ສຳ­ນັກ​ຂ່າວ​ບລູມ​ເບິກ​ລະ­ບຸ​ວ່າ ແຮງ​ງານ​ຟິ​ລິບ​ປິນ​ທີ່​ເຮັດ​ວຽກ​ຢູ່​ໃນ​ແທ່ນ​ຂຸດ​ເຈາະ​ຫຼື​ໂຮງ­ງານ​ກັ່ນ​ນ້ຳ­ມັນ​ໃນ​ປະເທດ​ແຖບ​ຕາ­ເວັນ​ອອກ​ກາງ ສົ່ງ​ເງິນ​ກັບ​ປະ­ເທດ​ເປັນ​ມູນ​ຄ່າ​ເຖິງ 22,8 ຕື້​ໂດ​ລາ​ສະ­ຫະ­ລັດ​ໃນ​ໄລ­ຍະ 11 ເດືອນ​ຂອງ​ປີ 2015 ຫຼື​ຄິດ​ເປັນ 10% ຂອງ​ຕົວ​ເລກ​ລວມ​ຜະ­ລິດ​ຕະ​ພັນ​ພາຍ​ໃນ(ຈີ​ດີ​ພີ)ຟິ​ລິບ​ປິນ ດັ່ງ­ນັ້ນ ຖ້າ​ເສດ­ຖະ­ກິດ​ຂອງ​ປະ­ເທດ​ຜູ້​ຜະ­ລິດ​ນ້ຳ­ມັນ​ຫົດ​ຕົວ​ຈາກ​ລາ­ຄາ​ພະ­ລັງ­ງານ​ທີ່​ຕົກ­ຕ່ຳ, ເງິນ​ທີ່​ແຮງ​ງານ​ຟິ​ລິບ​ປິນ​ສົ່ງ​ກັບ​ປະ­ເທດ​ມີ​ທ່າ​ອຽງ​ຫຼຸດ​ລົງ, ທ່ານ ເບນ​ຈາ​ມິນ ໄດ​ອອກ​ໂນ ສາດ­ສະ­ດາ­ຈານ​ດ້ານ​ເສດ­ຖະ­ສາດ​ຈາກ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ຟິ​ລິບ​ປິນ ຊີ້​ວ່າ ຖ້າ​ຫາກ​ລາ­ຄາ​ນ້ຳ­ມັນ​ຢູ່​ໃນ​ລະ­ດັບ​ຕ່ຳ​ກວ່າ 30 ໂດ​ລາ​ຕໍ່​ບາ​ເຣ​ລ​ເປັນ​ເວ­ລາ​ດົນ ຈະ​ສົ່ງ​ຜົນ​ກະ­ທົບ​ຕໍ່​ເສດ­ຖະ­ກິດ​ຟິ​ລິບ​ປິນ ແລະ ກົດ​ດັນ​ໃຫ້​ເງິນ​ເປ​ໂຊ​ອ່ອນ​ຄ່າ​ລົງ​ຕື່ມ​ອີກ ໂດຍ​ລວມ​ແລ້ວ​ຜົນ​ເສຍ​ຫາຍ​ຈາກ​ການ​ຫຼຸດ​ລົງ​ຂອງ​ລາ­ຄາ​ນ້ຳ­ມັນ​ທີ່​ເຮັດ​ໃຫ້​ເງິນ​ສົ່ງ​ກັບ​ປະ­ເທດ​ລວມ​ທັງ​ລາຍ​ໄດ້​ຈາກ​ພາ​ສີ­ນ້ຳ­ມັນ​ຫຼຸດ​ລົງ​ມີ​ຫຼາຍ​ກວ່າ​ຜົນ​ດີ.

ມີ​ຄວາມ​ເປັນ​ໄປ​ໄດ້​ສູງ​ທີ່​ການ​ຫຼຸດ​ລົງ​ຂອງ​ເງິນ​ສົ່ງ​ກັບ​ປະ­ເທດ​ຈະ​ສົ່ງ​ຜົນ​ກະ­ທົບ​ຕໍ່​ຂະ­ແໜງ­ການ​ເງິນ​ຂອງ​ຟິ​ລິບ​ປິນ​ເຊັ່ນ: ຈາກ​ລະ­ດັບ​ເກີນ​ດຸນ​ບັນ­ຊີ​ເດີນ​ສະ­ພັດ​ໃນ​ໄລ­ຍະ 9 ເດືອນ​ທຳ​ອິດ​ຂອງ​ປີ 2015 ທີ່​ຫຼຸດ​ລົງ​ເຫຼືອ 5,6 ຕື້​ໂດ​ລາ ຈາກ​ລະ­ດັບ 6,8 ຕື້​ໂດ​ລາ​ໃນ​ໄລ­ຍະ​ດຽວ​ກັນ​ຂອງ​ປີ 2014.

ທີ່ມາ: