spot_img
Homeຂ່າວພາຍ​ໃນຫວັງຈະລັກເອົາໄມ້ໄປຂາຍແຕ່ໄປບໍ່ລອດ

ຫວັງຈະລັກເອົາໄມ້ໄປຂາຍແຕ່ໄປບໍ່ລອດ

Published on

971346_253739374765414_1256695158_n
ໄມ້ອາຍັດຢູ່ກອງກວດກາປ່າໄມ້ ຊາຍໜຸ່ມຄົນນີ້ຫວັງເຂົ້າໄປລັກແຕ່ບໍ່ຫວິດມືເຈົ້າໜ້າທີ່

——————————————-
ຕາມການລາຍງານຂອງທ່ານ ຮ້ອຍໂທ ຄຳສິງ ໄຊຍະລາດ ຫົວໜ້າໜ່ວຍງານສອບສວນຄະດີອາຍາ ທີ່ຂຶ້ນກັບກອງບັນຊາການ ປກສ ເມືອງໄກສອນ ພົມວິຫານ ແຂວງສະຫວັນນະເຂດ ໄດ້ເປີດເຜີຍໃຫ້ຮູ້ວ່າ: ໃນຄັ້ງວັນທີ 8/4/2013 ເຈົ້າໜ້າທີ່ກອງກວດກາປ່າໄມ້ແຂວງ (ຫຼັກ 6) ໄດ້ມາແຈ້ງໃຫ້ເຈົ້າໜ້າທີ່ ປກສ ກຸ່ມ 4 ວ່າ: ໃນຄັ້ງວັນທີ 7/4/2013 ໄດ້ມີຜູ້ຮ້າຍບໍ່ຮູ້ຈຳນວນ ເຂົ້າມາລັກໄມ້ແປຮູບ ທີ່ອາຍັດໄວ້ຢູ່ທີ່ເດີ່ນຫ້ອງການ.

ເມື່ອໄດ້ຮັບແຈ້ງເຫດຄືດັ່ງກ່າວ ທາງເຈົ້າໜ້າທີ່ ປກສ ເມືອງໄກສອນພົມວິຫານ ຮ່ວມກັບ ປກສ ກຸມບ້ານທີ 4 ເຂດໂພນສະຫວ່າງ ໄດ້ພ້ອມກັນລົງສົມທົບກັບກອງກວດກາ ເພື່ອເບິ່ງກ້ອງວົງຈອນປິດ, ເມື່ອເຫັນໜ້າຄົນຮ້າຍ ຈຶ່ງໄດ້ພ້ອມກັນລົງຕິດຕາມ ແລະສາມາດຈັບກຸມໄດ້ 1 ຄົນ, ພ້ອມຂອງກາງ ເປັນໄມ້ຂະຍູງຈຳນວນໜຶ່ງ ພໍເຈົ້າໜ້າທີ່ສອບສວນຈຶ່ງຮູ້ວ່າ ທ້າວ ປານີ ອາຍຸ 25 ປີ, ອາຊີບວ່າງງານ ຢູ່ບ້ານໂພນສະຫວ່າງເໜືອ ເມືອງໄກສອນພົມວິຫານ ແຂວງ ສະຫວັນນະເຂດ ໄດ້ຮັບສາລະພາບວ່າ: ກ່ອນປີໃໝ່ ຕົນເອງພ້ອມດ້ວຍໝູ່ອີກ 2 ຄົນ, ໄດ້ເຂົ້າໄປລັກເອົາໄມ້ຂະຍູງ ຢູ່ກອງກວດກາປ່າໄມ້ແຂວງ (ຫຼັກ 6) ຈຳນວນ 5 ເທື່ອ ໄດ້ເທື່ອລະ 2-3 ທ່ອນ, ໂດຍໃຊ້ລົດຈັກ ເປັນພາຫະນະ, ເພື່ອເອົາໄປຂາຍ ແລ້ວເອົາເງິນມາປັນກັນ ຄັ້ງທີໜຶ່ງ ໄດ້ເງິນ 60.000 ກີບ, ຄັ້ງທີສອງ ໄດ້ 45.000 ກີບ, ສ່ວນຄັ້ງທີສາມ ແລະຄັ້ງທີສີ່ ແມ່ນບໍ່ໄດ້ເງິນ ເພາະໄມ້ຂາຍບໍ່ໄດ້ ມັນບໍ່ແມ່ນໄມ້ຂະຍູງ ແລະຄັ້ງສຸດທ້າຍ ໄດ້ເງິນ 80.000 ກີບ.
ຕາມທັດສະນະຂອງເຈົ້າໜ້າທີ່ເຫັນວ່າ: ການໃຫ້ປາກຄຳຄັ້ງນີ້ຂອງ ທ້າວ ປານີ ຍັງມີລັກສະນະປິດບັງ ແລະເຈົ້າໜ້າທີ່ຍັງຈະມີການສອບສວນ ອີກຄັ້ງໃໝ່, ສ່ວນໝູ່ຂອງທ້າວ ປານີ ອີກ 2 ຄົນທີ່ກຳລັງຫຼົບໜີ ເຈົ້າໜ້າທີ່ກຳລັງຕິດຕາມຕົວທັງສອງ ເພື່ອມາດຳເນີນຄະດີ ຄາດວ່າຍັງອີກບໍ່ພໍເທົ່າໃດວັນ ຄົງຈະໄດ້ຕົວ.

ຕາມການກວດກາຂອງເຈົ້າໜ້າທີ່ກອງກວດກາປ່າໄມ້ແຂວງ ໄດ້ໃຫ້ຮູ້ວ່າ: ຈຳນວນໄມ້ທີ່ຂາດໄປໃນບັນຊີໄມ້ອາຍັດທັງໝົດ ຈຳນວນ 30 ກວ່າທ່ອນ, ຕົກເປັນມູນຄ່າທັງໝົດ 30 ລ້ານກວ່າກີບ.

ຂອບໃຈຂໍ້ມູນຈາກ: ໂທລະໂຄງ

ບົດຄວາມຫຼ້າສຸດ

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...

ກຳປູເຈຍ ເປີດນຳໃຊ້ສະໜາມບິນສາກົນເຕໂຊ ຢ່າງເປັນທາງການແລ້ວ

ເປີດນຳໃຊ້ຢ່າງເປັນທາງການແລ້ວ ສະໜາມບິນສາກົນເຕໂຊ ຂອງປະເທດກຳປູເຈຍ ມູນຄ່າ 1.5 ພັນລ້ານໂດລາ ພ້ອມກ້າວໜ້າສູ່ການເປັນສູນກາງການບິນ ແລະ ໂລຈິດຕິກແຫ່ງໃໝ່ຂອງໂລກ. ສຳນັກຂ່າວຕ່າງປະເທດລາຍາງນໃນວັນທີ 9 ກັນຍາ 2025 ນີ້, ກຳປູເຈຍໄດ້ມີການເປີດນຳໃຊ້ສະໜາມບິນສາກົນເຕໂຊ...

ໝໍຫວຽດນາມຟິວຂາດ ກໍລະນີໝໍມີການທຳຮ້າຍຮ່າງກາຍ ແລະ ຊັບສິນຄົນເຈັບໃນຄລີນິກແຂ້ວ

ເຊິ່ງກຳລັງເປັນກະແສຮ້ອນແຮງໃນຫວຽດນາມ ແລະ ຖືກແຊສອອກໄປເປັນວົງກ້ວາງ ກໍລະນີວີດີໂອໝໍແຂ້ວ (ທັນຕະເເພດ) ໄດ້ທຳຮ້າຍຮ່າງກາຍຄົນເຈັບ. ອີງຕາມການລາຍງານຈາກສຳນັກຂ່າວຈາກປະເທດຫວຽດນາມລາຍງານໃຫ້ຮູ້ວ່າ ໃນວັນທີ 03/09/2025 ທີ່ຜ່ານມາ, ເກີດເຫດການ ທ່ານໝໍທຳຮ້າຍຮ່າງກາາຍຄົນເຈັບ ຢູ່ຄີນິກປົວແຂ້ວແຫ່ງໜຶ່ງໃນປະເທດຫວຽດນາມ ໂດຍມີສາເຫດຄື: ຄົນເຈັບແມ່ນໃຊ້ບໍລິການຢູ່ຄລິນິກດັ່ງກ່າວ,...

ຂໍສະແດງຄວາມຍ້ອງຍໍ-ຊົມເຊີຍຕໍ່ທ່ານທູດ ມໍລະກົດ ສີສະຫວັດ ທີ່ໄດ້ສໍາເລັດໜ້າທີ່ການທູດ ຢູ່ ສປປ ລາວ

ລັດຖະບານແຫ່ງ ສປປ ລາວ ມອບຫລຽນກາມິດຕະພາບໃຫ້ແກ່ ທ່ານ ນາງ ມໍລະກົດ ສີສະຫວັດ ເອກອັກຄະຣາຊະທູດແຫ່ງ ຣາຊະອານາຈັກໄທ ໃນຕອນບ່າຍວັນທີ 8 ກັນຍາ 2025 ຢູ່ກະຊວງການຕ່າງປະເທດ,...