ນັບວ່າເປັນອີກຂ່າວດີສຳລັບພໍ່ແມ່ປະຊາຊົນຊາວຄ້າຂາຍໃນຂອບເຂດທົ່ວປະເທດທີ່ໃຊ້ຍານພາຫະນະຕ່າງໆ ເຊົ້າມື້ນີ້ ລັດໄດ້ສືບຕໍ່ປັບລາຄານ້ຳມັນເຊື້ອໄຟລົງ ເພື່ອໃຫ້ເຂົ້າກັບສະພາບຂອງຕະຫຼາດໂລກ ໂດຍການປັບເທື່ອນີ້ເປັນຄັ້ງທີສອງໃນຮອບເດືອນທຳອິດຂອງປີ 2016.
ອີງຕາມສະພາບ ລາຄາຊື້-ຂາຍນ້ຳມັນເຊື້ອໄຟຢູ່ຕະຫຼາດໂລກໃນປະຈຸບັນໄດ້ມີການປ່ຽນແປງ ແລະເພື່ອໃຫ້ສອດຄ່ອງກັບກົນໄກຕະຫຼາດກະຊວງອຸດສາຫະກຳ ແລະ ການຄ້າ ຈິ່ງໄດ້ອອກແຈ້ງການສະບັບເລກທີ 0140/ອຄ.ຄພນ ລົງວັນທີ 25 ມັງກອນ 2016 ເລື່ອງການປັບລົງລາຄານ້ຳມັນເຊື້ອໄຟໃນຂອບເຂດທົ່ວປະເທດ ຊຶ່ງເລີ່ມຈັດຕັ້ງປະຕິບັດຕັ້ງແຕ່ເວລາ 6:00 ໂມງຂອງວັນທີ 26 ມັງກອນເປັນຕົ້ນໄປ.
ໂດຍນະຄອນຫຼວງວຽງຈັນແອັດຊັງພິເສດຈາກລາຄາ 8.160 ລົງຕໍ່ລິດປັບ ເປັນ 7.970 ກີບຕໍ່ລິດ, ທຳມະດາຈາກ 7.130 ກີບ ມາເປັນ 6.970 ກັບຕໍ່ລິດ, ກາຊວນ 5.750 ກີບ ມາເປັນ 5.600 ກີບຕໍ່ລິດ, ຄຳມ່ວນແອັດຊັງພິເສດມາຢູ່ທີ່ 8 ພັນກີບຕໍ່ລິດ, ທຳມະດາ 7 ພັນກີບຕໍ່ລິດ ແລະກາຊວນຢູ່ທີ່ 5.630 ກີບຕໍ່ລິດ, ສະຫວັນນະເຂດ ແອັດຊັງພິເສດຢູ່ທີ່ 8 ພັນກີບຕໍ່ລິດ, ທຳມະດາ 7 ພັນກີບຕໍ່ລິດ ແລະ ກາຊວນມາຢູ່ທີ່ 5.630 ກີບຕໍ່ລິດ.
ສ່ວນທາງແຂວງຈຳປາສັກ ແອັດຊັງພິເສດຈາກ 8.520 ກີບຕໍ່ລິດ ມາຢູ່ທີ່ 8.030 ກີບຕໍ່ລິດ, ທຳມະດາ 7.190 ກີບ ມາຢູ່ທີ່ 7.030 ກີບຕໍ່ລິດ, ກາຊວນ 5.660 ກີບຕໍ່ລິດ, ທາງດ້ານແຂວງບໍ່ແກ້ວ ແອັດຊັງພິເສດ 8.570 ກີບມາຢູ່ທີ່ 8.070 ກີບຕໍ່ລິດ, ທຳມະດາ 7.230 ກີບມາເປັນ 7.070 ກີບຕໍ່ລິດ, ກາຊວນຢູ່ທີ່ 5.700 ກີບຕໍ່ລິດ, ສຳລັບແຂວງຊຽງຂວາງແອັດຊັງທຳມະດາ 7.330 ກີບມາຢູ່ທີ່ 7.160 ກີບຕໍ່ລິດ ແລະກາຊວນຈາກ 5.950 ກີບ ມາຢູ່ທີ່ 5.790 ກີບຕໍ່ລິດ.
ທີ່ມາ: