ຄາດຄະເນວ່າເສດຖະກິດ ສສ ຫວຽດນາມເຕີບໂຕໄວສຸດໃນອາຊີປາຊິຟິກ ຂະນະພັກກອມມູນິດຍັງເປັນຫ່ວງ ແລະ ຕັ້ງເປົ້າໄປຍັງຂະແໜງການເງິນທະນາຄານ.
ສຳນັກຂ່າວບລູມເບີກຄາດຄະເນວ່າ ເສດຖະກິດຫວຽດນາມຈະເຕີບໂຕປະມານ 6,7% ໃນປີ 2016 ນີ້ ຊຶ່ງຖືວ່າສູງເປັນອັນດັບທຳອິດຂອງໂລກ ເນື່ອງຈາກອຸປະສົງໃນປະເທດ ແລະ ການລົງທຶນໂດຍກົງຈາກຕ່າງປະເທດທີ່ເພີ່ມສູງຂຶ້ນຊ່ວຍໃຫ້ຫວຽດນາມຮັບມືກັບພາວະປັ່ນປ່ວນຂອງເສດຖະກິດໂລກທີ່ສົ່ງຜົນຕໍ່ຕະຫຼາດຮຸ້ນ ແລະ ຄ່າເງິນ ຂະນະທີ່ບັນຫາໃນພາບລວມທາງເສດຖະກິດຂອງຫວຽດນາມຄືການຂາດດຸນການຄ້າ, ໜີ້ພາກລັດ ແລະ ການປະຕິຮູບລັດວິສາຫະກິດ, ທັງນີ້ແຜນພັດທະນາເສດຖະກິດ ແລະ ສັງຄົມດັ່ງກ່າວຕັ້ງເປົ້າການເຕີບໂຕທາງເສດຖະກິດໂດຍສະເລ່ຍສູງເຖິງ 7% ຕໍ່ປີ ແລະ ຕົວເລກລວມຜະລິດຕະພັນຕໍ່ປະຊາກອນໃນອັດຕາ 3.2003.500 ໂດລາສະຫະລັດຕໍ່ປີ ພາຍໃນປີ 2020 ຈາກທີ່ກອງທຶນການເງິນສາກົນ(ໄອເອັມເອຟ)ປະເມີນໄວ້ຢູ່ທີ່ 2.170 ໂດລາໃນປະຈຸບັນ ຊຶ່ງຖ້າເຮັດໄດ້ຄືແນວນັ້ນຫວຽດນາມກໍຈະຖືເປັນປະເທດທີ່ເສດຖະກິດເຕີບໂຕໄວທີ່ສຸດໃນພາກພື້ນອາຊີປາຊິຟິກ.
ລັດຖະບານຫວຽດນາມປະເມີນວ່າ ຫວຽດນາມຈະຂາດດຸນການຄ້າ 200 ລ້ານໂດລາໃນເດືອນມັງກອນທີ່ຜ່ານມາ ຫຼັງຈາກປີທີ່ຜ່ານມາຂາດດຸນໂດຍລວມ 3,5 ຕື້ໂດລາ ສ່ວນໜີ້ພາກລັດເພີ່ມຂຶ້ນປີລະ 20% ຕະຫຼອດໄລຍະ 5 ປີທີ່ຜ່ານມາ.
