spot_img
Homeຂ່າວພາຍ​ໃນນໍ້າມັນ​ລົງ 2 ​ມື້​ຕິດ​ຕໍ່ກັນ ດຶງ​ຮຸ້ນ​ສະຫະລັດ​ລົງ ສ່ວນ​ຄຳ​ຍັງ​ຄົງ​ທີ່

ນໍ້າມັນ​ລົງ 2 ​ມື້​ຕິດ​ຕໍ່ກັນ ດຶງ​ຮຸ້ນ​ສະຫະລັດ​ລົງ ສ່ວນ​ຄຳ​ຍັງ​ຄົງ​ທີ່

Published on

ນໍ້າມັນ​ລົງ​ແຮງ​ຕໍ່​ເນື່ອງ​ເປັນ​ວັນ​ທີ 2 ຕິດ​ຕໍ່​ກັນ​ໃນ​ວັນ​ອັງຄານທີ່​ຜ່ານ​ມາ (2 ກຸມພາ) ນັກ​ລົງ​ທຶນ​ຄາດໝາຍ​ວ່າ ປະລິມານເຊື້ອ​ເພີງ​ສະຫະລັດຈະ​ເພີ່​ມຂຶ້ນ ຕອກ​ຢໍ້າພາວະ​ສານ​ສະໜອງ​ລົ້ນ​ຕະຫຼາດ ປະຈຸ​ບັນ​ທາງ​ພະລັງງານ​ດຶງ​ໃຫ້​ວອລສະຕຣິດປິດ​ໃນ​ແດນ​ລົບ ສ່ວນ​ລາຄາ​ຄຳ​ຍັງຄົງ​ທີ່.

ສັນຍານ​ນໍ້າມັນ​ດິນ​ເວສ​ເທັກ​ຊັສອິນ​ເຕີ​ມີ​ດຽດ ຫຼື ​ໄລ​ສວິດ​ຄຣູດ ງວດ​ສົ່ງ​ມອບ​ເດືອນ​ມີນາ​ຫຼຸດ​ລົງ 1,74 ​ໂດ​ລາ ປິດ​ທີ່ 29,88 ​ໂດ​ລາ​ຕໍ່​ບາ​ເຣລ ກັບ​ມາ​ຕໍ່າ​ກວ່າ 30 ​ໂດ​ລາ​ເປັນ​ຄັ້ງ​ທຳ​ອິດ​ນັບ​ຕັ້ງ​ແຕ່​ວັນ​ທີ 21 ມັງ​ກອນ ສ່ວນ​ເບຣນ​ທະ​ເລ​ເໜືອ​ລອນ​ດອນ ງວດສົ່ງ​ມອບ​ເດືອ​ນ​ເມສາ​ຫຼຸດ​ລົງ 1,52 ​ໂດ​ລາ ປິດ​ທີ່ 32,72 ​ໂດ​ລາ​ຕໍ່​ບາ​ເຣລ.

​ໃນ​ຂະນະ​ທີ່​ນັກ​ລົງທຶນ​ຄາດໝາຍ​ຂ່າວ​ຄາວ​ໃນ​ແງ່​ລົບ​ກ່ຽວ​ກັບ​ຄັງ​ນໍ້າມັນ​ດິບ​ສຳຮອງ​ສະຫະລັດ ຄວາມ​ອ່ອນ​ໄຫວ​ຂອງ​ຕະຫຼາດຍັງ​ຖື​ກຊໍ້າ​ຈາກ​ທ່າ​ອຽງ​ຄວາມ​ຮ່ວມ​ມື​ຫຼຸດ​ກຳລັງ​ຜະລິດ​ລະຫວ່າງ​ຣັດ​ເຊຍ​ກັບ​ໂອ​ເປັກ​ທີ່​ຈືດ​ຈາງ​ໄປ​ທຸກ​ຂະນະ.

ປະຈຸ​ບັນ ລາຄາ​ນໍ້າມັນ​ເຮັດ​ໃຫ້​ຕະຫຼາດ​ຮຸ້ນ​ໃນ​ວັນ​ອັງຄານທີ່ຜ່ານ​ມາ (​2 ກຸມພາ) ​ເຄື່ອນ​ໄຫວ​ຕາມ​ຕະຫຼາດ​ທຶນ​ເອີ​​ຣົບ ​ໂດຍ​ປິດ​ລົບ​ຈາກ​ແຮງ​ດຶງ​ຂອງ​ກຸ່ມ​ພະ​ລັງ​ງານ.

ດາວ​ໂຈນ​ສຫຼຸດ​ລົງ 295,64 ຈຸດ (1,80%) ປິດ 16.153,54 ຈຸດ ​ເອສ​ແອນ​ພີ​ຫຼຸດ​ລົງ 36,35 ຈຸດ (1,87%) ປິດ​ທີ່ 1.903,03 ຈຸດ ​ແນ​ສ​ແດັກ​ຫຼຸດ​ລົງ 103,42 ຈຸດ (2,24%) ປິດ​ທີ່ 4.416,95 ຈຸດ.

​ເອັກ​ຊອນ​ໂມ​ບິ​ລປິດ​ລົບ 2,2% ຫຼັງ​ລາຍ​ງານ​ມີ​ຜົນ​ກຳ​ໄລ​ໄຕ​ມາດ​ອ່ອນ​ແອ​ທີ່​ສຸດ​ນັບ​ຕັ້ງ​ແຕ່​ປີ 2020 ສ່ວນ​ຫຸ້ນ​ສະຫະລັດຂອງ​ບີ​ພີ​ຫຼຸດ​ລົງ 8,5% ຫຼັງ​ລາຍ​ງານ​ຂາດທຶນ​ໃນ​ປີ 2015 ​ເຖິງ 6.500 ລ້ານ​ໂດ​ລາ.

ສະ​ແຕນ​ດາດ​ແອນ​ພົວ ສະ​ຖາ​ບັນ​ຈັດ​ອັນ​ດັບ​ຄວາມ​ໜ້າ​ເຊື່ອ​ຖື ​ໄດ້​ຕັດ​ຫຼຸດ​ອັນ​ດັບ​ຄວາມ​ໜ້າ​ເຊື່ອ​ຖື​ຂອງ​ບໍລິສັດ​ພະລັງງານ 10 ​ແຫ່ງ​ແລະ​ແຈ້ງ​ທົບ​ທວນ​ອີກ 10 ​ແຫ່ງ ທັງ​ນີ້ 2 ​ໃນ​ບັນດາ​ບໍລິສັດ​ທີ່​ຖືກ​ປັບ​ຫຼຸດ​ອັນ​ດັບ​ຄວາມ​ໜ້າ​ເຊື່ອ​ຖື​ແບບ​ເຊ​ຟຣອນ ​ແລະ​ມາ​ທາ​ທອນ ອອຍ ປິດ​ລົບ 4,8% ​ແລະ 10,3% ຕາມ​ລຳດັບ.

ດ້ານ​ລາຄາຄຳ​ໃນ​ວັນ​ອັງຄານຜ່ານ​ມາ (2 ກຸມພາ) ປິດ​ລົບ​ ນັກ​ລົງທຶນ​ຕິດຕາມ​ຂໍ້​ມູນການ​ຈ້າງ​ງານ​​ສະຫະລັດ ​ໃນ​ທ້າ​ຍອາທິດ​ນີທີ່​ຈະ​ເຜີຍ​ໃຫ້​ເຫັນ​ເຖິງ​ທ່າ​ອຽງ​ນະ​​ໂຍບາຍ​ທາງ​ການ​ເງິນ​ຂອງ​ເຟດ ​ໂດຍ​ຄຳ​ຕະຫຼາດ​ໂຄ​ແມັກ​ຫຼຸດ​ລົງ 60% ປິດ​ທີ່ 1.127,30 ​ໂດ​ລາ​ຕໍ່​ອອນ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...