spot_img
Homeນານາສາລະເຕືອນ! ດື່ມເຫຼົ້າແກ້ໜາວ ອັນຕະລາຍເຖິງຕາຍໄດ້

ເຕືອນ! ດື່ມເຫຼົ້າແກ້ໜາວ ອັນຕະລາຍເຖິງຕາຍໄດ້

Published on

ມີປະຊາຊົນຈຳນວນຫຼາຍທີ່ມີຄວາມເຊື່ອວ່າ ດື່ມເຫຼົ້າ ຫຼື ເບຍ ຈະຊ່ວຍແກ້ໜາວໄດ້ ແຕ່ວ່າການສຶກສາວິໄຈທາງການແພດທີ່ຜ່ານມາ ລວມທັງອົງການອະນາໄມໂລກ ຕ່າງກໍອອກມາຢືນຢັນວ່າ ການດື່ມເຫຼົ້າຫຼືເຄື່ອງດື່ມທາດເຫຼົ້າເພື່ອບັນເທົາຄວາມໜາວເຢັນ ເປັນຄວາມເຊື່ອທີ່ອັນຕະລາຍຕໍ່ສຸຂະພາບ ແລະອາດຈະສົ່ງຜົນຮ້າຍເຖິງຂັ້ນເສຍຊີວິດໄດ້.

ຈາກການສຶກສາວິໄຈທາງການແພດ ລະບຸວ່າ ການດື່ມເຫຼົ້າ 1 ຈອກ ເຮັດໃຫ້ຮ່າງກາຍຮູ້ສຶກເຖິງຄວາມອົບອຸ່ນໄດ້ໃນຊົ່ວຂະນະສັ້ນໆ ເພາະຄວາມຮ້ອນວູບວາບທີ່ເກີດຂຶ້ນຫຼັງການດື່ມເຫຼົ້າ ເຫຼົ້າບໍ່ແມ່ນຄວາມອົບອຸ່ນ ແຕ່ເປັນຜົນມາຈາກຫຼອດເລືອດຝອຍຂະຫຍາຍຕົວຍ້ອນລິດຂອງເຫຼົ້້າ ແລະເປັນຊ່ອງລະບາຍຄວາມຮ້ອນອອກມາຈາກຮ່າງກາຍ ຍິ່ງດື່ມຫຼາຍເທົ່າໃດ ຄວາມຮ້ອນໃນຮ່າງກາຍຈະຖືກລະບາຍອອກຫຼາຍເທົ່ານັ້ນ ລິດເຫຼົ້້າເຮັດໃຫ້ຮ່າງກາຍສູບສີດເລືອດໄປລ້ຽງບໍລິເວນຜິວໜັງເພື່ອກະຕຸ້ນການຂັບເຫື່ອອອກຫຼາຍຂຶ້ນ ເຊິ່ງເຮັດໃຫ້ອຸນຫະພູມພາຍໃນຮ່າງກາຍຕ່ຳລົງອີກ ເຮັດໃຫ້ອຸນຫະພູມໃນໂຕຫຼຸດຕ່ຳລົງກວ່າປົກກະຕິ ສ່ຽງຕໍ່ການເສຍຊີວິດສູງ ເມື່ອສຳຜັດກັບອາກາດເຢັນເປັນເວລາດົນນານ.

ນອກຈາກນີ້ ລິດຂອງເຫຼົ້າທີ່ກົດປະສາດສ່ວນກາງ ເຮັດໃຫ້ມີອາການຢາກນອນ ຊຶມເຊີ້ ແລະໝົດສະຕິ ແລະຖ້າຫາກດື່ມເຫຼົ້າໃນໄລຍະອາກາດເຢັນຍິ່ງຄວາມຄວາມສ່ຽງຼຫຼາຍຂຶ້ນ ເນື່ອງຈາກຄວາມໜາວເຢັນເຮັດໃຫ້ການໄຫຼວຽນຂອງເລືອດ ຍາກລຳບາກຫຼາຍຂຶ້ນ ເຮັດໃຫ້ອະໄວຍະວະຂາດອົກຊີແຊນ ສົ່ງຜົນໃຫ້ຫົວໃຈຕ້ອງສູບສີດເລືອດໄປລ້ຽງທົ່ວຮ່າງກາຍແລະເຮັດວຽກໜັກຫຼາຍຂຶ້ນ ເຊິ່ງເປັນສາເຫດທີ່ເຮັດໃຫ້ເກີດອາການຊັອກແລະເສຍຊີວິດໃນທີ່ສຸດ.

ສຳລັບການເຮັດໃຫ້ຮ່າງກາຍອົບອຸ່ນໃນໄລຍະລະດູໜາວ ລາວໂພສຕ໌ ຂໍແນະນຳໃຫ້ອອກກຳລັງກາຍຢ່າງສະໝ່ຳສະເໝີ ຮັບປະທານອາຫານໃຫ້ຄົບ 5 ໝູ່ ພັກຜ່ອນໃຫ້ພຽງພໍ. ສ່ວນຜູ້ທີ່ເປັນພູມແພ້ບໍ່ຄວນດັງໄຟຝິງ ເພາະຄວັນຈາກການຝີງໄຟຈະລົບກວນລະບົບຫາຍໃຈ ແລະຄວນເພິ່ມຄວາມອົບອຸ່ນໂດຍການນຸ່ງເຄື່ອງກັນໜາວໃຫ້ພຽງພໍທັງຕອນຕື່ນແລະຕອນນອນ ລວມທັງເວລານອນໃຫ້ຫົ່ມຜ້າຫົ່ມກັນໜາວຫຼາຍຜືນ ຖ້າບໍ່ມີຄວາມຈຳເປັນບໍ່ຄວນອອກໄປນອກເຮືອນ ຫຼືບໍ່ຄວນຕາກໝອກຕາກລົມ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...