ສຳນັກຂ່າວຕ່າງປະເທດ ລາຍງານໃນວັນທີ 12 ມັງກອນຜ່ານມານີ້ວ່າ ຜູ້ນຳກຸ່ມປະເທດຜູ້ສົ່ງອອກນ້ຳມັນ ຫລື ໂອເປັກ ກຽມເປີດກອງປະຊຸມວິສາມັນ ເພື່ອແກ້ໄຂບັນຫາລາຄານ້ຳມັນຕົກຕ່ຳ ໃນຕົ້ນເດືອນມີນາປີ 2016 ນີ້ ຫລັງຈາກທີ່ລາຄານ້ຳມັນດິບ ຢູ່ສະຫະລັດອາເມຣິກາ ໄດ້ຫລຸດລົງຕ່ຳສຸດໃນຮອບ 12 ປີ ທ່າມກາງປະລິມານນ້ຳມັນ ລົ້ນຕະຫລາດໃນທົ່ວໂລກ ໃນຂະນະທີ່ຄວາມຕ້ອງການໄດ້ຫລຸດໜ້ອຍລົງ ອັນເປັນຜົນມາຈາກ ການຊະລໍຕົວຂອງເສດຖະກິດຈີນ ຊຶ່ງເປັນປະເທດທີ່ນຳໃຊ້ ພະລັງງານນ້ຳມັນລາຍໃຫຍ່ຂອງໂລກ.