ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມ ດ້ວຍຄະນະ ແລະ ການນຳຂອງ ແຂວງຊຽງຂວາງ ໄດ້ຢ້ຽມຢາມ ຟາມງົວຊີ້ນ – ງົວນົມ ຂອງ ບໍລິສັດ ພັດທະນາກະສິກຳ ລາວ – ຍີ່ປຸ່ນ ແຂວງຊຽງຂວາງ ຈຳ ກັດ ຢູ່ທີ່ບ້ານຄັງສີ ເມືອງແປກ ແຂວງຊຽງຂວາງ ເມື່ອວັນທີ 3 ມັງກອນຜ່ານມາ.
ໃນໂອກາດນີ້, ທ່ານ ດາອີ ຈິ ອີໂມຣິ (Daiji IMORY) ປະທານບໍ ລິຫານບໍລິສັດພັດທະນາກະ ສິກຳລາວ-ຍີ່ປຸ່ນ ແຂວງຊຽງ ຂວາງຈຳກັດ ໄດ້ລາຍງານວ່າ: ປະຈຸບັນມີງົວນົມ 250 ໂຕ, ງົວພັນຊີ້ນ 609 ໂຕ, ຕາມ ແຜນການແລ້ວຈະລ້ຽງງົວ ພັນຊີ້ນ 5.000 ໂຕ, ງົວນົມ 1.000 ໂຕ ປະຈຸບັນກຳລັງປູກ ຫຍ້າ ເພື່ອໃຫ້ພຽງພໍທີ່ຈະນຳ ງົວເຂົ້າມາໃຫ້ຄົບຕາມແຜນ ແລະ ຈະນຳເອົານ້ຳເຊື້ອງົວ ເຂົ້າມາປະສົມພັນ.
ໂອກາດດັ່ງກ່າວ ທ່ານ ນາງ ປານີ ຢາທໍ່ຕູ້ ກໍໄດ້ສະແດງ ຄວາມຍ້ອງຍໍຊົມເຊີຍຕໍ່ການ ມາລົງທຶນຂອງບໍລິສັດພັດທະນາ ກະສິກຳລາວ-ຍີ່ປຸ່ນແຂວງຊຽງ ຂວາງ ຈຳກັດ, ພ້ອມກັນນັ້ນ ທ່ານຍັງມີແຜນທີ່ຈະອະນຸມັດ ດິນໃຫ້ບໍລິສັດສຳປະທານຕື່ມ ອີກ ເນື່ອງຈາກເນື້ອທີ່ດິນຍັງ ໜ້ອຍ ຫຍ້າຍັງບໍ່ພຽງພໍ ຈຳ ເປັນຕ້ອງໄດ້ຂະຫຍາຍເນື້ອທີ່ ດິນປູກຫຍ້າຕື່ມອີກ ແລະ ສະແດງຄວາມດີໃຈທີ່ບໍລິສັດ ໄດ້ຮັບເອົາປະຊາຊົນໃກ້ຄຽງ ເຂົ້າມາເຮັດວຽກ ຢູ່ຟາມ ເຮັດ ໃຫ້ປະຊາຊົນໄດ້ຮຽນຮູ້ການ ປັບປຸງດິນ, ການປະສົມພັນ ງົວ, ການລ້ຽງງົວແບບທັນສະ ໄໝເຮັດໃຫ້ໄດ້ຮັບປະສິດທິຜົນສູງ.
ແຫລ່ງຂ່າວ:
