LINE ເປີດຕົວ Foodie ແອບພລິເຄເຊິນສຳລັບຖ່າຍພາບອາຫານໂດຍສະເພາະ ມີໃຫ້ດາວໂຫຼດລ້າແລ້ວທັງໃນລະບົບປະຕິບັດການ iOS ແລະ Android.
Foodie ມີລັກສະນະຄ້າຍຄືກັບແອບພລິເຄເຊິນຖ່າຍພາບໂດຍທົ່ວໄປ ແຕ່ເມື່ອທ່ານຕ້ອງການຖ່າຍພາບອາຫານຈາກມຸມເທິງ ຖ້າຖືສະມາດໂຟນເປັນລວງຂະໜານພໍດີຂະນະກຳລັງຖ່າຍພາບ ບໍລິເວນປຸ່ມຊັດເຕີຈະປ່ຽນຈາກສີດຳເປັນປຸ່ມສີຂາວເທິງພື້ນຫຼັງສີເຫຼືອງ ເພື່ອບອກວ່າເປັນຕຳແໜ່ງທີ່ດີໃນການຖ່າຍພາບ ຊ່ວຍໃຫ້ພາບອາຫານຂອງທ່ານເບິ່ງສວຍງາມເປັນຕາກິນ.
Foodie ຍັງມາພ້ອມຟັງເຊິນຫຼາກຫຼາຍແບບສຳລັບຖ່າຍອາຫານເຊັ່ນ ການເຮັດພາບມົວ ຫຼື Blur ພາບໃນສ່ວນທີ່ບໍ່ແມ່ນອາຫານ, ການເພີ່ມ-ຫຼຸດຄວາມສະຫວ່າງຂອງພາບ ໂດຍມີໂໝດຕົກແຕ່ງພາບກວ່າ 24 ໂໝດ ສາມາດເລືອກຕາມໝວດຂອງອາຫານໄດ້ເຊັ່ນ ຊີ້ນ, ຂອງຫວານ, ເຄື່ອງດື່ມ…
ຫຼັງຈາກຖ່າຍພາບອາຫານຈາກເດັດຂອງທ່ານແລ້ວ ທ່ານສາມາດແບ່ງປັນພາບໃຫ້ໝູ່ເບິ່ງຜ່ານເຄືອຂ່າຍສັງຄົມອອນລາຍໄດ້ຫຼາຍທາງ ທັງ LINE, Facebook, Twitter ແລະ Instagram.
ຫາກທ່ານຮັກການຖ່າຍຮູບອາຫານ ລອງດາວໂຫຼດແອບພລິເຄເຊິນນີ້ມາລົງໃຊ້ເບິ່ງ ສາມາດາວໂຫຼດແອບພລິເຄເຊິນ Foodie ໄດ້ຢູ່ນີ້ເລີຍ iOS, Android