ໃນວັນທີ 3 ກຸມພາທີ່ຜ່ານມາ ທະນາຄານໂລກ (ເວິລແບງ) ໄດ້ປ່ອຍກູ້ 100 ລ້ານໂດລາສະຫະລັດ ເພື່ອຊ່ວຍປັບປຸງລະບົບເຮັດຄວາມຮ້ອນໃຫ້ທັນສະໄໝຂຶ້ນທົ່ວເມືອງອຸຣຸມຊີຂອງສປ ຈີນ.
ທະນາຄານໂລກໄດ້ປ່ອຍກູ້ 100 ລ້ານໂດລາໃຫ້ຈີນ ເພື່ອຊ່ວຍປັບປຸງລະບົບຄວາມຮ້ອນໃຫ້ທັນສະໄໝຂຶ້ນທົ່ວເມືອງອຸຣຸມຊີ ໜຶ່ງໃນພື້ນທີ່ທີ່ເກີດມົນລະພິດທາງອາກາດຮ້າຍແຮງທີ່ສຸດໃນຈີນ ຫຼັງຈາກໃນເດືອນມັງກອນທີ່ຜ່ານມາ ທະນາຄານໂລກອະນຸມັດເງິນກູ້ 100 ລ້ານໂດລາໃຫ້ກັບໂຄງການໃນເມືອງເຊິງເຕີ, ເມືອງຊິງໄທ່, ເມືອງຈາງເຈຍໂຂວ ແລະ ເມືອງປິງຊານໃນມົນທົນເຫີເປ້ຍ, ຊຶ່ງທະນາຄານໂລກຍັງໄດ້ເປີດເຜີຍເຖິງການພັດທະນາການໃຊ້ພະລັງງານຄວາມຮ້ອນເພື່ອປັບປຸງຄຸນນະພາບສິ່ງແວດລ້ອມຂອງເມືອງຕ່າງໆທາງພາກເໜືອຂອງຈີນ ຊຶ່ງທັງມີແຜນການໄລຍະສັ້ນຈະຂົນຂວາຍໃຫ້ເລີກນຳໃຊ້ໝໍ້ຕົ້ມພະລັງງານຖ່ານຫີນມາໃຊ້ພະລັງແກ໊ສແທນ ສ່ວນແຜນການໄລຍະຍາວຈະສະເໜີມາດຕະການຈູງໃຈຊາວບ້ານໃຫ້ໃຊ້ພະລັງງານມີປະສິດທິພາບຫຼາຍຂຶ້ນ
ຂະນະທີ່ທາງການທ້ອງຖິ່ນນະຄອນຫຼວງປັກກິງເທດສະບານນະຄອນທຽນຈິງ ແລະ ມົນທົນເຫີເປ້ຍ ສູນລວມອຸດສາຫະກຳປະເທດມີຜູ້ອາໄສຢູ່ທັງໝົດ 130 ລ້ານຄົນ ແລະ ເປັນ 3 ເມືອງໃຫຍ່ທີ່ກໍ່ມົນລະພິດທາງອາກາດຫຼາຍທີ່ສຸດ ສົ່ງຜົນເຮັດໃຫ້ມີຜູ້ເສຍຊີວິດປີລະ 5 ແສນກວ່າຄົນ ແລະ ເຮັດໃຫ້ອາຍຸຂອງຄົນຈີນແຖບນີ້ບໍ່ຍືນຍາວເທົ່າກັບຄົນຈີນທາງພາກໃຕ້ສະເລ່ຍ 5,5 ປີ ໄດ້ກຽມແຜນຕິດຕັ້ງອຸປະກອນຄວບຄຸມມົນລະພິດຕາມໂຮງງານອຸດສາຫະກຳໃຫ້ຫຼາຍຂຶ້ນ.
ທີ່ມາ: