ສຳນັກຂ່າວຕ່າງປະເທດ ລາຍງານໃນວັນທີ 15 ມັງກອນນີ້ວ່າ ອົງການອະນາໄມໂລກ ຫລື WHO ໄດ້ປະກາດໃຫ້ ປະເທດໄລເບຣີ ປອດຈາກເຊື້ອໄວຣັດອີໂບລາແລ້ວ ຫລັງຈາກບໍ່ພົບຜູ້ຕິດເຊື້ອລາຍໃໝ່ ຕະຫລອດໄລຍະ 42 ມື້ທີ່ຜ່ານມາ ແລະ ຖືເປັນການສິ້ນສຸດ ການລະບາດຂອງເຊື້ອພະຍາດດັ່ງກ່າວ ໃນພາກພື້ນອາຟຣິກາຕາເວັນຕົກ ຊຶ່ງນັບເປັນການລະບາດ ຄັ້ງຮຸນແຮງທີ່ສຸດໃນປະຫວັດສາດ.
ທັງນີ້ ເນື່ອງຈາກການລະເບີດຂອງເຊື້ອພະຍາດອີໂບລາ ໃນພາກພື້ນອາຟຣິກາຕາເວັນຕົກ ຊຶ່ງເລີ່ມມາແຕ່ຕົ້ນປີ 2013 ຈົນມາຮອດວັນທີ 6 ມັງກອນ 2016 ນີ້ເຫັນວ່າ ເຊື້ອພະຍາດດັ່ງກ່າວ ໄດ້ເຮັດໃຫ້ມີຜູ້ເສຍຊີວິດແລ້ວ 11,315 ຄົນ.