ກຸ່ມຫັດຖະກຳຕ່ຳຫູກບ້ານແສງຈະເລີນຕ່ຳເຄື່ອງນຸ່ງຖື່ເຜົ່າລື, ສີ້ນເສື້ອ, ຜ້າສະໄບ ແລະກຸ່ມຫັດຖະກຳຍູກວດດ້ວຍການໃຊ້ຍອດແຂມບ້ານສົມສະຫວັນໄດ້ຖືກຮັບຮອງໃຊ້ກາໝາຍໜຶ່ງເມືອງໜຶ່ງຜະລິດຕະພັນແຫ່ງຊາດຈາກກົມສົ່ງເສີມ ແລະພັດທະນາສິນຄ້າກະຊວງອຸດສາຫະກຳ ແລະການຄ້າ.
ພິທີມອບການນຳໃຊ້ກາໝາຍໜຶ່ງ ເມືອງໜຶ່ງຜະລິດຕະພັນແຫ່ງຊາດ ຫຼື ສິນຄ້າໂອດັອບ ໄດ້ຈັດຂຶ້ນໃນວັນທີ 21 ມັງກອນ ຜ່ານມາທີ່ບ້ານສົມສະຫວັນເມືອງພຽງແຂວງໄຊຍະບູລີ ໃຫ້ກຽດມອບໂດຍທ່ານ ບຸນຊູ ວິໄລສັກ ຮອງຫົວໜ້າພະແນກອຸດສາຫະກຳ ແລະການຄ້າແຂວງ, ກ່າວຮັບແມ່ນທ່ານ ນາງ ນວນແສງ ປັນຍາວົງ ຕາງໜ້າບ້ານແສງຈະເລີນ ແລະ ທ່ານ ຫຸມແພງ ວຽງວິໄລ ຫົວໜ້າກຸ່ມຫັດຖະກຳຍູກວດແຂມ ບ້ານສົມສະຫວັນ ໂດຍເຂົ້າຮ່ວມມີທ່ານ ສົມບູນ ກຸມບາສິດ ຮອງເຈົ້າເມືອງໆພຽງ ພ້ອມດ້ວຍຫົວໜ້າ, ຮອງຫົວໜ້າຫ້ອງການ ແລະແຂກທີ່ຖືກເຊີນເຂົ້າຮ່ວມ.
ທ່ານ ບຸນຊູ ວິໄລສັກ ຮອງຫົວໜ້າພະແນກອຸດສາຫະກຳ ແລະການຄ້າແຂວງ ໄດ້ກ່າວວ່າຜະລິດຕະພັນສິ້ນເສື້ອ, ຜ້າສະໄບເຜົ່າລື ພ້ອມຍູກວດແຂມຂອງເຜົ່າລາວ ເມືອງພຽງໄດ້ຮັບການຢັ້ງຢືນເປັນຜະລິດຕະພັນແຫ່ງຊາດຄື: ສິນຄ້າ ໂອດັອບ ໂດຍໄດ້ສ້າງຄວາມໝັ້ນໃຈໃຫ້ແກ່ຊາວບ້ານ, ຕະຫຼາດ ແລະຜູ້ຊົມໃຊ້ທີ່ໄດ້ຜະລິດຕະພັນທີ່ມີຄຸນນະພາບ ແລະ ສ່ວຍສົດງົດງາມຕື່ມອີກ.
ຄຽງຄູກັນນີ້ການມອບກາໝາຍສິນຄ້າໜຶ່ງເມືອງໜຶ່ງຜະລິດຕະພັນແມ່ນເປົ້າໝາຍຂອງລັດຖະບານໃນການລົບ ລ້າງຄວາມທຸກຍາກຂອງປະຊາຊົນບັນດາເຜົ່າໃຫ້ຫັນມາຊຸກຍູ້ສົ່ງເສີມກຸ່ມຫັດຖະກຳໃຫ້ຫຼາຍ, ເພື່ອເປັນການອະນຸລັກຮັກສາສີໄມ້ລາຍມືລວດລາຍເອກະລັກຂອງແຕ່ລະເຜົ່າໃຫ້ຄົງຢູ່ຄູ່ລູກຫຼານຕະຫຼອດໄປ.
ທີ່ມາ: