ອົງການແຮງງານສາກົນ (ໄອແອລໂອ) ສຳຫຼວດພົບວ່າ ການທີ່ສສ ຫວຽດນາມເຂົ້າຮ່ວມປະຊາຄົມເສດຖະກິດອາຊຽນ (ເອອີຊີ) ຈະມີສ່ວນຊ່ວຍເພີ່ມອັດຕາການຈ້າງວຽກເຮັດອີກ 14,5 ລ້ານຄົນໃນປີ 2025.
ອົງການແຮງງານສາກົນລະບຸວ່າ ການລວມຕົວກັນຂອງປະຊາຄົມເສດຖະກິດອາຊຽນໃນວັນທີ 31 ທັນວາປີ 2015 ທີ່ຜ່ານມາ ຈະມີສ່ວນຊ່ວຍສົ່ງເສີມຕະຫຼາດແຮງງານ ແລະ ສ້າງວຽກເຮັດໄຫ້ໃນແຕ່ລະປະເທດສະມາຊິກ ທັງນີ້ຄາດຄະເນວ່າ ປະໂຫຍດທີ່ຈະໄດ້ຮັບຈາກຂໍ້ຕົກລົງເອອີຊີ ຈະມີການເປີດເສລີໃນການເຄື່ອນຍ້າຍແຮງງານຝີມື ຊຶ່ງ 10 ປະເທດສະມາຊິກອາຊຽນ ມີ 10 ຂໍ້ຕົກລົງສຳລັບ 8 ອາຊີບທີ່ເຮັດວຽກໄດ້ຢ່າງເສລີຄື: ແພດ, ສັດຕະວະແພດ, ພະຍາບານ, ບັນຊີ, ນັກສຳຫຼວດ, ສະຖາປະນິກ, ວິສະວະກອນ ແລະຜູ້ນຳທ່ຽວ, ຕາມການລາຍງານຂອງໄອແອລໂອສະແດງໃຫ້ເຫັນວ່າ ເມື່ອເຂົ້າຮ່ວມອາຊຽນ ຈຳນວນວຽກເຮັດຫວຽດນາມຈົນເຖິງປີ 2025 ອາດຈະເພີ່ມຂຶ້ນເປັນ 14,5% ໂດຍແຮງງານອີກ 14,5 ລ້ານຄົນມີວຽກເຮັດງານທຳໃນປີ 2025.
ຢ່າງໃດກໍຕາມ ດ້ວຍການພັດທະນາທີ່ບໍ່ເທົ່າທຽມກັນໃນປະຈຸບັນແຮງງານທີ່ມີຝີມືຈະເຄື່ອນຍ້າຍໄປຍັງສິງກະໂປ, ມາເລເຊຍ ແລະ ໄທ, ແຮງງານທີ່ເຫຼືອທີ່ຈະເຄື່ອນຍ້າຍໃນອາຊຽນມັກຈະເປັນແຮງງານທີ່ບໍ່ມີຝີມື ຊຶ່ງສ້າງຄວາມທ້າທາຍໃຫ້ແກ່ຫວຽດນາມໃນການພັດທະນາ ແລະສ້າງສະຖຽນລະພາບໃຫ້ແກ່ຕະຫຼາດແຮງງານຕະຫຼອດຮອດການບໍລິຫານແຮງງານຕ່າງປະເທດ (ຕາມຂ່າວຫວຽດນາມ).
ທີ່ມາ: 