ຂ່າວຕ່າງເທດລາຍງານວ່າ ຮອດດ້າ ຜູ້ຜະລິດລົດລາຍໃຫຍ່ລະດັບໂລກຂອງປະເທດຍິ່ງປຸ່ນ ປະກາດຮຽກຄືນລົດກວ່າ 2,23 ລ້ານຄັນ ໃນທະວີອາເມລິກາເໜືອ ແລະປະເທດການາດາ ຫຼັງພົບບັນຫາໃນລະບົບຖົງລົມນິລະໄພ.
ໂດຍທາງຮອນດ້າ ໄດ້ສັ່ງຮຽກຄືນລົດຍີ່ຫໍ້ຮອນດ້າແລະແອຄິວຣາ ທີ່ຜະລິດໃນຊ່ວງລະຫວ່າງປີ 2015-2016 ທີ່ໄດ້ຈຳໜ່າຍໃນອາເມລິກາເໜືອ ແລະການາດາ ຈຳນວນກວ່າ 2.230.000 ຄັນ ຫຼັງພົບບັນຫາຖົງລົມນິລະໄພຂອງຍີ່ຫໍ້ ທາກະຕະ ຮຸ່ນ PSDI-5 ທີ່ອາດເຮັດວຽກຂັດຂ້ອງ ແລະສົ່ງຜົນໃຫ້ເກີດອຸບັດເຫດໄດ້ ໂດຍທາງຮອນດ້າຢືນຢັນຈະຕິດຕັ້ງຖົງລົມນິລະໄພຍີ່ຫໍ້ໃໝ່ໃຫ້ລົດທີ່ຮຽກຄືນ ໂດຍເຈົ້າຂອງລົດບໍ່ຕ້ອງເສຍຄ່າໃຊ້ຈ່າຍ ຊຶ່ງຈະເລັ່ງດຳເນີນການໃນຊ່ວງລະດູຮ້ອນທີ່ຈະມາເຖິງນີ້.
ກໍລະນີດັ່ງກ່າວເກີດຂຶ້ນຫຼັງຈາກທີ່ທາກາຕະ ບໍລິສັດຜະລິດຖົງລົມນິລະໄພລາຍໃຫຍ່ຂອງຍີ່ປຸ່ນຍອມຮັບຕໍ່ພະນັກງານຮັກສາຄວາມປອດໄພຕາມທ້ອງຖະໜົນຂອງສະຫະລັດ (NHTSA ) ວ່າ ຖົງລົມນິລະໄພຂອງທາກາຕະທີ່ຕິດຕັ້ງໃຫ້ແກ່ລົດຫຼາກຫຼາຍຍີ່ຫໍ້ ຈຳນວນກວ່າ 4 ລ້ານຄັນທົ່ວໂລກອາດເຮັດວຽກຂັດຂ້ອງ ສົ່ງຜົນໃຫ້ບໍລິສັດຜູ້ຜະລິດລົດຊຶ່ງເປັນລູກຄ້າຂອງບໍລິສັດທາກາຕະບໍ່ວ່າຈະເປັນ ຮອນດ້າ, ໂຟກສະວາເກນ, ມາສດ້າ, ໄຄຣສະເລີ, ເກຍ ແລະ ວອນໂວ ຕ່າງອອກມາຮຽກຄືນລົດເພື່ອປ່ຽນຖົງລົມນິລະໄພແລ້ວກວ່າ 5 ລ້ານຄັນ.