ສຳນັກຂ່າວ​​ເອ​ເອຟພີລາ​ຍງານ​ວ່າ ທະນາຄານ​ກາງ​ສປ ຈີນ​ເປີດ​ເຜີຍ​ວ່າ​ໃນ​ວັນ​ທີ 26 ມັງກອນ​ວ່າ ພະ ຍາຍາມ​ອັດ​ສີດ​ເງິນ​ມູນ​ຄ່າ 440 ຕື້​ຢວນ(ປະມານ 67 ຕື້​ໂດ​ລາ​ສະຫະລັດ) ​ເຂົ້າ​ສູ່​ຕະຫຼາດການ​ເງິນ ​ເພື່ອ​ເພີ່ມ​ສະພາບ​ຄ່ອງ​ໃນ​ໄລຍະ​ບຸນປີໃໝ່ປະຈຳຊາດ ຊຶ່ງ​ບໍລິສັດ​ຫ້າງ​ຮ້ານ​ຈະ​ມີ​ການ​ໃຊ້ຈ່າຍ​ເງິນ​ຈຳນວນ​ຫຼາຍ​ສຳລັບ​ຄ່າ​ແຮງ​ງານ ​ແລະ ​ເງິນ​​ໂບນັດ​ພະນັກງານ ຂະນະ​ທີ່ປະຊາຊົນ​ກໍ່​ກຽມ​ຊື້​ຂອງ​ຂັວນ​ເພື່ອ​ມອບ​ໃຫ້​ກັນ, ຢ່າງ​ໃດ​ກໍ​ຕາມ​​ໃນອາທິດ​ທີ່​ຜ່ານ​ມາ ທະນາຄານ​ກາງ​ຈີນ​ອັດ​ສີດ​ເງິນ​ເຂົ້າ​ໄປ​ລະບົບ​ການ​ເງິນ​ຂອງ​ປະ​ເທດ​ຫຼາຍ​ກວ່າ 1,5 ພັນ​ຕື້​ຢວນ( 230 ຕື້​ໂດລາ). ຊຶ່ງ ທະນາຄານANZ ລະບຸວ່າການອັດສີດເງິນເຂົ້າສູ່ລະບົບເຮັດໃຫ້ທະນາຄານກາງຈີນສາມາດຮັກສາອັດຕາເງິນສົດສຳຮອງຂອງທະນາຄານການຄ້າບໍ່ໃຫ້ຫຼຸດລົງໄປຫຼາຍກວ່ານີ້ແລະ ມີທ່າອຽງວ່າທະນາຄານກາງຈີນ ຈະພະ ຍາຍາມອັດສີດເງິນເຂົ້າລະບົບເພື່ອກະຕຸ້ນສະພາບຄ່ອງໄລຍະສັ້ນຜ່ານຕະຫຼາດເສລີ ແລະ ນະໂຍບາຍອື່ນໆ ຕໍ່ໄປ ເພື່ອຖ່ວງເວລາຫຼຸດອັດຕາເງິນ ສົດສຳຮອງ.

ທັງນີ້ນັກວິເຄາະຫຼາຍທ່ານເຊື່ອວ່າ ການປັບຫຼຸດອັດຕາເງິນສົດສຳຮອງ ແລະ ການປັບຫຼຸດອັດຕາດອກເບ້ຍ ນະໂຍບາຍເປັນສິ່ງທີ່ຈຳເປັນໃນການກະຕຸ້ນເສດຖະກິດ ແລະ ນ່າຈະເກີດຂຶ້ນໃນໄວໆນີ້ ຫຼັງຈາກເສດຖະກິດຈີນປີ 2015 ຂະຫຍາຍຕົວ 6,9%.

ທີ່ມາ: