ໂຄງການກໍ່ສ້າງທາງປູຢາງເທສະບານເມືອງແກ່ນທ້າວ ແຂວງໄຊຍະບູລີ ພາຍຫຼັງທີ່ໄດ້ເຊັນສັນຍາກັນໃນທ້າຍເດືອນທັນວາ 2015 ຜ່ານມາລະຫວ່າງພະແນກໂຍທາທິການ ແລະຂົນສົ່ງ ແຂວງ ໄຊຍະບູລີ ໃນນາມເຈົ້າຂອງໂຄງການກັບບໍລິສັດ ຈັນທະວົງ ກໍ່ສ້າງຂົວ-ທາງໃນນາມຜູ້ຮັບເໝົາກໍ່ສ້າງ ແລະມອບໃຫ້ຫ້ອງການໂຍທາທິການ ແລະຂົນສົ່ງເມືອງແກ່ນທ້າວເປັນຜູ້ຈັດຕັ້ງປະຕິບັດ, ໂດຍເລີ່ມຈາກເສັ້ນທາງແຕ່ເທສະບານ ເມືອງຫາບ້ານນາບອນ-ສາມແຍກໂຄກກະເປົາ, ມາຮອດປະຈຸບັນ ໄດ້ເລີ່ມລົງມືກໍ່ສ້າງແລ້ວຄາດອີກ 18 ເດືອນສຳເລັດ.
ທ່ານ ສຸກສະຫວັນ ວົງສີປະສົມ ຫົວ ໜ້າຫ້ອງການໂຍທາທິການ ແລະຂົນສົ່ງ ເມືອງແກ່ນທ້າວໄດ້ໃຫ້ຮູ້ວ່າ: ໂດຍໄດ້ຮັບ ທຶນອະນຸມັດຈາກສະພາແຫ່ງຊາດໃນ ສົກປີ 2015-2016 ໃຫ້ເມືອງແກ່ນທ້າວ ກໍ່ສ້າງເສັ້ນທາງສາຍຫຼັກ-ທາງຊອຍ 9 ເສັ້ນ. ໃນເທສະບານເມືອງ, ລວມເປັນ ເງິນທັງໝົດ 24,7 ຕື້ກວ່າກີບ, ໃນນີ້ເສັ້ນ ທາງແຕ່ເທສະບານເມືອງຫາບ້ານນາ ບອນ-ສາມແຍກໂຄກກະເປົາ ເຊື່ອມຕໍ່ກັບ ເສັ້ນທາງຫຼວງແຫ່ງຊາດເລກ 4, ມີລວງຍາວ 5,3 ພັນແມັດ, ກວ້າງ 7 ແມັດ, ຊຶ່ງປະຈຸບັນໄດ້ເລີ່ມວຽກອະນາໄມຂອບເຂດເສັ້ນທາງໂດຍໄດ້ເບີກໜ້າທາງກວ້າງ 14 ແມັດ, ຕັດ ແລະຖົມດິນ, ວາງທໍ່ລະ ບາຍນ້ຳ 24 ແຫ່ງ ແລະປູຢາງສອງຊັ້ນ ພ້ອມທັງຕິດຕັ້ງປ້າຍສັນຍານຈະລາຈອນ ຕະຫຼອດໄລຍະເສັ້ນທາງ, ໂດຍມອບໃຫ້ ບໍລິສັດ ຈັນທະວົງ ກໍ່ສ້າງຂົວ-ທາງເປັນ ຜູ້ຮັບເໝົາກໍ່ສ້າງ, ກຳນົດ 18 ເດືອນໃຫ້ ສຳເລັດ.
ທ່ານ ສຸກສະຫວັນ ວົງສີປະສົມຍັງໃຫ້ຮູ້ຕື່ມວ່າ: ເສັ້ນທາງບ້ານນາບອນເປັນ ເສັ້ນທາງໜຶ່ງທີ່ສຳຄັນເປັນເສັ້ນທາງຫຼັກເຂົ້າສູ່ໃຈກາງເທສະບານເມືອງ, ຖ້າເສັ້ນ ທາງນີ້ສ້າງ ແລະປູຢາງສຳເລັດຈະນຳປະ ໂຫຍດຢ່າງມະຫາສານໃຫ້ແກ່ປະຊາຊົນ ບ້ານນາບອນກໍຄືປະຊາຊົນເມືອງແກ່ນ ທ້າວ, ເຮັດໃຫ້ການໄປມາຫາສູ່, ການຂົນ ສົ່ງສິນຄ້າ, ການສັນຈອນໄປມາຂອງນ້ອງນັກຮຽນສະດວກສະບາຍ ແລະວ່ອງໄວ ກວ່າເກົ່າຫຼາຍເທົ່າ.
ທີ່ມາ: