ກົມອາຊຽນ ກະຊວງ ການຕ່າງປະເທດ ຮ່ວມກັບອົງ ການຊ່ວຍເຫຼືອ ເພື່ອພັດທະນາ ສາກົນອາເມຣິກາ ແລະ ສຳນັກ ງານຜູ້ຕາງໜ້າສະຫະລັດອາເມ ຣິກາ ປະຈຳອາຊຽນໄດ້ຈັດກອງ ປະຊຸມສຳມະນາ ເພື່ອກະກຽມ ໃຫ້ແກ່ການເປັນປະທານອາ ຊຽນ ຂອງ ສປປ ລາວ ໃນປີ 2016 ກອງປະຊຸມຈັດຂຶ້ນໃນວັນທີ 12 ມັງກອນນີ້ທີ່ໂຮງແຮມລັດສະໝີ.
ເຂົ້າຮ່ວມກອງປະຊຸມມີ ທ່ານ ພົງສະຫວັດ ສີສຸລາດ ຫົວໜ້າກົມອາຊຽນ ກະຊວງ ການຕ່າງປະເທດ, ທ່ານ ນາງ ໂມຣາ ບາຣີ (Maura Barry) ຫົວໜ້າອົງການຊ່ວຍເຫຼືອ ເພື່ອການພັດທະນາສາກົນອາເມຣິ ກາ ປະຈຳພາກພື້ນອາຊີ ພ້ອມ ດ້ວຍນັກສຳມະນາກອນຈາກ ກອງເລຂາອາຊຽນ ແລະ ແຂກ ຖືກເຊີນເຂົ້າຮ່ວມ.
ກອງປະຊຸມສຳມະນາ ແມ່ນໜຶ່ງໃນບັນດາກິດຈະກຳ ເພື່ອສົ່ງເສີມຄວາມເຂົ້າໃຈ ໃຫ້ແກ່ພະນັກງານຈາກຂະ ແໜງການຕ່າງໆກ່ຽວກັບປະ ຊາຄົມອາຊຽນ ກໍຄືວິໄສທັດປະ ຊາຄົມອາຊຽນ 2025 ແລະ ບັນດາຂົງເຂດວຽກງານຮ່ວມມື ອາຊຽນ ເປັນຕົ້ນແມ່ນການຮັດ ແຄບຄວາມແຕກໂຕນທາງ ດ້ານການພັດທະນາພາຍໃນ ອາຊຽນ, ການເຊື່ອມຈອດອາ ຊຽນ, ວຽກງານຄຸ້ມຄອງໄພພິ ບັດ, ການຮ່ວມມືກັບພາຍ ນອກ, ການສະເໜີຂໍ້ລິເລີ່ມ ແລະ ບຸລິມະສິດຂອງອາຊຽນ ພ້ອມດ້ວຍຂັ້ນຕອນ ແລະ ພິທີ ການຂອງອາຊຽນ, ລົງເລິກ ການເຊື່ອມໂຍງເສດຖະກິດ ຂອງ ສປປ ລາວ ເຂົ້າພາກພື້ນ ເພື່ອສ້າງຄວາມກຽມພ້ອມສຳ ລັບການເປັນປະທານອາຊຽນ ຂອງ ສປປ ລາວ ໃນປີ 2016 ໃຫ້ເຂັ້ມແຂງຢ່າງຮອບດ້ານ.
(ຂ່າວ: ແສງຈັນ)
ແຫ່ລງຂ່າວ
