spot_img
Homeຂ່າວການສຶກສາສະຫະພາບເອີຣົບ ຈະຊ່ວຍ15 ລ້ານເອີໂຣ ເພື່ອສົ່ງເສີມການສຶກສາລາວ ໃຫ້ມີຄຸນນະພາບ!

ສະຫະພາບເອີຣົບ ຈະຊ່ວຍ15 ລ້ານເອີໂຣ ເພື່ອສົ່ງເສີມການສຶກສາລາວ ໃຫ້ມີຄຸນນະພາບ!

Published on

ຂປລ. ສະຫະພາບ​​ເອີຣົບ ​ໄດ້ນໍາ​ສະ​ເໜີ​ແຜນ​ງານ​ເພື່ອຊ່ວຍປັບປຸງການເຂົ້າເຖິງ ການສຶກສາຂັ້ນພື້ນຖານ ທີ່ມີຄຸນນະພາບ ແລະ ເພື່ອຍົກສູງການຄຸ້ມຄອງ, ການວາງແຜນ ແລະ ການບໍລິຫານຂະແໜງສຶກສາໃນ ສປປ ລາວ ​ແຕ່ນີ້​ຮອດ​ປິ 2020 ມູນ​ຄ່າ 15 ລ້ານ​​ຢູ​ໂຣ ຫລື ​ປະມານ 17 ລ້ານ​ໂດ​ລາ​ສະຫະລັດ.

ກອງ​ປະຊຸມ​ດັ່ງກ່າວ, ​ໄດ້​ມີ​ຂຶ້ນ​ໃນ​ວັນ​ທີ 12 ກຸມພານີ້​ ທີ່​ຫ້ອງ​ປະຊຸມ​ສູນ ICT ກະຊວງ​ສຶກສາ​ທິການ ​ແລະ ກິລາ​ ໂດຍ​ມີ ​ທ່ານນາງ ​ແສງ​ເດືອນ ຫລ້າ​ຈັນທະ​ບູນ ຮັກສາ​ການ​ລັດຖະມົນຕີ​ວ່າການ ​ກະຊວງ​ສຶກສາ​ທິການ ​ແລະ ກິລາ, ທ່ານ ມິກ​ເຊ​ວ ກອບ​ຟິນ(Michel GOFFIN) ອຸປະ​ທູດ​ສະຫະພາບ​ເອີຣົບ ປະ​ຈໍາ ສປປ ​ລາວ, ມີ​ບັນດາ​ຜູ້ຕາງໜ້າ​ຈາກ​ພາກ​ລັດ, ອົງການ​ຈັດ​ຕັ້ງສາກົນ, ຄູ່​ຮ່ວມ​ພັດທະນາ ພ້ອມ​ດ້ວຍ​ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ທ່ານນາງ ​ແສງ​ເດືອນ ຫລ້າ​ຈັນທະ​ບູນ ກ່າວ​ວ່າ: ​ກ​ານ​ປັບປຸງຄຸນ​ນະພາ​ບການ​ສຶກສາ ​ແມ່ນ​ໜຶ່ງ​ໃນ​ບັນດາ​ບູລິ​ມະ​ສິດ​ອັນ​ຕົ້ນຕໍ​ຂອງ​ລັດຖະບານສປປ ລາວ ​ແລະ ຈໍາ​ເປັນ​ສໍາລັບ​ການ​ບັນລຸ​ເປົ້າ​ໝາຍ​ສະຫັດ​ສະ​ວັດ ​ແຫ່ງ​ການ​ພັດທະ ນາ​ທີ່​ຍືນຍົງ(SFGs) ​ແລະ ການ​ຊ່ວຍ​ເຫລືອ​ຫລຸດ​ພົ້ນ​ອອກ​ຈາກ​ສະຖານະ​ພາບ​ດ້ອຍ​ພັດທະນາ. ສໍາລັບ​ແຜນ​ງານຂອງ​ສະຫະພາບ​ເອີຣົບ ​ເປັນ​ການ​ປະກອບສ່ວນ​ອັນ​ຕັ້ງໜ້າ​ເຂົ້າ​ໃນ​ການຈັດ​ຕັ້ງ​ປະຕິບັດ ​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ ທັງ​​ສອດຄ່ອງ​ກັບ​ແຜນ​ພັດທະນາ​ຂະ​ແໜງ​ສຶກສາ ​ສົກ​ປີ 2016-2020. ​ໂຄງການນີ້ ​ກໍ່​ແມ່ນ​ໂຄງການ​ໜຶ່ງ​ທີ່​​ໄດ້​ຮັບ​ການ​ສະໜັບສະໜູນ​ຈາກ​ສະຫະພາບ​ເອີຣົບ ​ໃນ​ໄລຍະປີ 2015-2020 ​ມີ​ມູນ​ຄ່າ15 ລ້ານ​ຢູ​ໂຣ, ​ເຊິ່ງໃນ​ນັ້ນ 11,5 ລ້ານຢູ​ໂຣ ຈະ​ປະ​ສ່ວນ​ເຂົ້າ​ໃນ​ການ​ຈັດ​ຕັ້ງ​ປະຕິບັດ​ແຜນ​ງານການ​ປັບປຸງ​ຄຸນນະພາບ ​ແລະ ຂະຫຍາຍ​ໂອ​ກາດ​ການ​ເຂົ້າ​ຮຽນ​ສໍາລັບ​ການ​ສຶກສາ​ຂັ້ນ​ພື້ນຖານ​ຢູ່ສປປ ລາວ ຫລື​ ເອີ້ນ​ວ່າ​ແຜນ​ງານບີ​ກວາ (BEQUAL) ຮ່ວມ​ກັບ​ລັດ ຖະບານ​ອົດ​ສະຕຣາລີ ​ໄລຍະ​ການຈັດ​ຕັ້ງ​ປະຕິບັດ​ແມ່ນ 10 ປີ ​ໂດຍ​ຈະ​ສຸມ​ໃສ່ 66 ​ເມືອງ ​ເພື່ອ​ປະກອບສ່ວນ ​ແລະ ສົ່ງ​ເສີມ​ໃຫ້​ນັກຮຽນ ​ ທີ່​ດ້ອຍ​ໂອກາດ​ທາງ​ດ້ານ​ການ​ສຶກສາ ​​ໄດ້ເຂົ້າຮຽນ​​ຈົບ​ຊັ້ນ​ປະຖົມ, ສ່ວນ 3 ລ້ານກວ່າ​ຢູ​ໂຣ ຈະ​ນໍາ​ໃຊ້​ເຂົ້າ​ໃນ​ການ​ຊ່ວຍ​ເຫລືອ​ດ້ານ​ວິຊາ​ການ ​ໃນ​ການ​ພັດທະນາ​ຍົກ​ລະດັບ​ໃຫ້​ພະນັກງານ​ບໍລິຫານ ​ໃນ​ການວາງ​ແຜນ ​ແລະ ​ແຜນ​ງົບປະມານ​ຢູ່​ໃນ​ລະດັບ​ເມືອງ, ​ແຂວງ ​ແລະ ສູນ​ກາງ, ພັດທະນາ​ເຄື່ອງມື ຫລື Software ​ໃນ​ການ​ສ້າງ​ແຜນ ​ແລະ ຄຸ້ມ​ຄອງ​ງົບປະມານ, ຝຶກ​ອົບຮົມ​ໃຫ້​ຜູ້​ອໍານວຍ​ການ​ໂຮງຮຽນ ​ກ່ຽວ​ກັບ​ການ​ນໍາ​ໃຊ້​ຄູ່​ມື​ແນະ​ນໍາ​ການ​ຄຸ້ມ​ຄອງ​ໂດຍ​ເນັ້ນ​ໃສ່​ໂຮງຮຽນ​ ເປັນ​ຫລັກ, ປັບປຸງ​ທາງ​ດ້ານ​ນະ​ໂຍບາຍ ​ແລະ ຍຸດ​ທະ​ສາດ​ຂອງ​ວຽກ​ງານ​ການ​ສຶກສາ ​ແລະ ອື່ນໆ, ສ່ວນ 2​ ແສນກວ່າ​ຢູ​ໂຣ ​ແມ່ນ​ຈະ​ໃຊ້ຈ່າຍ​ເຂົ້າ​ໃນ​ການ​ປະ​ເມີນ ​ແລະ ກວດ​ສອບ​ໂຄງການ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...