spot_img
Homeຂ່າວຕ່າງປະເທດນໍ້າມັນພຸ່ງດຶງ​ຮຸ້ນສະຫະລັດຂຶ້ນ ຫຼັງຂ່າວລືໂອເປັກອາດຈະຫລຸດກໍາລັງຜະລິດ ສ່ວນຄໍາ​ທະຍອຍ​ຕາມ

ນໍ້າມັນພຸ່ງດຶງ​ຮຸ້ນສະຫະລັດຂຶ້ນ ຫຼັງຂ່າວລືໂອເປັກອາດຈະຫລຸດກໍາລັງຜະລິດ ສ່ວນຄໍາ​ທະຍອຍ​ຕາມ

Published on

ລາຄານໍ້າມັນຂຶ້ນແຮງໃນມື້ວັນພຸດທີ່ 3 ກຸມພາ ທ່າມກາງຄວາມເປັນໄປໄດ້ທີ່ໂອເປັກຈະຫລຸດກໍາລັງຜະລິດ ປັດ​ໄຈນີ້ຊ່ວຍຍູ້​ວໍ​ສະຕຣີດປິດບວກ ຂະນະທີ່ຄໍາຂຶ້ນແປະລະດັບສູງສຸດໃນຮອບກວ່າ 3 ເດືອນ ຈາກ​ໂດລາທີ່ອ່ອນລາຄາ.

ສັນຍານໍ້າມັນດິບ​ເວດ​ເທັກ​ຊັດ​ມີ​ດຽດ ຫຼື ​ໄລ​ສະ​ວີ​ດຄຣູດງວດສົ່ງມອບເດືອນມີນາ ເພີ່ມຂຶ້ນ 2,40 ​ໂດລາ ປິດທີ່ 32,28 ດອນລາຕໍ່ບາ​ເຣລ ສ່ວນເບຣນທະເລເໜືອລອນດອນ ງວດສົ່ງມອບເດືອນເມສາ ເພີ່ມຂຶ້ນ 2,32 ​ໂດລາ ປິດທີ່ 35,04 ດອນລາຕໍ່ບາ​ເຣລ

ຫຼັງຈາກຫຼຸດລົງ 2 ມື້ຕິດຕໍ່​ກັນ ລາຄານໍ້າມັນໃນມື້ວັນພຸດ 3 ກຸມພາ ຟຶ້ນຕົວຂຶ້ນມາ​ແບບແຂງແກ່ນ ດ້ວຍນັກວິເຄາະ​ເຫັນວ່າບາງສ່ວນໄດ້ແຮງຫນູນຈາກ​ໂດລາທີ່ອ່ອນຄ່າລົງ ຫຼັງລາຍງານທີ່​ບໍ່​ເຕີບ​ໂຕຂອງພາກບໍລິການສະຫະລັດ ​ແຜ່ຄວາມກັງວົນກ່ຽວກັບເສດຖະກິດອາເມລິກາ ຊາດຜູ້ບໍລິໂພກພະລັງງານລາຍໃຫຍ່

ສະນັ້ນ ນັກວິເຄາະເບິ່ງວ່າປັດໄຈສໍາຄັນທີ່ສະໜັບສະໜູນຕະຫຼາດກໍ່ຄືຄໍາຖະແຫຼ່ງຂອງ​ເອກ​ວາ​ດໍ ທີ່ເຜີຍວ່າບາງ​ເທື່ອ ອາດຈະມີການປະຊຸມພິເສດຂອງໂອເປັກໃນຊ່ວງທ້າຍເດືອນກຸມພາ ແລະຄວາມເຄື່ອນໄຫວດັ່ງກ່າວຊ່ວຍເພີ່ມຄວາມຫວັງແກ່ຕະຫຼາດຕໍ່ຄວາມເປັນໄປໄດ້ທີ່ໂອເປັກຈະຫຼຸດກໍາລັງຜະລິດ

ລາຄານໍ້າມັນທີ່ພຸ່ງຂຶ້ນຍູ້ຮຸ້ນກຸ່ມພະລັງງານຟື້ນຕົວກັນຖ້ວນໜ້າໃນມື້ວັນພຸດທີ່​ຜ່ານ​ມາ ແຕ່ແນສແດດປິດລົບ ຈາກແຮງດຶງຂອງອັລຟາເບດ ບໍລິສັດແມ່ຂອງກູເກິລ ແລະບໍລິສັດເຕັກໂນໂລຊີຊັ້ນນໍາອື່ນໆ

ດາວໂຈນສ ເພີ່ມຂຶ້ນ 18​,12 ຈຸດ (1,13%) ປິດ 16.336,66 ຈຸດ ເອສແອນດພີ ເພີ່ມຂຶ້ນ 9,50 ຈຸດ ( 0,50%) ປິດທີ່ 1.912,53 ຈຸດ ແນສແດັກ ຫລຸດລົງ 12,71 ຈຸດ (0,28%) ປິດທີ່ 4.504,24 ຈຸດ

ສະມາຊິກດາວໂຈນສແບບເອັກຊອນໂມບິລ ປິດບວກ 5,2% ສ່ວນແຄດເຕີພິລລາ ປິດບວກ 4,3% ຈາກລາຄານໍ້າມັນທີ່ຟື້ນຕົວແຮງ

ແນວໃດກໍ່ຕາມ ແນສແດັກຖືກດຶງຈາກຮູ້ນກຸ່ມເຕັກໂນໂລຊີ ຫຼັງບໍລິສັດໃຫຍ່ ເຊັ່ນ ອາ​ເມຊອນ, ເຟດບຸກ ແລະອັລຟາເບຕ ບໍລິສັດແມ່ຂອງກູເກິລ ທີ່ເຄີຍຟື້ນຕົວຈາກການຕົກລົງໜັກຊ່ວງຫຼາຍເດືອນກ່ອນ ກັບມາປິດລົບອີກ​ເທື່ອ​ໃໝ່.

ຜົນຈາກຄວາມເຄື່ອນໄຫວດັ່ງກ່າວ ເຮັດໃຫ້ອັລຟາເບຕສູນເສຍຕຳ​ແໜ່​ງແຊ໋ມບໍລິສັດທີ່ມີມູນຄ່າທາງການຕະຫຼາດສູງສຸດໃນໂລກຄືນໃຫ້ແກ່ແອບເປິລ ຫຼັງຄອງຕໍາແໜ່ງດັ່ງກ່າວໄດ້ພຽງມື້ດຽວ

ດ້ານລາຄາຄໍາມື້ວັນພຸດ 3 ກຸມພາ ພຸ່ງທະຍານ ແຕະລະດັບສູງສຸດໃນຮອບກວ່າ 3 ເດືອນ ຫຼັງດັນຊະນີພາກບໍລິການຂອງສະຖາບັນຈັດການອຸປະທານຂອງສະຫະລັດ (ISM) ທີ່ຕົກຕໍ່າ ຊ່ວຍດຶງ​ໂດລາອ່ອນຄ່າລົງ ໂດຍຄໍາຕະຫຼາດໂຄເມັກ ເພີ່ມຂຶ້ນ 14 ​ໂດລາ ປິດທີ່ 1.141,30 ດອນລາຕໍ່ອອນ.

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...