ໃນທີ່ສຸດກໍເປີດໂຕກັນຢ່າງເປັນທາງການແລ້ວສຳລັບສະມາດໂຟນເຮືອທຸງລຸ້ນໃໝ່ຈາກບໍລິສັດ LG ນັ້ນກໍຄື LG G5
ສຳລັບສະມາດໂຟນ LG G5 ນີ້ມາພ້ອມກັບຄຸນສົມບັດໃໝ່ຄື “ການປັບປ່ຽນໂມດູນຂອງໂຕເຄືອງໄດ້” (ສາມາດເບິ່ງວີດີໂອຕົວຢ່າງໄດ້ທີ່ຄອມເມັ້ນ ທາງ Facebook), ສຳລັບຄຸນສົມບັດນີ້ຈະເຮັດໃຫ້ເຮົາສາມາດປ່ຽນແບັດເຕີຣີຂອງໂຕເຄື່ອງໄດ້ຢ່າງສະບາຍ ໂດຍບໍ່ຕ້ອງກັງວົົນໃນເລື່ອງການງັດໂຕເຄື່ອງ ເພື່ອມາປ່ຽນແບັດແບບວິທີກ່ອນໆອີກຕໍ່ໄປແລ້ວ!!.
ລວມໄປເຖິງຄຸນສົມບັດດ້ານກ້ອງຄູ່ຂອງ G5 ທີ່ໄດ້ພັດທະນາດ້ານເທັັກໂນໂລຢີໃໝ່ໆເຂົ້າມາເສີມຢູ່ເລື້ອຍໆ, ສຳລັບກ້ອງຄູ່ຂອງ G5 ນີ້ປະກອບໄປດ້ວຍ ກ້ອງ 16 ລ້ານພິກເຊວ ທີ່ມີມຸມກວ້າງຢູ່ທີ່ 78 ອົງສາ ຕາມມາດຕະຖານ ແລະອີກເບື້ອງເປັນກ້ອງ 8 ລ້ານພິກເຊວແຕ່ມີ “ມຸມກວ້າງ 135 ອົງສາ” ເຊິ່ງຖືໄດ້ວ່າເປັນ ຄຸນສົມບັດໃໝ່ຂອງ LG ກໍເວົ້າໄດ້ ແລະຖ້າທຽບກັບກ້ອງສະມາດໂຟນລຸ້ນອື່ນໆແລ້ວກ້ອງຂອງ G5 ແມ່ນມີມຸມກວ້າງຫຼາຍກວ່າ 1.7 ເທົ່າ ແລະ ຫຼາຍກວ່າ 15 ອົງສາທີ່ສາຍຕາຄົນເຮົາສາມາດເບິ່ງໄດ້
ໃນດ້ານຂອງຄຸນສົມບັດອື່ນໆທີ່ໜ້າສົນໃຈກໍຄື LG G5 ສາມາດເຊື່ອມຕໍ່ກັບຊຸດຫູຟັງ VR ໄດ້ໂດຍຜ່ານພອຣດ USB Type-C, ອຸປະກອນມີໂຕແປງສັນຍານ aptX HD ເຊິ່ງສາມາດຮອງຮັບສຽງແບບ 24 ບິດໄດ້ ເຊິ່ງຈະເຮັັດໃຫ້ສຽງມີຄຸນນະພາບແລະຊັດເຈນຂຶ້ນກວ່າເກົ່າຜ່ານການເຊື່ອມຕໍ່ແແບບໄຮ້ສາຍ ແລະຍັງລວມໄປເຖິງອຸປະກອນອື່ນໆທີ່ທາງ LG ເປີດໂຕພ້ອມກັນນຳ
ສຳລັບລາຍລະອຽດສະເປັກ LG G5 ຢ່າງເປັນທາງການມີດັ່ງນີ້:
– ໜ້າຈໍຂະໜາດ 5.3 ນິ້ວ (ພື້ນທີ່ໜ້າຈໍຕໍ່ໂຕເຄື່ອງແມ່ນ 70.1℅), ຄວາມລະອຽດ 1440 x 2560 ພິກເຊວ (QHD) ແລະ ໃຊ້ຈໍ IPS LCD 16 ລ້ານສີ
– ໜ້າຈໍຖືກປົກປ້ອງດ້ວຍ Corning Gorilla Glass 4
– ໃຊ້ງານຊິບປະມວນຜົນ Qualcomm MSM8996 Snapdragon 820 ແລະ ຊິບປະມວນຜົນກຣາບຟິກ Adreno 530
– RAM 4GB
– ພື້ນທີ່ຈັດເກັບ 32GB ສາມາດເພີ່ມ MicroSD ໄດ້ (ສູງສຸດ 200 GB)
– ກ້ອງຫຼັງຄວາມລະອຽດ 16 ລ້ານພິກເຊວ (ຮູຮັບແສງ f/1.8) ແລະ 8 ລ້ານພິກເຊວ (ຮູຮັບແສງ f/2.4) ພ້ອມກັບລະບົບໂຟກັດອັດຕະໂນມັດ, ລະບົົບກັນສັ່ນ ແລະ ແຟລັດ LED
– ກ້ອງໜ້າຄວາມລະອຽດ 8 ລ້ານພິກເຊວ
– ບັນທຶກວີດີໂອແບບ 2160p@30fps, 1080p@60fps, HDR ແລະລະບົົບບັນທຶກສຽງສະເຕີຣີໂອ
– ແບັດເຕີຣີ Li-Ion 2800 mAh (ສາມາດປ່ຽນໄດ້ເອງ) ແລະຮອງຮັບຄວາມສາມາດສາກໄວ 83% ພາຍໃນ 30 ນາທີ (Quick Charge 3.0)
– ຮອງຮັບຄວາມສາມາດສາກໄຮ້ສາຍ
– ໃຊ້ງານລະບົບປະຕິບັດການ Android 6.0 Marshmallow ແລະຄອບດ້ວຍ LG Optimus UX 5.0 UI
– ໃຊ້ງານໄດ້ 2 ຊິມແລະຮອງຮັບສັນຍານ GSM / HSPA / LTE
– ສຳລັບການເຊື່ອມຕໍ່ Wi-Fi 802.11 a/b/g/n/ac, dual-band, Wi-Fi Direct, DLNA, hotspot
– Bluetooth v4.2, A2DP, LE, apt-X, GPS, A-GPS, GLONASS, BDS, NFC
– ພອຣດ USB v3.0, Type-C 1.0
– ຮູບຮ່າງຂອງໂຕເຄື່ອງ 149.4 x 73.9 x 7.7 ມມ ແລະໜັກ 158 ກຣາມ
ສຳລັບມື້ວາງຈຳໜ່າຍຄົງຈະເປັນເດືອນພຶດສະພາ ສ່ວນລາຄາຍັງບໍ່ມີການປະກາດອອກມາຢ່າງເປັນທາງການໃດໆ