ພິທີ​ເປີດ​ຢ່າງ​ເປັນ​ທາງ​ການ ກ່ຽວ​ກັບ​ການ​ຮ່ວມ​ມື​ດ້ານ​ການ​ເຝິກອົບຮົມ ໃຫ້​ແກ່​ຜູ້​ບໍລິຫານ​ຄູ-ອາຈານ ສາຍ​ອາຊີວະ​ສຶກ​ສາ​ຂອງ ​ສປປ ລາວ ລະຫວ່າງ​ກະຊວງ​ສຶກ​ສາ​ທິ​ການ ແລະ ກີລາ​ແຫ່ງ ​ສປປ ລາວ ແລະ ມູນ​ນິທິ TEMASEK & ITEES ແຫ່ງ​ສິງກະໂປ ໂດຍ​ມີ​ທ່ານ ​ດຣ. ກອງ​ສີ ແສງ​ມະນີ ລັດຖະມົນຕີ​ຊ່ວຍ​ວ່າການ ກະຊວງ​ສຶກ​ສາ​ທິ​ການ ແລະ ກີລາ ພ້ອມ​ນີ້ ທ່ານ​ຜູ້ຕາງໜ້າ​ຈາກ​ສະຖານທູດ​ສິງກະໂປ ປະຈຳ​ລາວ ຈາກ​ມູນ​ນິ​ທີ ແຂກ​ຖືກ​ເຊີນ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ເປົ້າ​ໝາຍ​ໃນ​ການ​ຮ່ວມ​ມື ເປັນ​ການ​ຍົກ​ລະດັບ​ທາງ​ດ້ານ​ວິຊາ​ການ​ໃຫ້​ແກ່​ຜູ້​ບໍລິຫານ ພະນັກງານ​ຄູ-ອາຈານ​ສາຍ​ອາຊີວະ​ສຶກ​ສາ​ຂອງ​ລາວ ເພື່ອ​ພ້ອມ​ກັນ​ພັດທະນາ​ທາງ​ດ້ານ​ວິຊາ​ຄວາມ​ຮູ້ ທາງ​ດ້ານ​ອາຊີວະ​ສຶກ​ສາ​ຢູ່ ​ສປປ ລາວ ໂດຍ​ສະເພາະ​ໃນ​ການ​ກຽມ​ຄວາມ​ພ້ອມ​ໃນ​ທຸກ​ດ້ານ ໃນ​ການ​ກ້າວ​ສູ່​ປະຊາ​ຄົມ​ອາ​ຊຽນ ໃນ​ປີ 2015 ທີ່​ຈະ​ມາ​ເຖິງ​ນີ້.

ພິທີ​ເປີດ​ການ​ຮ່ວມ​ມື​ຢ່າງ​ເປັນ​ທາງ​ການ ໄດ້​ຈັດ​ຂຶ້ນ​ໃນ​ວັນ​ທີ 16 ມັງກອນ 2013 ທີ່​ຫ້ອງ​ປະຊຸມ​ຂອງ​ສະ​ຖາ​ບັນ​ພັດທະນາ​ອາຊີວະ​ສຶກ​ສາ ກະຊວງ​ສຶກ​ສາ​ທິ​ການ ແລະ ກີລາ.

ທີ່ມາ http://www.vientianemai.net/teen/khao/1/11008