ການຄ້າຄຸນໝິງອິນທາເຊົ່າດິນລັດ ເພື່ອສ້າງໂຮງງານປຸງແຕ່ງຊາ ຮອງຮັບຜົນຜະລິດທີ່ບ້ານມຸກແຄະ ແຂວງອຸດົມໄຊ ຕິດພັນກັບການທ່ອງທ່ຽວປ່າຊາທຳມະຊາດພັນປີ ໂດຍປະຈຸບັນເນື້ອ ທີ່ຊາທຳມະຊາດ ມີທັງໝົດ 8 ພັນກວ່າເຮັກຕາ ກວມເອົາ 11 ບ້ານຂອງເມືອງປາກແບງ.
ພິທີເຊັນສັນຍາເຊົ່າທີ່ດິນດັ່ງກ່າວມີຂຶ້ນໃນວັນທີ 28 ມັງກອນຜ່ານມາທີ່ຫ້ອງປະຊຸມຂອງພະແນກຊັບພະຍາກອນທຳມະຊາດ ແລະສິ່ງແວດລ້ອມ ແຂວງອຸດົມໄຊ ໂດຍຕາງໜ້າລົງນາມລະຫວ່າງທ່ານ ສີສຸພັນ ແສງສະຫວັນ ຫົວໜ້າຂະແໜງຄຸ້ມຄອງທີ່ດິນ ພະແນກຊັບພະຍາກອນທຳມະຊາດ ແລະສິ່ງແວດລ້ອມແຂວງກັບ ທ່ານ ອາລິວ ຜູ້ຈັດການບໍລິສັດການຄ້າຄຸນໝິງອິນທາ ຈຳກັດ ໂດຍເຂົ້າຮ່ວມຂອງທ່ານ ຈັດແພງ ແກ້ວສີວັນ ຫົວໜ້າພະແນກຊັບພະຍາກອນທຳມະຊາດ ແລະສິ່ງແວດລ້ອມພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ພິທີເຊັນສັນຍາຄັ້ງນີ້ ກໍເພື່ອປະຕິບັດຕາມລະບຽບຫຼັກການ ແລະກົດໝາຍກ່ຽວກັບການນຳໃຊ້, ການປົກປັກຮັກສາ ແລະການເກັບພາສີທີ່ດິນ ເນື່ອງຈາກໄລຍະທີ່ຜ່ານມາທາງບໍລິສັດການຄ້າຄຸນໝິງອິນທາໄດ້ມີການລົງສຳຫຼວດເນື້ອທີ່ປ່າຊາພັນປີຢູ່ທີ່ເມືອງປາກແບງ ແຂວງອຸດົມໄຊ ເພື່ອສ້າງເປັນໂຮງງານປຸງແຕ່ງຊາທຳມະຊາດ ລວມທັງຕິດພັນກັບການທ່ອງທ່ຽວປ່າຊາທຳມະຊາດພັນ
ປີ ຊຶ່ງມີເນື້ອທີ່ທັງໝົດ 8 ພັນກວ່າເຮັກ ຕາກວມເອົາທັງໝົດ 11 ບ້ານ ໃນຈຳນວນບ້ານທັງໝົດຂອງເມືອງປາກແບງ ພາຍຫຼັງທີ່ແຂວງ ແລະພາກສ່ວນທີ່ກ່ຽວຂ້ອງເຫັນດີຕົກລົງໃຫ້ບໍລິສັດດັ່ງກ່າວ ສ້າງຕັ້ງໂຮງງານປຸງແຕ່ງຊາ ຊຶ່ງໂຮງງານດັ່ງກ່າວໄດ້ສ້າງຕັ້ງແຕ່ປີ 2014 ເປັນຕົ້ນມາ ແລະສຳເລັດ 100% ໃນປະຈຸບັນ.
ທີ່ມາ: