ທາງການຊາອຸດິດອາຣັບບີເລັ່ງດຶງດູດເງິນລົງທຶນເພີ່ມຈາກນັກລົງທຶນຕ່າງປະເທດໃນຂະແໜງທີ່ບໍ່ກ່ຽວກັບນ້ຳມັນ ຫຼັງຈາກລາຄານ້ຳມັນໃນປະຈຸບັນຫຼຸດລົງຢ່າງຕໍ່ເນື່ອງ.
ທ່ານ ອັບດຸນລາທິຟ ອັລ-ອໍມານ ຜູ້ວ່າການສຳນັກງານການລົງທຶນທົ່ວໄປແຫ່ງຊາອຸດິດອາຣັບບີ ກ່າວວ່າ ຕັ້ງເປົ້າທີ່ຈະດຶງດູດເງິນລົງທຶນໂດຍກົງຈາກຕ່າງປະເທດ(ເອຟດີໄອ)ເພີ່ມຕື່ມອີກຢ່າງໜ້ອຍ 2 ເທົ່າພາຍໃນ 10 ປີຕໍ່ໜ້າ ໂດຍຈະເນັ້ນພາກອຸດສາຫະກຳໃໝ່ໆເຊັ່ນ: ບໍ່ແຮ່, ການເບິ່ງແຍງສຸຂະພາບ ແລະ ເຕັກໂນໂລຊີຂໍ້ມູນຂ່າວສານ(ໄອທີ). ນອກຈາກນີ້ ທ່ານ ອໍມານກ່າວວ່າ ກຳລັງຫາທາງເພີ່ມຂີດຄວາມສາມາດໃນການແຂ່ງຂັນໃຫ້ກັບຂະແໜງທຸລະກິດຂອງປະເທດ ໂດຍເລັ່ງເຝຶກອາຊີບໃຫ້ກັບປະຊາຊົນ ລວມເຖິງພັດທະນາການສຶກສາ ແລະ ນະວັດຕະກຳ ໂດຍແຜນດັ່ງກ່າວ ເປັນສ່ວນໜຶ່ງຂອງການປັບປຸງນະໂຍບາຍເສດຖະກິດຂະໜາດໃຫຍ່ຂອງລັດຖະບານຊາອຸດິດ ອາຣັບບີເນື່ອງຈາກລັດຖະບານພະຍາຍາມປັບຕົວໃຫ້ເຂົ້າກັບຍຸກລາຄານ້ຳມັນຖືກ.
ຢ່າງໃດກໍຕາມ ທາງການຊາອຸດິດອາຣັບບີຍັງຕ້ອງປະເຊີນກັບອຸປະສັກສຳຄັນເຊັ່ນ: ລະບົບລັດຖະການເຊັ່ນ: ລະບົບລັດຖະການຫຼ້າຊ້າ ແລະ ກົດໝາຍທີ່ຫຼ້າສະໄໝຊຶ່ງເຮັດໃຫ້ນັກລົງທຶນຕ່າງປະເທດ ລວມເຖິງບັນຫາລາຄານ້ຳມັນຫຼຸດລົງຖ່ວງດຶງການເຕີບໂຕຂອງປະເທດໃນປະຈຸບັນ. ຂໍ້ມູນຂອງກອງປະຊຸມສະຫະປະຊາຊາດວ່າດ້ວຍການຄ້າ ແລະ ການພັດທະນາ(ອັງຖັດ)ລະບຸວ່າ ເອຟດີໄອຂອງຊາອຸດິດອາຣັບບີເຄີຍຈຸລະດັບສູງສຸດຄື 40 ຕື້ໂດລາສະຫາລັດໃນປີ 2009 ແຕ່ຫຼັງຈາກນັ້ນກໍ່ຫຼຸດລົງຕໍ່ເນື່ອງ ແລະ ມາຢູ່ທີ່ 8 ຕື້ໂດລາໃນປີ 2014.
ທີ່ມາ: