ເນື່ອງຈາກທົ່ວທຸກພາກຂອງປະເທດເຮົາຍັງສືບຕໍ່ມີຄວາມກົດດັນສູງຂອງອາກາດໜາວເຍັນປົກຄຸມສົມທົບກັບກະແສລົມຕາເວັນອອກສ່ຽງເໜືອຈື່ງເຮັດໃຫ້ອຸນຫະພູມອາກາດໜາວ ແລະ ໜາວເຢັນ ມີຝົນຕົກຄ່ອຍພ້ອມທັງມີລົມພັດແຮງເປັນບາງໂອກາດ. ເນື່ອງຈາກສະພາບອາກາດໜາວເຢັນກວ່າປີທີ່ຜ່ານມາດັ່ງນັ້ນເຮົາຈື່ງພົບເຫັນວ່າຍັງມີປະຊາຊົນອີກເປັນຈຳນວນຫຼາຍທີ່ຕ້ອງທົນໜາວໂດຍຂາດແຄນເຄື່ອງນຸ່ງຫົ່ມໜາໆ. ດັ່ງນັ້ນ ໃນວັນທີ 26/01/16 ທີ່ຜ່ານມານີ້ ບໍລິສັດຫົວເຫວີຍລາວ, ບໍລິສັດ ເອມເຄອີ (ຕົວແທນຈຳໜ່າຍຫົວເຫວີຍ) ລວມເຖິງຮ້ານຕົວແທນຈຳຫນ່າຍຫົວເຫວີຍແຕ່ລະແຂວງ ແລະ ພະນັກງານ ເອງກໍ່ເບີ່ງເຫັນເຖີງຄວາມລຳບາກຂອງ ພໍ່ແມ່ພີ່ນ້ອງປະຊາຊົນ ທີ່ຕ້ອງດຳລົງຊີວິດພາຍໃຕ້ອາກາດໜາວເຢັນຈື່ງຢາກແບ່ງປັນຄວາມຫ່ວງໃຍ ແລະ ຄວາມອົບອຸ່ນມອບໃຫ້. ໂດຍພວກເຮົາໄດ້ສົມທົບທຶນ ຊື້ຜ້າຫົ່ມ ແລະ ເສື້ອກັນຫນາວໃຫ້ກັບຜູ້ທີ່ປະສົບໄພຫນາວທີ່ຢູ່ທົ່ວແຂວງຫົວພັນ ລວມມູນຄ່າຫຼາຍເຖີງ 27,000,000ລ້ານກີບ. ໂດຍພາຍໃຕ້ຫົວຂໍ້ໂຄງການ “ຫິມະຕົກແຮງ Huawei ມີຄວາມຮັກມອບໃຫ້”. ໂດຍຕ່າງໜ້າ ບໍລິສັດຫົວເຫວີຍທີ່ແຂວງຫົວພັນ ພ້ອມດ້ວຍຄະນະ ໄດ້ມອບໃຫ້ ທ່ານຮອງເຈົ້າແຂວງ ຫົວພັນ ທ່ານ ວັນໄຊ ແພງຊຸມມາ ທີ່ຫ້ອງວ່າການແຂວງ. ຫລັງຈາກນີ້ ທາງແຂວງຫົວພັນຈະເປັນຜູ້ແຈກຢາຍໃຫ້ປະຊາຊົນໃນແຕ່ລະເຂດ.