືຖືແລະອຸປະກອນທີ່ດີທີ່ສຸດ.

ປະທານຝ່າຍການສື່ສານດ້ານໂທລະສັບມືຖືຂອງ Samsung Electronics ໄດ້ກວ່າວ່າ “ເປັນກຽດທີ່ສຸດທີ່ໄດ້ຮັບຄວາມສົນໃຈໃນຄວາມເປັນຜູ້ນຳດ້ານເຕັກໂນໂລຊີໃນອຸດສາຫະກຳນີ້ ແລະ ທາງບໍລິສັດຈະຍັງສ້າງສັນອຸປະກອນມືຖືທີ່ໄດ້ຮັບແຮງບັນດານໃຈມາຈາກຜູ້ບໍລິໂພກ ໂດຍມຸ່ງເນັ້ນໄປທີ່ຄວາມກ້າວໜ້າທາງເຕັກໂນໂລຊີ ແລະນະວັດຕະກຳຢູ່ສະເໝີ”.