spot_img
Home​ຂ່າວທ່ອງທ່ຽວທ່ຽວຊົມບ້ານບຸນພຽງ ຊົນເຜົ່າລາວກໍ່ ອາຄາພູໂຊ.

ທ່ຽວຊົມບ້ານບຸນພຽງ ຊົນເຜົ່າລາວກໍ່ ອາຄາພູໂຊ.

Published on

2ik

ບ້ານບຸນພຽງ ຂຶ້ນກັບເມືອງບຸນເໜືອ, ຫ່າງໄກຈາກເທສະບານແຂວງຜົ້ງສາລີໄປທາງທິດໄຕ້ປະມານ 52 ກິໂລແມັດ, ເປັນບ້ານຊົນເຜົ່າລາວກໍ່ (ອາຄາພູໂຊ) ເຊິ່ງຕັ້ງຢູ່ເທິງພູສູງທີ່ອ້ອມລ້ອມໄປດ້ວຍທຳມະຊາດ ພູຜາປ່າໄມ້ ທີ່ສວຍ ສົດ ງົດງາມ, ທິວທັດທຳມະຊາດໃນເຂດນີ້ໜ້າຢູ່ໜ້າຊົມເຊິ່ງມີສາຍລົມເຢັນໄດ້ພັດໂຊຍມາຈາກສັນພູຢ່າງບໍ່ຂາດສາຍ, ເວລາເຮົາແນມໄປອ້ອມຮອບບໍລິເວນຂອງບ້ານດັ່ງກ່າວກໍ ຈະເຫັນສາຍພູເປັນຖັ້ນເປັນ ແຖວທີ່ປົກຄຸມໄປດ້ວຍ ປ່າໄມ້ທີ່ ຂຽວງາມອຸ່ມທຸ່ມເຮັດໃຫ້ອາກາດຢູ່ເຂດນີ້ຊຸ່ມເຢັນດີ, ມີບັນຍາກາດເບີກບານມ່ວນຊື່ນ ແລະ ເຮັດໃຫ້ຈິດໃຈລື້ນເລີງສຳລານໄປກັບທຳມະຊາດແຫ່ງນີ້ຢ່າງບໍ່ມີວັນຈະຫລົງລືມໄດ້ ແລະ ເຫັນວ່າເຂດບ້ານບຸນພຽງນີ້ເປັນ ແຫລ່ງທ່ອງ ທ່ຽວ ອີກແຫ່ງໜຶ່ງທີ່ໜ້າສົນໃຈທີ່ສຸດ, ສ່ວນປະຊາຊົນເຂດນີ້ດຳລົງຊີວິດຢູ່ກັບທຳມະຊາດ, ປຸກເຮືອນ ແລະ ປຸກຕູບຢູ່ແບບປະຖົມປະຖານທີ່ມຸງ ແລະ ແອ້ມດ້ວຍຫຍ້າຄາ ເປັນສ່ວນໃຫຍ່ ໂດຍຫາກິນດ້ວຍການເຮັດໄຮ່, ເຮັດນາ, ປູກພືດຜັກ ແລະ ລ້ຽງສັດເປັນຫລັກ. ນອກຈາກນັ້ນ, ຍັງໄດ້ຖືເອົາການຫຍິບປັກຖັກແສ່ວເປັນອາຊີບເສີມອີກດ້ວຍ.
ປະຊາຊົນບ້ານບຸນພຽງ ໄດ້ມີຮີດຄອງປະເພນີ, ຄວາມເຊື່ອຖື, ວິຖີການດຳລົງຊີວິດ ແລະ ວັດທະນະທຳການ ແຕ່ງກາຍ ທີ່ເປັນ ເອກະລັກ ແລະ ມີສະເໜ່ໜ້າຮັກໄປອີກແບບໜຶ່ງ ເຊິ່ງສາມາດດຶງດູດຈິດໃຈຂອງນັກທ່ອງ ທ່ຽວທັງ ພາຍໃນ ແລະ ຕ່າງປະເທດໄດ້ເຂົ້າມາທ່ຽວຊົມຢ່າງຫລວງຫລາຍ. ຖ້າທ່ານໃດຫາກໄດ້ໄປແຂວງຜົ້ງສາລີ ກໍຢ່າລືມໄປທ່ຽວຊົມ ໄດ້ເຂດ ບ້ານບຸນພຽງຢູ່ເທິງພູສູງ ເພື່ອຈະໄດ້ສຶກສາ ແລະ ຮັບຮູ້ເຖິງວິຖີຊີວິດ, ນັບທັງຮີດຄອງປະເພ ນີການແຕ່ງກາຍທີ່ປະດັບດ້ວຍເຄື່ອງນຸ່ງທີ່ຫຍິບປັກຖັກແສ່ວ ມີລວດລາຍຫລາຍສີສັນພ້ອມທັງ ຮັບຟັງສຳນຽງສຽງ ພາສາປາກ ເວົ້າຂອງ ຊົນເຜົ່າລາວກໍ່ (ອາຄາພູໂຊ) ທີ່ເປັນເອກະລັກມາແຕ່ດຶກດຳບັນ.

ບ້ານບຸນພຽງເປັນເຂດຕັ້ງ          ເທິງພູສູງທີ່ງາມເດັ່ນ

ບໍລິເວນຖືກຫໍ່ຫຸ້ມ            ປົກຄຸມດ້ວຍປ່າໜາ

ພຶກສາຊາດປ່າໄມ້            ດົງຫລວງກວ້າງໃຫຍ່

ທຳມະຊາດສ້າງໄວ້           ໃຫ້ເຮົາໄດ້ທ່ຽວຊົມ  ທ່ານເອີຍ.

ສົມພະໄທເຫລືອລົ້ນ          ໄປຊົມທິວບ້ານຊົນເຜົ່າ

ພູເຂົາສູງຍາວຢຽດ           ອ້ອມເປັນຫລາຍຖັ້ນຖີ່ແຖວ

ຍິນສຽງແຊວໆຮ້ອງ           ກາເວົາວອນເອີ້ນຫາຄູ່

ຝຸງໝູ່ນົກໃຫຍ່ນ້ອຍ          ບິນເຈີ້ຍເຂົ້າສູ່ຮັງ ອອນຊອນເດ.

 

ທີ່ມາ

ຂປລ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...