ສຳນັກຂ່າວຕ່າງປະເທດ ລາຍງານໃນວັນທີ 28 ທັນວາຜ່ານມານີ້ວ່າ ອົງການສົນທິສັນຍາປ້ອງກັນແອັດແລນຕິກເໜືອ ຫລື ນາໂຕ້ (NATO) ວາງແຜນສົ່ງເຮືອບິນສຳຫລວດ AWACS ໄປປະເທດຕວກກີ ທ່າມກາງສະພາວະຄວາມເຄັ່ງຕຶງ ລະຫວ່າງຕວກກີ ແລະ ຣັດເຊຍ ໂດຍອ້າງເພື່ອສອດສ່ອງກວດກາ ສະພາບການພາຍໃນພາກພື້ນ ຊຶ່ງເປັນໜຶ່ງໃນມາດຕະການ ປົກປ້ອງປະເທດຕວກກີ ຊຶ່ງເປັນປະເທດສະມາຊິກຂອງຕົນ.
ທັງນີ້ ການປະກາດແຜນການດັ່ງກ່າວ ແມ່ນບໍ່ໄດ້ລະບຸເຖິງລາຍລະອຽດ ເຖິງວິທີການ ຈຳນວນ ແລະ ໄລຍະເວລາທີ່ຈະສົ່ງເຂົ້າໄປ ແຕ່ຢ່າງໃດ.