ທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປ ລາວ ໄດ້ຕ້ອນຮັບທ່ານ ພົນເອກ ປຣະວິດ ວົງສຸວັນ ຮອງນາຍົກລັດຖະມົນຕີ ລັດຖະມົນຕີວ່າການກະຊວງກະລາ ໂຫມ ແຫ່ງຣາຊະອານາຈັກໄທ ພ້ອມຄະນະເຂົ້າຢ້ຽມຄຳນັບ ໃນຕອນແລງວັນທີ 17 ທັນວາ ນີ້ທີ່ຫ້ອງວ່າການລັດຖະບານ ໃນໂອກາດ ເດີນທາງມາຢ້ຽມຢາມ ສປປ ລາວຢ່າງ ເປັນທາງການໃນ ລະ ຫວ່າງວັນທີ 14-18 ທັນວາ ນີ້.
ທ່ານນາຍົກລັດຖະມົນຕີ ໄດ້ສະແດງຄວາມຕ້ອນຮັບ ແລະ ຊົມເຊີຍຕໍ່ທ່ານພົນເອກ ປຣະວິດ ວົງສຸວັນ ພ້ອມຄະນະ ທີ່ໄດ້ເດີນທາງມາຢ້ຽມຢາມ ລາວໃນຄັ້ງນີ້ ເພື່ອເປັນ ການປະກອບສ່ວນເຂົ້າໃນການພົວ ພັນຮ່ວມມືທີ່ດີລະຫວ່າງສອງ ປະເທດ ລາວ-ໄທ ເວົ້າລວມ ເວົ້າສະເພາະກະຊວງປ້ອງກັນ ປະເທດແຫ່ງ ສປປ ລາວ ແລະ ກະຊວງ ກະລາໂຫມແຫ່ງຣາ ຊະອານາຈັກໄທ ໃຫ້ນັບມື້ແໜ້ນແຟ້ນຍິ່ງ ຂຶ້ນທ່ານພົນເອກ ປຣະວິດ ວົງສຸວັນ ຕາງໜ້າຄະນະໄດ້ກ່າວສະແດງຄວາມຂອບ ໃຈຕໍ່ການຕ້ອນຮັບຂອງທ່ານ ນາຍົກລັດຖະມົນຕີ ພ້ອມທັງ ໄດ້ແຈ້ງຈຸດປະສົງຂອງການ ຢ້ຽມຢາມລາວໃນຄັ້ງນີ້ໃຫ້ ທ່ານນາຍົກລັດຖະມົນຕີໄດ້ຮັບຊາບ, ໃນການຢ້ຽມຢາມ ຄັ້ງນີ້ຄະນະຜູ້ແທນສອງຝ່າຍ ຍັງໄດ້ຮ່ວມເຊັນບົດບັນທຶກ ການຮ່ວມມືສອງຝ່າຍປະຈຳປີ ຕື່ມອີກ.
ແຫລ່ງຂ່າວ:
