ສຳນັກຂ່າວຕ່າງປະເທດ ລາຍງານໃນວັນທີ 25 ທັນວານີ້ວ່າ ໃນມື້ວານນີ້ (24 ທັນວາ) ເກີດເຫດເຮືອບິນຂົນສົ່ງສິນຄ້າລຳໜຶ່ງ ແລ່ນກາຍຣັນເວລະຫວ່າງລົງຈອດ ຢູ່ສະໜາມບິນເມືອງເອັມບູຈີ-ມາຢີ ທາງພາກກາງຂອງປະເທດ ສາທາລະນະລັດ ປະຊາທິປະໄຕ ຄອງໂກ ແລ້ວໄປຕຳເອົາເຮືອນປະຊາຊົນ ທີ່ຕັ້ງຢູ່ຕິດກັບບໍລິເວນສະໜາມບິນ ສົ່ງຜົນເຮັດໃຫ້ມີຜູ່ເສຍຊີວິດທັງໝົດ 7 ຄົນ ຊຶ່ງສາເຫດຂອງບຸບັດເຫດດັ່ງກ່າວ ຍັງຢູ່ລະຫວ່າງການສືບສວນ.