ແພດຮືຮາ ເດັກນ້ອຍອິນເດຍເກີດມາພ້ອມພາວະແປກ ເປັນເດັກຫຼາຍຂາ ມີຂາທີ 3 ງອກຂຶ້ນມາທາງຫຼັງ ເຜີຍເປັນເຊວທີ່ໃຫຍ່ມາຈາກໄຂສັນຫຼັງ ຫາພົບໄດ້ໜ້ອຍທີ່ສຸດ.
ວັນທີ 17 ກຸມພາ 2559 ທີ່ຜ່ານມານີ້ ເວັບໄຊເດລີນີວ ເຜີຍລາຍງານວ່າ ມີເດັກນ້ອຍຊື່ ວາຣ໌ຊາ ເຊນາ ເດັກເພດຍິງຊາວອິນເດຍ ເກີດມາພ້ອມກັບອະໄວຍະວະທີ່ເປັນສ່ວນເກີນ ຕ່າງຈາກມະນຸດທົ່ວໆໄປ ນັ້ນຄືມີຂາທີ 3 ຂະໜາດນ້ອຍ ງອກຂຶ້ນມາທີ່ບໍລິເວນກາງຫຼັງດ້ານຊ້າຍ ຍື່ນອອກມາດ້ານນອກລຳຕົວ ເຊິ່ງທີມແພດຈາກໂຮງໝໍ Govind Ballabh Pant ໃນເມືອງ ເດລີ ເຜີຍວ່າ ຄວາມຜິດປົກກະຕິທີ່ພົບໃນກໍລະນີຂອງເດັກນ້ອຍຄົນນີ້ ເອີ້ນວ່າ ເດັກຫລາຍຂາ (polymelia) ຫຼື ພາວະທີ່ເດັກນ້ອຍເກີດມາຫຼາຍກ່ວາ 2 ຂາ ຫຼື 2 ແຂນ ເຊິ່ງເປັນທີ່ໜ້າແປກໃຈຫຼາຍ ເນື່ອງຈາກພວກເຂົາບໍ່ໄດ້ພົບເຫັນລັກສະນະດຽວກັນນີ້ກ່ວາ 55 ປີແລ້ວ.
ຢ່າງໃດຕາມ ນັບວ່າເປັນຄວາມໂຊກດີຂອງເດັກນ້ອຍວາຣ໌ຊາຢ່າງຍິ່ງ ທີ່ເມື່ອປາຍເດືອນທີ່ຜ່ານມາທີມແພດຜູ້ຊ່ຽວຊານດ້າຍສັນຍະກຳໄດ້ປະສົບຄວາມສຳເລັດໃນການຜ່າຕັດ ນຳຂາທີ 3 ສ່ວນເກີນອອກໄປໄດ້ຮຽບຮ້ອຍ ປັດຈຸບັນ ເດັກນ້ອຍວາຣ໌ຊາອາຍຸໄດ້ 2 ປີແລ້ວ ແລະ ສາມາດໃຊ້ຊີວິດໄດ້ເໝືອນຄົນປົກກະຕິເຊັ່ນດຽວກັບເດັກຄົນອື່ນໆ.