ທະນາຄານກາງອາເມລິກາ (ເຟດ) ສະຫຼຸບຜົນກອງປະຊຸມ 2 ມື້ ໃນວັນທີ 27 ມັງກອນທີ່ຜ່ານມາ ໂດຍຍັງບໍ່ຂຶ້ນອັດຕາດອກເບ້ຍມາດຕະຖານ ແລະ ຈະຈັບຕາເບິ່ງເສດຖະກິດໂລກຢ່າງໃກ້ຊິດ.
ຕາມຂ່າວຕ່າງປະເທດລາຍງານວ່າ ທະນາຄານກາງອາເມລິກາ(ເຟດ)ສະຫຼຸບກອງປະຊຸມທີ່ດຳເນີນມາເປັນເວລາ 2 ມື້ໃນວັນທີ 27 ມັງກອນ ໂດຍຍັງຮັກສາອັດຕາດອກເບ້ຍມາດຕະຖານໄວ້ຢູ່ທີ່ 0,25%0,5% ຄືເກົ່າ ຕາມທີ່ນັກວິເຄາະຫຼາຍທ່ານຄາດຄະເນເອົາໄວ້, ຊຶ່ງເຟດລະບຸວ່າ ກຳລັງຈັບຕາສະຖານະການເສດຖະກິດໂລກຢ່າງໃດ້ຊິດ ຂະນະທີ່ການເຕີບໂຕທາງເສດຖະກິດຂອງອາເມລິກາຫົດຕົວລົງຈາກການສົ່ງອອກທີ່ຫຼຸດລົງເພາະເງິນໂດລາສະຫະລັດແຂງຄ່າຂຶ້ນ.
ຖະແຫຼງການຂອງເຟດລະບຸວ່າ ຄະນະກຳມະການນະໂຍບາຍການເງິນກຳລັງຈັບຕາເບິ້ງສະຖານະການເສດຖະກິດໂລກ ແລະ ພັດທະນາການທາງການເງິນຢ່າງໃກ້ຊິດ ແລະ ກຳລັງປະເມີນສະຖານະການຕະຫຼາດແຮງງານ ແລະ ອັດຕາເງິນເຟີ້, ຊຶ່ງເຟດບໍ່ໄດ້ສົ່ງສັນຍານວ່າ ຈະເພີ່ມອັດຕາດອກເບ້ຍມາດຕະຖານອີກເທື່ອໜຶ່ງໃນຕອນໃດ ຫຼັງຈາກຂຶ້ນອັດຕາດອກເບ້ຍເປັນເທື່ອທຳອິດໃນຮອບ 10 ປີໃນເດືອນທັນວາປີທີ່ຜ່ານມາ ແຕ່ເຟດຄາດຫວັງວ່າ ຕະຫຼາດແຮງງນຈະຍັງເຂັ້ມແຂງ ແລະ ອັນດຕາເງິນເຟີ້ຈະຍັງເພີ່ມຂຶ້ນຕໍ່ໄປ.
ທີ່ມາ: