spot_img
Homeຂ່າວທ້ອງຖິ່ນລະ­ຄອນ​ເພັງ ເປີດ​ງານນະ­ມັດ­ສະ­ການ​ຮອຍ​ພະ​ບາດ​ນາ​ດູ່

ລະ­ຄອນ​ເພັງ ເປີດ​ງານນະ­ມັດ­ສະ­ການ​ຮອຍ​ພະ​ບາດ​ນາ​ດູ່

Published on

 

ວັນ​ທີ 18 ກຸມ­ພາ​ຜ່ານ​ມາ ເມືອງລະ­ຄອນ​ເພັງ ໄດ້​ຈັດ​ພິ­ທີ​ເປີດ​ງານ​ນະ​ມັດສະ­ການ​ຮອຍ​ພະ​ບາດ​ນາ​ດູ່ຕິດ​ພັນ​ກັບ ການ​ສົ່ງ­ເສີມ​ການ­ທ່ອງ­ທ່ຽວ, ການ​ວາງ ສະ­ແດງ​ສິນ­ຄ້າ ໂອ​ດ໋ອບ-ໂອ​ກ໋ອບ (1 ເມືອງ 1 ຜະ­ລິດ​ຕະ​ພັນ ແລະ 1 ກຸ່ມ ບ້ານ 1 ວິ­ຖີ​ຊີ­ວິດ) ຂອງ​ຊາວ​ເມືອງ​ປະ­ຈຳ​ປີ 2016 ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ຮ້ອຍ​ເອກ ບຸນ​ທະ­ວີ ພິມ​ມະ​ສານ ຮອງ​ເລຂາ​ພັກ​ຫົວ­ໜ້າ​ຄະ­ນະ​ຈັດ​ຕັ້ງ​ເມືອງ, ທ່ານ ພູນ​ສຸກ ຣັດ​ຖະ​ເຮົ້າ ຮອງ​ເຈົ້າ­ເມືອງໆ​ລະຄອນ​ເພັງ​ທັງ​ເປັນ​ປະ­ທານ​ຈັດ​ງານ​ບຸນນະ­ມັດ­ສະ­ການ​ຄັ້ງ​ນີ້, ມີ​ບັນ­ດາ​ພະ­ນັກງານ, ທະ­ຫານ, ຕຳ­ຫຼວດ​ພໍ່­ຄ້າ​ຊາວ​ຂາຍ ແລະ​ມວນ​ຊົນ​ເຂົ້າ​ຮ່ວມ.

ທ່ານ ພູນ​ສຸກ ຣັດ​ຖະ​ເຮົ້າ ໄດ້​ກ່າວເພື່ອ​ເປັນ​ການ​ສືບ​ສານ​ປະ­ເພ­ນີ​ຂອງ​ຊາວລາວ​ເວົ້າ​ລວມ  ກໍ​ຄື​ຊາວ​ເມືອງ​ລະ­ຄອນເພັງ​ທີ່​ມີ​ມາ​ແຕ່​ດົນ​ນານ ແລະ​ເປັນ​ການອະ­ນຸ​ຮັກ­ສາ​ຮີດ­ຄອງ​ປະ­ເພ­ນີ​ວັດ­ທະ­ນະທຳ​ທີ່​ດີ­ງາມ​ໄວ້​ຊົ່ວ​ລູກ​ຊົ່ວ​ຫຼານ​ໃຫ້​ປະຈັກ​ຕາ​ໃນ­ຕໍ່­ໜ້າ, ທັງ​ເປັນ​ການ​ຊອກ​ແຫຼ່ງທຶນ​ເຂົ້າ​ປະ­ຕິ­ສັງ­ຂອນ​ວັດ​ວາ​ພຸດ​ທະ​ສາສະ­ໜາ​ໄວ້​ໃນ​ສັງ­ຄົມ​ລາວ, ພ້ອມ​ນັ້ນ​ກໍເປັນ​ການ​ໂຄ­ສະ­ນາ​ເຜີຍ­ແຜ່​ໃຫ້​ມວນ​ຊົນໄດ້​ຮັບ​ຮູ້​ຢ່າງ​ທົ່ວ​ເຖີງ​ທັງ​ພາຍ​ໃນ ແລະ ຕ່າງ­ປະ­ເທດ,  ກ່ຽວ​ກັບ​ການ​ຈັດ​ງານ​ປະເພ­ນີ​ທີ່​ເປັນ​ມູນ­ເຊື້ອ​ວັດ­ທະ­ນະ­ທຳ​ທີ່​ໂດດເດັ່ນ, ທັງ​ເປັນ​ການ​ປຸກ­ລະ­ດົມ​ພໍ່​ແມ່​ປະຊາ​ຊົນ​ໃຫ້​ມີ​ຄວາມ​ສະ­ໝານ​ສາ­ມັກ­ຄີ ພ້ອມ­ພຽງ​ກັນ​ຢ່າງ​ແໜ້ນ​ແຟ້ນ ຊຶ່ງ​ງານປີ​ນີ້​ມີ​ຄວາມ​ຄຶກ­ຄື້ນ​ຂຶ້ນ​ກວ່າ​ປີ­ຜ່ານ­ມາ ໂດຍ​ສະ­ເພາະ​ໄດ້​ມີ​ຫຼາກ​ຫຼາຍ​ກິດ­ຈະ­ກຳ​ທີ່ສ້າງ​ແຮງ​ຈູງ​ໃຈ​ໃຫ້​ຊາວ​ເມືອງ​ມີ​ຄວາມກະ​ຕື້​ລື້​ລົ້ນ​ເປັນ­ຕົ້ນ​ແມ່ນ: ມີ​ກິດ­ຈະ­ກຳ​ທີ່ຫຼາກ​ຫຼາຍ​ທາງ​ດ້ານ​ສາ­ສະ­ໜາ​ຄື:  ມີ​ການບວດ​ຕົ້ນ­ໄມ້​ເປັນ​ຫີນ​ທີ່​ມີ​ອາ­ຍຸ 3 ລ້ານກວ່າ​ປີ, ການ​ແຮ່​ຕົ້ນ​ເງິນ​ຕົ້ນ​ທອງ​ມາຖວາຍ​ໃຫ້​ພະ­ສົງ​ມີ 10 ກວ່າ​ກຸ່ມ​ບ້ານ ແລະ ມີ​ກາ­ນວາງ­ສະ­ແດງ​ສິນ­ຄ້າ​ຈຳ­ໜ່າຍ​ສິນຄ້າ​ໂອ​ດ໋ອບ-ໂອ​ກ໋ອບ ໂດຍ​ເປັນ​ສີ­ມື​ແຮງງານ​ຂອງ​ຊາວ​ເມືອງ​ລະ­ຄອນ​ເພັງຈາກກຸ່ມ​ບ້ານ​ຕ່າງໆ ແລະ​ມາ​ຈາກ​ປະ­ເທດ​ໄທເຂົ້າ​ຮ່ວມ​ຢ່າງ​ຫຼວງ­ຫຼາຍ​ເຮັດ​ໃຫ້­ການ​ຈໍ​ລະ​ຈອນ​ໜຸນ​ວຽນ​ສີນ​ຄ້າ​ເພີ່ມ​ຂຶ້ນ​ຫຼາຍກວ່າ​ປີ­ຜ່ານ­ມາ.

ທ່ານ ພູນ​ສຸກ ຣັດ​ຖະ​ເຮົ້າ ກ່າວ​ຕື່ມ​ອີກວ່າ: ບັນ​ຍາ​ການ​ງານ​ບຸນ​ປີ​ນີ້​ເຫັນ​ວ່າ​ມີຄວາມ​ຄຶກ­ຄື້ນ​ກວ່າ​ປີ­ຜ່ານ­ມາ​ຢ່າງ​ເຫັນຊັດ​ເຈນ ໂດຍ​ສະ­ເພາະ​ການ​ຫຼັ່ງ­ໄຫຼ​ເຂົ້າຮ່ວມ​ທ່ຽວ​ຊົມ​ຢ່າງ​ຫຼວງ­ຫຼາຍ​ຂອງ​ມວນຊົນ​ພາຍ​ໃນ​ແຂວງ ແລະ​ຕ່າງ​ແຂວງ, ເນື່ອງ​ຈາ​ກວ່າ​ງານ​ນະ­ມັດ­ສະ­ການ​ຮອຍພະ​ບາດ​ນາ​ດູ່​ປີ​ນີ້​ໄດ້​ມີ​ການ​ຄົບ­ງັນ 9 ມື້ 9 ຄືນ ນັບ​ແຕ່​ວັນ​ທີ 14-22 ກຸມ­ພາ ເພື່ອເປັນ​ການ​ໂຄ­ສະ­ນາ​ໃຫ້​ປວງ​ຊົນ​ທົ່ວ​ໜ້າຮັບ​ຮູ້, ເຂົ້າ­ໃຈ​ປະ­ຫວັດ​ຄວາມ​ເປັນ​ມາກ່ຽວ​ກັບ​ຮອຍ​ພະ​ບາດ​ນາ​ດູ່​ທີ່​ຕິດ​ພັນ​ກັບຮີດ­ຄອງ​ປະ­ເພ­ນີ ແລະ​ການ­ທ່ອງ­ທ່ຽວ.

ທີ່ມາ: ນສພ ເສດຖະິກດ-ສັງຄົມ

logo

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...