ຄະນະກຳມະການເພື່ອການພັດທະນາກຳປູເຈຍເປີດເຜີຍລາຍງານໃນວັນທີ 2 ກຸມພາທີ່ຜ່ານມາວ່າ ປີ 2015 ທີ່ຜ່ານມາທາງການໄດ້ອະນຸມັດໂຄງການລົງທຶນລວມ 4,64 ຕື້ໂດລາສະຫະລັດເພີ່ມຂຶ້ນ 18% ຈາກປີກ່ອນໜ້ານັ້ນ.
ຕາມການລາຍງານລະບຸວ່າ ປີທີ່ຜ່ານມານັກລົງທຶນໃນປະເທດລົງທຶນຫຼາຍທີ່ສຸດເຖິງ 3,2 ຕື້ໂດລາຮອງລົງມາແມ່ນນັກລົງທຶນສປ ຈີນ 864 ລ້ານໂດລາ ແລະ ນັກລົງທຶນຈາກອັງກິດ 139 ລ້ານໂດລາ, ຮອງເລຂາທິການຄະນະກຳມະການເພື່ອການພັດທະນາກຳປູເຈຍກ່າວວ່າ 41% ຂອງນັກລົງທຶນເປັນໂຄງການດ້ານໂຄງສ້າງພື້ນຖານ, 14%ເປັນຂະແໜງກະສິກຳ ແລະ 10% ເປັນຂະແໜງການທ່ອງທ່ຽວ.
ຂໍ້ຕົກລົງທະວີພາຄີສົ່ງເສີມ ແລະ ຄຸ້ມຄອງການລົງທຶນທີ່ກຳປູເຈຍເຮັດໄວ້ກັບ 28 ປະເທດເປັນປັດໃຈສຳຄັນທີ່ຊ່ວຍສ້າງຄວາມໄວ້ວາງໃຈໃຫ້ແກ່ນັກລົງທຶນ ແລະ ເຊື່ອວ່າ ທ່າອຽງການລົງທຶນໃນກຳປູເຈຍຈະເຕີບໂຕຕໍ່ເນື່ອງເພາະປະຊາຄົມເສດຖະກິດອາຊຽນ(ເອອີຊີ)ໄດ້ກຳເນີດຂຶ້ນຢ່າງເປັນທາງການໃນທ້າຍປີທີ່ຜ່ານມາ ຊຶ່ງລວມຕະ ຫຼາດໃນ 10 ປະເທດອາຊຽນໃຫ້ເປັນຕະຫຼາດດຽວທີ່ມີຜູ້ບໍລິໂພກຫຼາຍເຖິງ 630 ລ້ານຄົນ (ຕາມຂ່າວຕ່າງປະເທດ).
ທີ່ມາ: