Homeຂ່າວຕ່າງປະເທດສະຫະລັດຯເພີ່ມງົບການທະຫານ ໜູນນາໂຕ້ຄານອຳນາດຣັດເຊຍ ເຖິງ 4 ເທົ່າ ແຕ່ເພີ່ມງົບສູ້ໄອເອັສພຽງເຄິ່ງໜຶ່ງ!

ສະຫະລັດຯເພີ່ມງົບການທະຫານ ໜູນນາໂຕ້ຄານອຳນາດຣັດເຊຍ ເຖິງ 4 ເທົ່າ ແຕ່ເພີ່ມງົບສູ້ໄອເອັສພຽງເຄິ່ງໜຶ່ງ!

Published on

ສຳນັກຂ່າວຕ່າງປະເທດ ລາຍງານໃນວັນທີ 2 ກຸມພາຜ່ານມານີ້ວ່າ ທ່ານ ແອັດຕັນ ຄາເຕີ້ ລັດຖະມົນຕີວ່າການ ກະຊວງປ້ອງກັນປະເທດ ສະຫະລັດອາເມຣິກາ ໄດ້ອອກມາຖະແຫລງ ກ່ຽວກັບການເພີ່ມງົບປະມານການທະຫານ ຄັ້ງໃຫຍ່ຢ່າງມະຫາສານ ເພື່ອຕອບໂຕ້ຣັດເຊຍ ແລະ ຍົກລະດັບການຕໍ່ສູ້ກັບກຸ່ມໄອເອັສ.

ທ່ານ ຄາເຕີ້ ໄດ້ເປີດເຜີຍວ່າ ງົບປະມານໂດຍລວມ ສຳລັບປີງົບປະມານ 2017 ຈະຢູ່ທັງໝົດ 583 ຕື້ໂດລາ ຊຶ່ງຫລາຍກ່ວາປະເທດໃດໆໃນໂລກນີ້ຢ່າງຂາດຂັ້ນ ແລະ ຫລາຍກວ່າງົບປະມານຄ່າໃຊ້ຈ່າຍທາງທະຫານຂອງ 8 ປະເທດທີ່ມີກອງທັບຂະໜາດໃຫຍ່ ຖັດຈາກອາເມຣິກາລວມໃສ່ກັນອີກ.

ທັງນີ້ແຫລ່ງຂ່າວໄດ້ລະບຸວ່າ ໃນຈຳນວນງົບປະມານດັ່ງກ່າວ ອາເມຣິກາຈະຈັດສັນບ້ວງເງິນ ຈຳນວນ 3.4 ຕື້ໂດລາ ສຳລັບປະຕິບັດການຕ່າງໆໃນເອີຣົບ ເພື່ອຄານອຳນາດທາງທະຫານຂອງຣັດເຊຍ ຊຶ່ງເຫັນວ່າງົບໃນບ້ວງນີ້ ເພີ່ມຂຶ້ນຈາກປີກາຍເຖິງ 4 ເທົ່າ. ທ່ານ ຄາເຕີ້ ໄດ້ກ່າວວ່າ ” ເຮົາກຳລັງເສີມທ່າທີຂອງເຮົາໃນເອີຣົບ ຕໍ່ການສະໜັບສະໜູນພັນທະມິດນາໂຕ້ຂອງເຮົາ ທີ່ຕ້ອງປະເຊີນໜ້າກັບຣັດເຊຍ ”

ນອກຈາກນີ້ແລ້ວ ສະຫະລັດອາເມຣິກາ ຍັງຈະໃຊ້ເງິນອີກປະມານ 7.5 ຕື້ໂດລາ ຊຶ່ງເພີ່ມຂຶ້ນຈາກປີກາຍ 50% ເພື່ອເປັນເງິນທຶນ ສຳລັບຕໍ່ສູ້ກັບກຸ່ມລັດອິດສະລາມ ຫລື ໄອເອັສ ຊຶ່ງເມື່ອພິຈາລະນາແລ້ວ ກໍເປັນທີ່ສັງເກດວ່າ ສະຫະລັດອາເມຣິກາ ໄດ້ເພີ່ມງົບເພື່ອຄານອຳນາດທາງທະຫານຂອງຣັດເຊຍ ສູງເຖິງ 4 ເທົ່າ ໃນຂະນະທີ່ງົບປະມານ ສຳລັບການຕໍ່ສູ້ກັບໄອເອັສ ແມ່ນເພີ່ມຂຶ້ນພຽງເຄິ່ງດຽວ ເມື່ອທຽບກັບປີກາຍ.

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...