ທະນາຄານກາງຈີນເຜີຍວ່າ: ກຳລັງອັດສີດເງິນເຂົ້າລະບົບການເງິນອີກ 340 ຕື້ຢວນເປັນການອັດສີດຄັ້ງທີສອງໃນຮອບ 3 ມື້ຮອງຮັບຄວາມຕ້ອງການໃຊ້ເງິນທີ່ຈະເພີ່ມຂຶ້ນຫຼາຍເປັນພິເສດໃນໄລຍະປີໃໝ່ຈີນທີ່ກຳລັງຈະມາເຖິງ.
ທະນາຄານປະຊາຊົນຈີນທີ່ຫາກໍໄດ້ອັດສີດເງິນ 440 ຕື້ຢວນເຂົ້າລະບົບເມື່ອທ້າຍອາທິດຜ່ານມາ ທີ່ການຊື້ຂາຍພັນທະບັດໃນຕະຫຼາດຊື້ຄືນພັນທະບັດປົກກະຕິທີ່ສຳນັກຂ່າວບລູມເບິຣກລະບຸວ່າ: ເປັນການອັດສີດຄັ້ງໃຫຍ່ທີ່ສຸດໃນຮອບ 3 ປີ ທະນາຄານກາງຈີນອອກຖະແຫຼງການອີກສະບັບວ່າ: ຈະດຳເນີນການລັກສະນະດຽວກັນນີ້ໃນທຸກມື້ເຮັດວຽກຕັ້ງແຕ່ວັນຈັນເຖິງວັນສຸກເປັນເວລາ 3 ອາທິດ ເລີ່ມຕັ້ງແຕ່ວັນທີ 29 ມັງກອນເປັນຕົ້ນໄປ ບໍ່ແມ່ນສະເພາະທຸກວັນອັງຄານ ແລະ ວັນພະຫັດ ແລະ ຈະເສີມສະພາບຄ່ອງໄລຍະສັ້ນຂອງວັນຢຸດປີໃໝ່ຈີນດ້ວຍ.
ປົກກະຕິແລ້ວບໍລິສັດຫ້າງຮ້ານຕ່າງໆໃນຈີນຈະຈ່າຍເງິນເດືອນ ແລະ ເງິນພິເສດກ່ອນປີໃໝ່ຈີນຊຶ່ງກົງກັບວັນທີ 8 ກຸມພາ ຂະນະທີ່ປະຊົນທົ່ວໄປຈະແລກທະນະບັດໃໝ່ ແລະ ຊື້ຂອງຂັວນໃຫ້ແກ່ກັນ ຊຶ່ງໃນອາທິດຜ່ານມາທະນາຄານກາງຈີນກໍໄດ້ອັດສີດເງິນເຂົ້າສູ່ລະບົບການເງິນກວ່າ 15 ພັນຕື້ຢວນ ນັກວິເຄາະບາງຄົນເຫັນວ່າທະນາຄານກາງຈີນໃຊ້ມາດຕະການນີ້ແທນການຜ່ອນຄາຍທາງການເງິນ ເພາະຢ້ານວ່າການຫຼຸດອັດຕາສ່ວນເງິນ ສົດສຳຮອງຈະກະທົບຕໍ່ເງິນຢວນທີ່ອ່ອນຄ່າມາແລ້ວໄລຍະໜຶ່ງ (ຕາມຂ່າວຕ່າງປະເທດ).
ທີ່ມາ: