ກ້ວຍຈັດເປັນໝາກໄມ້ທີ່ຫາກິນໄດ້ງ່າຍຕະຫຼອດປີທັງມີຄຸນຄ່າທາງອາຫານ ແລະຄຸນປະໂຫຍດຕໍ່ຮ່າງກາຍຫຼາຍກິນເສີມກ້າມຊີ້ນແລະຟື້ນກຳລັງຄົນເຈັບໄດ້ດີແລະຖ້າທ່ານມີກ້ວຍນ້ຳຫຼັງສວນທີ່ປູກໄວ້ເລີ່ມແກ່ ແຕ່ຍັງສຸກບໍ່ທັນໃຫ້ໃຊ້ວິທີໃນການເລັ່ງການສຸກຂອງກ້ວຍ ເພາະນອກຈາກຈະເຮັດໃຫ້ສຸກໄວຂຶ້ນແລ້ວຍັງ ເຮັດໃຫ້ສີສັນສວຍງາມໜ້າຮັບປະທານ ແລະຫວານ ຍິ່ງຂຶ້ນອີກດ້ວຍວິທີການປະຕິບັດດັ່ງນີ້:
ອຸປະກອນ ແລະ ວິທີບົ່ມ: ເປົາປ່ານ 1 ໜ່ວຍ,ໃບຂີ້ເຫຼັກບ້ານ 2-3 ກຳມື, ເຈ້ຍໜັງສືພິມ ຫຼັງຈາກນັ້ນນຳເຈ້ຍໜັງສຶພິມມາຫໍ່ກ້ວຍໄວ້ ເພື່ອໃຫ້ໄດ້ກ້ວຍທີ່ສວຍງາມ, ຈາກນັ້ນ ນຳກ້ວຍໃສ່ລົງໄປໃນເປົາແລ້ວປິດໄວ້ດ້ວຍ ໃບຂີ້ເຫຼັກໜາໆນຳໄປປະໄວ້ໃນບ່ອນຮົ່ມອຸນຫະພູມຫ້ອງປະມານ 3-5 ມື້ ກ້ວຍຂອງທ່ານຈະສຸກມີສີເຫຼືອງສວຍ ສະໝ່ຳສະເໝີ ແລະຫວານຂຶ້ນອີກດ້ວຍ.
ທີ່ມາ: