spot_img
Homeຂ່າວພາຍ​ໃນກະຊວງ​ ຖວທ ​ເລັ່ງ​​ແກ້​ໄຂ​ບັນຫາຮ້ານ​ບັນ​ເທີ​ງ ​ແລະ ຮ້ານ​ກິນ​ດື່ມ​ທີ່​ເປີດ​ກາຍ​ໂມງເວລາ!

ກະຊວງ​ ຖວທ ​ເລັ່ງ​​ແກ້​ໄຂ​ບັນຫາຮ້ານ​ບັນ​ເທີ​ງ ​ແລະ ຮ້ານ​ກິນ​ດື່ມ​ທີ່​ເປີດ​ກາຍ​ໂມງເວລາ!

Published on

borsengkham

​ໃນ​ວັນ​ທີ 23 ທັນວາຜ່ານ​ມາ​ນີ້, ​ທ່ານ ສຈ. ດຣ ບໍ່​ແສງ​ຄຳ ວົງ​ດາລາ ລັດຖະມົນຕີ​ວ່າການ​ກະ ຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ (ຖວທ) ​ໄດ້​ຂຶ້ນ​ລາຍ​ງານ​ສະພາບການ​ຄຸ້ມ​ຄອງ​ຮ້າ​ນບັນ​ເທິງ​ ​ແລະ ຮ້ານ​ກິນ​ດື່ມ​ທີ່​ເປີດ​ກາຍ​ກຳນົດ​ເວລາ ​ແລະ ບັນຫາ​ຮ້ານສາວ​ບໍລິການ​ທີ່​​ເກີດ​ຂຶ້ນ​ແບບ​ຊະຊາຍ ຕໍ່​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 10 ຂອງ​ສະພາ​ແຫ່ງ​ຊາດ​ຊຸດ​ທີ 7 ວ່າ: ​ໃນ​ໄລຍະ​ຜ່ານ​ມາ, ກະຊວງ ຖວທ ​ແລະ ພາກສ່ວນ​ກ່ຽວຂ້ອງ ​ໄດ້​ເອົາ​ໃຈ​ໃສ່​ຢ່າງ​ຕັ້ງໜ້າ​ຕໍ່​ການ​ຄຸ້ມ​ຄອງ​ບັນດາ​ຫົວໜ່ວຍ​ທຸລະ​ກິດ​ການທ່ອງທ່ຽວ​ປະ​ເພດ​ໂຮງ​ແຮມ, ​ເຮື​ອນພັກ, ຮ້ານ​ອາຫານ-ກິນ​ດື່ມ ​ແລະ ສະຖານ​ທີ່​ບັນ​ເທີ​ງ ​ດ້ວຍ​ລະບຽບຫລັກການ ​ແລະ ນິຕິ​ກຳ​ຕ່າງໆ​​ເຊັ່ນ: ກົດໝາຍ​ວ່າ​ດ້ວຍ​ການທ່ອງທ່ຽວ, ດຳ ລັດ​ວ່າ​ດ້ວຍ​ສິລະ​ປະການ​ສະ​ແດງ, ຂໍ້​ກຳນົດ​ວ່າ​ດ້ວຍ​ການ​ຄຸ້ມ​ຄອງ​ສະຖານ​ທີ່​ບັນ​ເທີ​ງ ​ແລະ ຄາຣາ​ໂອ​ເກະ ​ແລະ ຂໍ້​ຕົກລົງ​ວ່າ​ດ້ວຍ​ການ​ຄຸ້ມ​ຄອງ​ພັດທະນາ, ​ໂຮງ​ແຮມ, ​ເຮືອນພັກ, ​ຮ້ານ​ອາຫານ, ຮ້ານ​ກິນ​ດື່ມ ​ແລະ ສະຖານ​ທີ່ບັນ​ເທີ​ງ, ຊຶ່ງ​ມາ​ຮອດ​ປັດຈຸບັນ​ ​ເຫັນ​ວ່າການ​ແບ່ງຄວາມ​ຮັບຜິດຊອບ, ພາລະ​ບົດບາດ, ສິດ ​ແລະ ໜ້າ​ທີ່​ຢ່າງ​ຂາດ​ຕົວ​ຈະ​ແຈ້ງ​ພໍ​ສົມຄວນ. ​

ແຕ່​ກໍ​ປະຕິ​ເສດ​ບໍ່​ໄດ້​ວ່າ: ​ໃນ​ໄລຍະ​ຜ່ານ​ມາ ທຸລະ​ກິດ​ການ​ບໍລິການ​ດັ່ງກ່າວຈຳນວນ​ໜຶ່ງ ​ໄດ້​ກາຍ​ເປັນ​ບ່ອນ​ມົ້ວ​ສຸມ​ຂອງ​ໄວ​ລຸ້ນຍິງ​-ຊາຍ, ​ເປັນ​ບ່ອນ​ຫລີ້ນ​ກິນ​ຟູມ​ເຟືອຍ, ສົ່ງ​ສຽງ​ເນືອງ​ນັນ, ຄ້າ​ໂສ​ເພນີ, ​ເສບ​ຢາ​ເສບ​ຕິດ,​ ສ້າງ​ເປັນ​ກຸ່ມ​ແກ້ງ​ຂີ່​ລົດ​ແຂ່ງ​ກັນ​ນຳ​ຖະໜົນ​ຫົນທາງ, ກໍ​ຄວາມ​ວຸ້ນວາຍ​ອາ​ລະວາ​ດຕີ​ກັນ, ມີ​ບາງ​ຄັ້ງ​ກໍ​ໃຊ້​ມີດ, ງ້າວ ​ແລະ ອາວຸດ​ປືນ​ ຕໍ່ສູ້​ກັນ ຈົນ​ເຮັດ​ໃຫ້​ມີ​ຜູ້​ໄດ້​ຮັບ​ບາດ​ເຈັບ ​ແລະ ​ເສຍ​ຊີວິດ​ຕາມ​ມາ. ຕໍ່​ກັບ​ສະພາບ​ການດັ່ງ​ກ່າວ ກົມ​ຄຸ້ມ​ຄອງ​ການ​ທ່ອງ​ທ່ຽວ ​ໄດ້​ປະສານກັບ​ພະ​ແນກ ຖວທ ​ແຂວງ, ນະຄອນຫລວງ ​ໃນ​ທົ່ວ​ປະ​ເທດ ລົງ​ເຜີຍ​​​ແຜ່​ກົດໝາຍ​ການທ່ອງທ່ຽວ, ມາດຕະຖານ​ຮ້ານ​ອາຫານ​ສະ​ອາດ-ປອດ​ໄພ ​ແລະ ນິຕິ​ກໍາ​ຕ່າງໆ ​ໃຫ້​ແກ່​ພະນັກງານ ຖວທ ຂັ້ນ​ຕ່າງໆຢູ່​ທ້ອງ​ຖິ່ນ, ສູນ​ກາງ ​ແລະ ຜູ້​ປະກອບ​ການ​​ໄດ້​ຮັບ​ຮູ້ ​ແລະ ​ເຂົ້າ​ໃຈ​ເຖິງ​ຄວາມ​ສຳຄັນ​ຂອງ​ການ​ຄຸ້ມ​ຄອງ-ກວດກາ ​ແລະ ການ​ເຄື່ອນ​ໄຫວ​ທຸລະ​ກິດ​ບໍລິການ​ຂອງ​ຕົນ​ຫລາຍ​ຂຶ້ນ, ພາຍຫລັງ​ມີ​ການ​ລົງ​​ເຜີຍ​ແຜ່​ກົດໝາຍ​ຕ່າງ​ໆ ຜູ້​ປະກອບ​ການ​ທຸລະ​ກິດ​ການບັນ​ເທີ​ງ ສ່ວນ​ຫລາຍ​ໄດ້​ມີ​ສະຕິ​ຕື່ນ​ຕົວ​ທາງ​ດ້ານ​ການ​ເມືອງ,​ ສະຕິ​ເປັນ​ເຈົ້າ​ຂອງ​ປະ​ເທດ​ຊາດ, ປະຕິບັດ​ພັນທະ​ພົນລະ​ເມືອງ​ໄດ້​ເປັນ​ຢ່າງ​ດີ, ປະກອບສ່ວນ​ເສຍ​ພັນທະ​ອາກອນ​ໃຫ້​ແກ່​ລັດ​ຢ່າງ​ຫລວງຫລາຍ, ຊ່ວ​ຍ​ເຫລືອ​ສັງຄົມ​ດ້ວຍ​ຄວາມ​ຈິງ​ໃຈ, ມີ​ຄວາມ​ເສຍສະຫລະ​ທຸ້ມ​ເທ​ເງິນ​ຄຳ​ ຢ່າງ​ມະຫາສານ​ເຂົ້າ​ໃນ​ການ​ກໍ່ສ້າງ, ສ້ອມ​ແປງ, ປັບປຸງ​ສະຖານ​ທີ່​ບັນ​ເທີ​ງ, ຮ້ານ​ອາຫານ, ກິນ​ດື່ມ​ໃຫ້​ຖືກ​ຕ້ອງຕາ​ມກົດໝາຍ, ດຳ​ເນີນ​ການ​ເຄື່ອນ​ໄຫວ​ທຸລະ​ກິດ​ການບັນ​ເທີ​ງ ​ໃນ​ຮູບ​ແບບ​ຕ່າງ​ໆ​ບົນ​ພື້ນຖານ​ການ​ຊີ້​ນຳ-ນຳພາ, ຕາມ​ຂອບ​ເຂດ​ທີ່​ໄດ້​ຮັບ​ອະນຸຍາດ ​ແນ​ໃສ່​ການ​ບໍລິການ​ສັງຄົມ ພ້ອມ​ທັງ​ເປັນ​ຕົວ​ແທນ ​ໃນ​ການ​​ເຜີຍ​ແຜ່​ສິລະ​ປະ​ວັນນະຄະດີ, ວັດທະນະທຳ​ຮີດຄອງ​ປະ​ເພນີ​ລາວ, ​ໂຄສະ​ນາ​ການທ່ອງທ່ຽວ ​ແລະ ສ້າງ​ຄວາມ​ເບີກບານ​ມ່ວນ​ຊື່ນ ​ໃຫ້​ຜູ້​ທີ່​ເຂົ້າ​ມາ​ຊົມ​ໃຊ້​ບໍລິການ​ແກ່​​ແຂກ​ຄົນ​ທັງ​ພາຍ​ໃນ ​ແລະ ຕ່າງປະ​ເທດ​ໄດ້​​ເປັນ​ຢ່າງ​ດີ, ສ່ວນ​ບັນຫາ​ມີ​ຮ້ານ​ສາວ​ບໍລິການ​ທາງ​ເພດ​​ເກີດ​ຂຶ້ນ​ຢ່າງ​ແຜ່​ຫລາຍ​ນັ້ນ, ທ່າ​ນລັດຖະມົນຕີ​ວ່າການ​ກະຊວງ ຖວທ ​ກ່າວ​ວ່າ: ​ມີຜູ້​ປະກອບ​ການ​ທຸລະກິດ​ຈຳນວນ​ໜຶ່ງ ສວຍ​ໃຊ້​ສາວ​ບໍລິການ​ເພື່ອ​ດຶງ​ດູດ​ລູກ​ຄ້າ​ເຂົ້າ​ມາ​ໃຊ້​ບໍລິ​ການ​ ​ເພື່ອ​ຫວັງ​ຜົນ​ກຳ​ໄລ​ທາງ​ດ້ານ​ການ​ຄ້າ​ພຽງ​ຢ່າງ​ດຽວ, ​ແຕ່​ບໍ່​ໄດ້​ຄຳນຶງ​ເຖິງ​ວັດທະນະທຳ, ຮີດຄອງ​ປະ​ເພນີ ​ແລະ ລະບຽບກົດໝາຍ​ບ້ານ​ເມືອງ​​ ​ແລະ ການ​ປະຕິບັດ​ 5 ຂໍ້​ຫ້າມ​ໃນ​ສະຖານ​ທີ່​ການບັນ​ເທີ​ງ​ ແມ່ນ​ຍັງ​ບໍ່​ທັນ​ເຮັດ​ໄດ້​ດີ​ເທົ່າ​ທີ່​ຄວນ ​ໂດຍ​ສະ​ເພາະ​ແມ່ນ​ການ​ປະຕິບັດ​ໂມ​ງ​ເວລາ​ໃຫ້​ບໍລິການ ​ແລະ ການ​ສົ່ງ​ສຽງ​ລົບ​ກວນ​ສັງຄົມ​ອ້ອມ​ຂ້າງ ​​ເຮັດ​ໃຫ້​ປະຊາຊົນ ​ແລະ ສັງຄົມ​ທີ່​ພົບ​ເຫັນ​ຕຳ​ນິວິຈານ​​ເປັນ​ຈຳນວນ​ຫລາຍ, ຊຶ່ງ​ເປັນສາ​ເຫດ​ເຮັດ​ໃຫ້​ເກີດ​ປະກົດ​ການ​ຫຍໍ້​ທໍ້​ໃນ​ສັງຄົມ.

ຕໍ່​ກັບ​ສະພາບ​ການ​ດັ່ງກ່າວ ຄະນະ​ພັກ, ອຳນາດ​ການ​ປົກຄອງ​ຂັ້ນ​ສູງ​ກາງ ​ແລະ ທ້ອງ​ຖິ່ນ ຕະຫລອດ​ຮອດ​ເຈົ້າ​ໜ້າ​ທີ່​ກ່ຽວຂ້ອງ​ທຸກ​ພາກສ່ວນ​ໃນ​ທົ່ວ​ປະ​ເທດ ​ໄດ້​ປະສານ​ສົມທົບ​ກັນ​ເປັນ​ຢ່າງ​ດີ ​ເພື່ອ​ເອົາ​ໃຈ​ໃສ່​​ຄຸ້ມ​ຄອງ​ທຸລະ​ກິດ​ການ​ບັນ​ເທີ​ງ ​ໃຫ້​ເຄື່ອນ​ໄຫວ​ບໍລິການ​ຖືກຕ້ອງ​ຕາມ​ກົດໝາຍ ​ແລະ ລະບຽບ​ການ​ທີ່ກຳນົດ​ໄວ້, ມອບ​ໃຫ້​ພະ​ແນ​ກ ຖວທ ​ແຂວງ, ນະຄອນຫລວງ ​ແລະ ຫ້ອງການ ຖວທ ​ເມືອງ ​ເປັນ​ຜູ້​ອະນຸຍາດການ​ດຳ​ເນີນ​ທຸລະ​ກິດ, ຕິດຕາມ, ກວດກາ ​ແລະ ຄຸ້ມຄອງ​ການ​ເຄື່ອນ​ໄຫວ​ທຸລະ​ກິດ​ຮ້ານ​ອາ​ຫານ, ສວນ​ອາຫານ, ຮ້ານ​ກິນ​ດື່ມ​ສະຖານ​ທີ່​ບັນ​ເທີ​ງ ​ແລະ ບັນຫາ​ສາວ​ບໍລິການ​ຕ່າງໆ​ໃຫ້​ຖືກຕ້ອງ​ຕາມ​ກົດໝາຍ​ວາງ​ອອກ​ຢ່າງ​ເຂັ້ມ​ງວດ, ບາງ​ຄັ້ງ​ກໍ​ມີ​ຜູ້​ປະກອບ​ການ​ຈຳນວນ​ໜຶ່ງ​ຝ່າຝືນ ຈຳ​ຕ້ອງ​ໄດ້​ມີ​ການ​ສຶກສາ​ອົບຮົມ, ຕັກ​​ເຕືອນ, ​ເຮັດ​ບົດ​ບັນ​ທຶກ, ປັບ​​ໃໝ, ຖອນ​ໃບ​ອະນຸຍາດ ​ແລະ ສັ່ງ​ປິດ​ຊົ່ວຄາວ​ຕາມ​ກໍລະນີ​ໜັກ-​ເບົາ, ຖ້າ​ຮ້າຍ​ແຮງ​ ແມ່ນ​​ໄດ້​ມີ​ການ​ນຳ​ສົ່ງ​ໄປ​ ຕາມ​ຂະ​ບວນການ​ຍຸຕິ​ທຳ ​ແລະ ອື່ນໆນຳ​ອີກ.

ໃນ​ຕໍ່ໜ້າ​ນີ້ ກະຊວງ ຖວທ ​ແລະ ພາກສ່ວນ​ກ່ຽວຂ້ອງ ຈະ​ສືບ​ຕໍ່​ປັບປຸງ ​ແລະ ສ້າງ​ບັນດານິຕິ​ກຳ ​ເພື່ອ​ເປັນ​ບ່ອນ​ອີງ​ໃນ​ການ​ຄຸ້ມ​ຄອງ​ກວດກາ, ຕິດຕາມ​ໃຫ້​ຮັດກຸມ​ ​ແລະ ມີ​ປະສິດ​ຕິ​ຜົນ​ດີ​ຂຶ້ນ​ກວ່າ​ເກົ່າ, ​ເພີ່ມ​ທະວີ​ການ​ຕິດຕາມ, ກວດກາ​ເຄື່ອນ​ໄວ​ຂອງ​ຫົວໜ່ວຍ​ທຸລະ​ກິດ​ຮ້ານ​ອາຫານ, ຮ້ານ​ກິນ​ດື່ມ ​ແລະ ສະຖານ​ທີ່​ບັນ​ເທີ​ງທຸກ​ປະ​ເພດ​ຢ່າງ​ເຂັ້ມ​ງວດກວ່າ​ເກົ່າ ​ເພື່ອ​​ແກ້​ໄຂ​ບັນຫາ​ໃຫ້​ຖືກຕ້ອງ​ ​ແລະ ທ່ວງທັນ​ເວລາ, ພ້ອມ​ນີ້ ຍັງຮຽກຮ້ອງ​ໃຫ້​ຜູ້​ປະກອບ​ການ​ປະກອບ​ເອກະສານ​ໃຫ້​ຄົບ​ຖ້ວນ ​ເພື່ອ​ດຳ​ເນີນ​ທຸລະ​ກິດ​ຂອງ​ຕົນ​ຢ່າງ​ຖືກຕ້ອງ​ຕາມ​ກົດໝາຍ, ປະຕິບັດ​ເວລາ​​​ປິດ​ການບໍລິການ​ຄື: ບໍ່​ໃຫ້​ກາຍ 24:30 ​ໂມງ ​ເພື່ອ​ຄວາມ​ເປັນ​ລະບຽບ​ຮຽບຮ້ອຍ​ຂອງ​ສັງຄົມ ຖ້າ​ຫາກ​ມີ​ການ​ຝ່າຝືນ ຈະ​ໄດ້​ສັ່ງ​ປິດ ຫລື ຖອນ​ໃບ​ອະນຸຍາດ​ຕາມ​ລະບຽບ​ການ​ຢ່າງ​ເຂັ້ມ​ງວດກວ່າ​ເກົ່າ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...