ສຳນັກຂ່າວຕ່າງປະເທດ ລາຍງານໃນວັນທີ 25 ມັງກອນນີ້ວ່າ ພາຍຸຫິມະໄດ້ພັດຖະຫລົ່ມ ຫລາຍພື້ນທີ່ຂອງສະຫະລັດອາເມຣິກາ ຊຶ່ງສົ່ງຜົນກະທົບເຮັດໃຫ້ ເກີດການທັບຖົມຂອງຫິມະສູງ ຈົນເຮັດໃຫ້ການສັນຈອນ ເປັນອຳມະພາດໃນຫລາຍພື້ນທີ່ຂອງລັດຕ່າງໆເຊັ່ນ: ເທັນເນັສຊີ, ຈໍເຈຍ, ເຄັນຕັກກີ, ນ໊ອດແຄໂຣໄລນາ, ນິວເຈີຊີ, ເວີຈິເນຍ, ເວສເວີຈິເຈຍ, ແມຣີແລນ, ເພນຊິນວາເນຍ ແລະ ນິວຢອກ ໂດຍທາງການແຕ່ລະລັດ ໄດ້ອອກຄຳສັ່ງພາວະສຸກເສີນ ເຕືອນປະຊາຊົນ ໃຫ້່ມີຄວາມລະມັດລະວັງ ໃນການເດີນທາງ.

ນອກຈາກນີ້ ສະຖານະການພາຍຸຫິມະດັ່ງກ່າວ ຍັງສົ່ງຜົນເຮັດໃຫ້ ມີຜູ້ເສຍຊີວິດຢ່າງຕໍ່ເນື່ອງ ຊຶ່ງຮອດປັດຈຸບັນ ລວມ 19 ຄົນແລ້ວ ໂດຍໃນນີ້ 13 ຄົນ ເສຍຊີວິດຈາກອຸບັດເຫດ ເນື່ອງຈາກທັດສະນະວິໄສການຂັບຂີ່ບໍ່ຊັດເຈນ ອີກ 3 ຄົນ ເສຍຊີວິດໃນລະຫວ່າງກວາດຫິມະ, ເສຍຊີວິດຈາກອາກາດປອດບວມ 2 ຄົນ ແລະ ອີກ 1 ຄົນ ຍັງບໍ່ເປີດເຜີຍລາຍລະອຽດ.