LG Stylus 2 ມີໜ້າຈໍຂະໜາດ 5.7 ນິ້ວ ຄວາມລະອຽດ HD (720p) ໂຕເຄື່ອງບາງ 7.4 ມມ ແລະນ້ຳໜັກ 145 ກຣາມ. ໃນດ້ານຂອງໜ່ວຍປະມວນຜົນບໍ່ໄດ້ມີການອັບເກຣດຫຼາຍປານໃດຈາກລຸ້ນກ່ອນໜ້ານີ້ ເຊິ່ງຄວາມໄວຂອງໜ່ວຍປະມວນຜົນຢູ່ທີ່ 1.2 GHz (ຄາດວ່າຈະເປັນ Snapdragon 410), ຮອງຮັບສັນຍານ LTE, RAM 1.5GB, ພື້ນທີ່ຈັດເກັບ 16GB ແລະ ແບັດເຕີຣີ 3000 mAh. ໃນຂະນະທີ່ກ້ອງຫຼັງມີຄວາມລະອຽດ 13 ລ້ານພິກເຊວ ແລະກ້ອງໜ້າຄວາມລະອຽດ 8 ລ້ານພິກເຊວ
ສຳລັບ LG Stylus 2 ນັ້ນມາພ້ອມກັບບິກຂຽນອັດສະລິຍະ Stylus ໃນລຸ້ນໃໝ່ນີ້ກໍໄດ້ມີການອັບເກຣດໃນສ່ວນຂອງຫົວບິກທີ່ “ເຄືອບດ້ວຍນາໂນ” ເຊິ່ງທາງ LG ບອກວ່າມັນຈະເຮັດໃຫ້ມີຄວາມແມ້ນແລະຊັດເຈນຂຶ້ນຫຼາຍກວ່າ “ຫົວບິກແບບຢາງ” . LG Stylus 2 ນັ້ນຈະໃຊ້ງານລະບົບ Android 6.0 Marshmallow ໃນກ່ອງເລີຍ ແລະມາພ້ອມກັບ 3 ສີຄື: ສີຂາວ, ສີໄທທັນ ແລະສີນ້ຳຕານ ລາຍລະອຽດຕ່າງໆທີ່ຫຼາຍກວ່ານີ້ຄາດວ່າອາດຈະເປີດເຜີຍໃນງານ MWC
ທີ່ມາ:phonearena