spot_img
Homeຂ່າວພາຍ​ໃນອັດຕະປື ຕ້ອງການທຶນພັດທະນາ 7 ພັນຕື້ກວ່າກີບ

ອັດຕະປື ຕ້ອງການທຶນພັດທະນາ 7 ພັນຕື້ກວ່າກີບ

Published on

  ເພື່ອ​ສ້າງ​ແຂວງອັດ​ຕະ​ປື ໃຫ້​ເປັນ​ແຂວງສີ­ຂຽວ, ມີ​ສະ­ເໜ, ສະຫງົບ, ປອດ​ໄພ​ກາຍ­ເປັນທາງ​ຜ່ານ, ການ​ທ່ອງທ່ຽວ​ພາຍ​ໃນເຊື່ອມ​ໂຍງກັບ​ພາກ​ພື້ນ ແລະ​ສາ­ກົນຂອງ​ເຂດ​ສາມ­ຫຼ່ຽມ​ພັດ­ທະ­ນາ​ຫັນ​ໄປ​ສູ່ອຸດ­ສາ­ຫະ­ກຳ ແລະ​ທັນ​ສະ­ໄໝ​ໃນ 5 ປີ​ຕໍ່ ໜ້າຊຶ່ງ​ແຂວງ​ມີ​ຄວາມ​ຕ້ອງ­ການ​ທຶນເພື່ອ​ມາ​ພັດ­ທະ­ນາ​ຈຸດ​ດັ່ງ­ກ່າວ 7 ພັນ​ຕື້ກວ່າ​ກີບ.

   ທ່ານ ດຣ. ນາມ ວິ​ຍະ​ເກດ ເຈົ້າ­ແຂວງອັດ​ຕະ​ປື​ກ່າວ​ວ່າ: ສຳ­ລັບ​ແຜນ​ພັດ­ທະ­ນາເສດ­ຖະ­ກິດ-ສັງ­ຄົມ 5 ປີ ຄັ້ງ​ທີ VIII ເປົ້າ ໝາຍ​ລວມ​ແມ່ນ​ການ​ສືບ­ຕໍ່​ແກ້​ໄຂ​ຄວາມທຸກ​ຍາກ​ຂອງ​ປະ­ຊາ­ຊົນ ເພື່ອ​ນຳ​ເອົາ​ປະເທດ​ຊາດ​ຫຼຸດ​ພົ້ນ​ອອກ​ຈາກ​ສະ­ຖາ­ນະພາບ​ຄວາມ​ດ້ອຍ​ພັດ­ທະ­ນາ​ໃນ​ປີ 2020 ໂດຍ​ແຂວງ​ອັດ​ຕະ​ປື ນຳ​ໃຊ້​ທ່າ­ແຮງ​ບົ່ມ ຊ້ອນ ແລະ​ຂໍ້​ໄດ້​ປຽບ​ຕ່າງໆ​ເປັນ­ຕົ້ນ​ການ ເຊື່ອມ​ໂຍງ​ກັບ​ພາຍ​ໃນ, ພາກ​ພື້ນ ແລະ​ສາກົນ ໂດຍ​ສູ້​ຊົນ​ເຮັດ​ໃຫ້​ລາຍ​ໄດ້​ສະ­ເລ່ຍ​ໃສ່ຫົວ​ຄົນ​ບັນ­ລຸ 2.900 ໂດ​ລາ​ສະ­ຫະ­ລັດ​ຕໍ່ ຄົນ​ຕໍ່​ປີ ແລະ​ເຮັດ​ໃຫ້​ເສດ­ຖະ­ກິດ​ຂະ­ຫຍາຍຕົວ​ສະ­ເລ່ຍ​ບໍ່​ໃຫ້​ຫຼຸດ 10%ຕໍ່​ປີ ໃນ​ນັ້ນ, ກະ­ສິ­ກຳ-ປ່າ­ໄມ້​ເພີ່ມ​ຂຶ້ນ​ສະ­ເລ່ຍ 8%, ອຸດສາ​ຫະ​ກຳ​ເພີ່ມ​ຂຶ້ນ 13,40% ແລະ ການບໍ­ລິ­ການ​ເພີ່ມ​ຂຶ້ນ 15,20% ພ້ອມ​ທັງ​ສູ້ ຊົນ​ປະ­ຕິ­ບັດ​ລາຍ​ຮັບ​ງົບ­ປະ­ມານ​ທັງ​ໝົດ ໃຫ້​ໄດ້ 10-15%, ມູນ​ຄ່າ​ການ​ສົ່ງ​ອອກ​ຂະຫຍາຍ​ຕົວ​ສະ­ເລ່ຍ​ໃນ​ລະ­ດັບ​ບໍ່​ຫຼຸດ 15% ແລະ​ການ​ນຳ​ເຂົ້າ​ບໍ່​ເກີນ 10% ອັດ­ຕາ​ເງິນ ເຟີ້​ໃຫ້​ຢູ່​ໃນ​ລະ­ດັບ 6% ແລະ​ພົນ­ລະ­ເມືອງ ໃນ​ປີ 2020 ປະ­ມານ 154.542 ຄົນ.

ນອກ​ນີ້​ການ​ດຸ່ນ​ດ່ຽງ​ມະ­ຫາ​ພາກ​ໃນການ​ພັດ­ທະ­ນາ ແລະ​ການ​ສະ­ໜອງ​ທຶນໄລ­ຍະ 5 ປີ​ຕໍ່­ໜ້າ ແຂວງ​ອັດ​ຕະ​ປື​ມີ​ຄວາມຕ້ອງ­ການ​ໃຊ້​ທຶນ​ເພື່ອ​ການ​ພັດ­ທະ­ນາ​ທັງ​ໝົດ 7.100 ຕື້​ກີບ ກວມ​ເອົາ 50% ຂອງຈີ​ດີ​ພີ ໃນ​ນີ້ ການ​ລົງ­ທຶນ​ຈາກ​ງົບ­ປະ­ມານລັດ​ປະ­ມານ 5-10% ຂອງ​ການ​ລົງ­ທຶນ ລວມ, ການ​ລົງ­ທຶນ​ຈາກ​ການ​ຊ່ວຍ­ເຫຼືອ ລ້າ​ປະ­ມານ 10-15%, ການ​ລົງ­ທຶນ​ເອກະ​ຊົນ​ພາຍ​ໃນ ແລະ​ຕ່າງ­ປະ­ເທດ​ປະ­ມານ 60%, ການ​ລົງ­ທຶນ​ຈາກ​ການ​ປ່ອຍ​ສິນ ເຊື່ອ​ຂອງ​ທະ­ນາ­ຄານ​ປະ­ມານ 20-25% ຂອງ​ການ​ລົງ­ທຶນ​ລວມ, ສ່ວນ​ການ​ພັດ ທະ​ນາ ແລະ​ລຶ­ບລ້າງ​ຄວາມ­ທຸກ​ຍາກ​ຂອງ ປະ­ຊາ­ຊົນ​ບັນ­ດາ­ເຜົ່າ​ສົກ​ປີ 2016-2020 ສູ້​ຊົນ​ເຮັດ​ໃຫ້​ອັດ­ຕາ​ຄວາມ­ທຸກ​ຍາກ​ຫຼຸດລົງ​ຕ່ຳ​ກວ່າ 5%, ອັດ­ຕາ​ຄອບ­ຄົວ​ທຸກ​ຍາກ ຍັງ​ເຫຼືອ​ບໍ່​ເກີນ 5% ບ້ານ​ທຸກ​ຍາກ​ບໍ່​ເກີນ 10% ແລະ​ສ້າງ​ຄອບ­ຄົວ​ພັດ­ທະ­ນາ​ໃຫ້ ໄດ້​ຫຼາຍ​ກວ່າ 50%, ສ້າງ​ບ້ານ​ໃຫຍ່​ໃຫ້ ກາຍ­ເປັນ​ຕົວ​ເມືອງ​ນ້ອຍ​ໃນ​ຊົນ­ນະ­ບົດ ໃຫ້​ໄດ້​ຫຼາຍ​ກ່ວ​າ 6 ແຫ່ງ ພ້ອມ​ກັນ​ນີ້​ຕ້ອງ ສ້າງ​ວຽກ​ເຮັດ​ງານ​ທຳ ແລະ​ຍົກ​ສູງ​ລາຍ ໄດ້​ຂອງ​ປະ­ຊາ­ຊົນ​ໃຫ້​ຫຼາຍ​ຂຶ້ນ ເພື່ອ​ເຮັດ ໃຫ້​ເສດ­ຖະ­ກິດ-ສັງ­ຄົມ​ມີ​ການ​ພັດ­ທະ­ນາ ແລະ​ມີ​ການ​ຂະ­ຫຍາຍ­ຕົວ​ຢ່າງ​ໝັ້ນ​ທ່ຽງ ແລະ​ຕໍ່​ເນື່ອງ.

ທ່ານ ດຣ. ນາມ ວິ​ຍະ​ເກດ ກ່າວ​ຕື່ມວ່າ: ຄະ­ນະ​ພັກ​ອົງ­ການ​ປົກ­ຄອງ​ແຕ່​ລະ​ຂັ້ນ​ລວມ​ທັງ​ປະ­ຊາ­ຊົນ​ບັນ­ດາ­ເຜົ່າ​ຕ້ອງ​ໄດ້​ເພີ່ມ​ທະ­ວີ​ຄວາມ​ຮັບ­ຜິດ­ຊອບ​ໃຫ້​ສູງ​ຂຶ້ນ​ຈັດ​ຕັ້ງ​ປະ­ຕິ­ບັດ​ທິດ​ທາງ​ຄາດ­ໝາຍ, ວຽກ​ຈຸດ​ສຸມ​ທັງ​ສົ່ງ­ເສີມ​ວິ​ສາ​ຫະ​ກິດ​ຂະໜາດ​ນ້ອຍ-ກາງ, ເສດ­ຖະ­ກິດ​ຄອບ­ຄົວ, ກຸ່ມ​ການ​ຜະ­ລິດ, ສົ່ງ­ເສີມ​ການ​ລົງ­ທຶນຂອງ​ພາກ​ເອ­ກະ​ຊົນ​ພາຍ​ໃນ ແລະ​ຕ່າງປະ­ເທດ​ທັງ​ສ້າງ­ຕັ້ງ​ເສດ­ຖະ­ກິດ​ສະ­ເພາະ ໃຫ້​ເປັນ​ຮູບ​ປະ​ທຳ, ສ້າງ​ໜໍ່​ແໜງ​ເສດ​ຖະກິດ​ການ​ຮ່ວມ​ມື​ຮ່ວມ​ສຳ­ພັນ​ເສດ­ຖະ­ກິດ ການ​ຜະ­ລິດ​ແບບ​ຕ່ອງ​ໂສ້​ທຸກ​ການ​ພັດທະ​ນາ​ຕ້ອງ​ຕິດ​ພັນ​ກັບ​ຂົງ­ເຂດ​ວັດ­ທະ­ນະທຳ​ຢ່າງ​ແຂງ­ແຮງ.

ທີ່ມາ:logo

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...