ເຈົ້າໜ້າທີ່ລົດໄຟປະກາດວ່າ ສປ ຈີນຈະລົງທຶນມູນຄ່າ 800 ຕື້ຢວນ (1,23ຮ້ອຍຕື້ໂດລາສະຫະລັດ) ສຳລັບສ້າງລົດໄຟໃນປີ 2016 ໂດຍສະເພາະຢູ່ໃນພາກກາງ ແລະພາກຕາເວັນຕົກທີ່ມີການພັດທະນາໜ້ອຍກວ່າພາກອື່ນໆ.
ໃນປີທີ່ຜ່ານມາມີຜູ້ໂດຍສານທີ່ເດີນທາງດ້ວຍລົດໄຟຫລາຍເຖິງ 2,5 ຕື້ຄົນ ຊຶ່ງເພີ່ມຂຶ້ນ 10% ໃນໄລຍະ 3 ປີທີ່ຜ່ານມາ, ຜູ້ຈັດການທົ່ວໄປຂອງບໍລິສັດກໍ່ສ້າງທາງລົດໄຟຈີນກ່າວວ່າ ການຂົນສົ່ງທາງລົດໄຟທີ່ບໍ່ນັບລວມການຂົນສົ່ງສິນຄ້າປັບຕົວເພີ່ມຂຶ້ນ 18,7% ໃນປີ 2015 ທີ່ຜ່ານມາ ຂະນະທີ່ການຂົນສົ່ງສິນຄ້າທາງລົດໄຟຂະຫຍາຍຕົວເພີ່ມຂຶ້ນ 20,2% ທຽບກັບລາຍປີ.
ຈີນໄດ້ລົງທຶນມູນຄ່າ 8,23 ຮ້ອຍຕື້ຢວນ ສຳລັບໂຄງການລົດໄຟໃນປີ 2015 ທີ່ຜ່ານມາ ຊຶ່ງຫລາຍກວ່າເປົ້າໝາຍທີ່ຕັ້ງເປົ້າໄວ້ຢູ່ທີ່ 800 ລ້ານຢວນ ແລະ ໄດ້ມີການສ້າງເສັ້ນທາງໃໝ່ໃນໄລຍະທາງ 9.531 ກິໂລແມັດ ຊຶ່ງມີຄວາມຄືບໜ້າຫລາຍກວ່າເປົ້າໝາຍປະຈຳປີທີ່ກຳນົດໄວ້ຢູ່ທີ່ 8 ພັນກິໂລແມັດ (ຕາມຂ່າວຕ່າງປະເທດ).
ທີ່ມາ: