ຂປລ. ບໍລິສັດວິວມໍ ຈຳກັດ ແຫ່ງປະເທດໄທ ໄດ້ເປີດສູນການຄ້າຄົບວົງຈອນ “ລິມປິງຊຸບເປີມາເກັດ’’ ຢູ່ນະຄອນຫລວງວຽງຈັນ ໃນວັນທີ 12 ທັນວາ2015 ໂດຍການເປັນກຽດເຂົ້າຮ່ວມຂອງທ່ານ ນາງ ເຂັມມະນີ ພົນເສນາ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ, ທ່ານ ເອກອັກຄະຣາຊະທູດໄທ ປະຈຳ ລາວ ພ້ອມແຂກຖືກເຊີນເຂົ້າຮ່ວມ.
ລິມປິງຊຸບເປີມາເກັດ ຢູ່ຄູ່ກັບແຂວງຊຽງໃໝ່ ປະເທດໄທ, ໄດ້ຂະຫຍາຍຕະຫລາດມາສູ່ຕ່າງປະເທດ ກໍຄື ນະຄອນຫລວງວຽງຈັນ ສປປ ລາວ ເປັນສາຂາທຳອິດໃນຕ່າງປະເທດ ເຊິ່ງຕັ້ງຢູ່ຖະໜົນ 13 ໃຕ້ ບ້ານພະຂາວ ເມືອງໄຊທານີ ນະຄອນຫລວງວຽງຈັນ, ເປີດບໍລິການທຸກໆມື້ ເລີ່ມແຕ່ເວລາ 9:00 ໂມງ ຫາ 21:00 ໂມງ, ມີສິນຄ້າຫລາຍກວ່າ 20 ພັນລາຍການເປັນຕົ້ນ ເຄື່ອງອຸປະໂພກ, ບໍລິໂພກ, ເຄື່ອງກິນດື່ມ, ເຄື່ອງໃຊ້ໄຟຟ້າ, ເຄື່ອງໃຊ້ອີເລັກໂຕນິກ ແລະ ອື່ນໆ.
ລິມປິງຊຸບເປີມາກເກັດ ເປັນຮ້ານສະດວກຊື້ ເນັ້ນຈຳໜ່າຍສິນຄ້າຄຸນນະພາບ ພ້ອມການໃຫ້ບໍລິການທີ່ດີ ລວມທັງ ການເອົາໃຈໃສ່ໃນການພັດທະນາສິນຄ້າ ໃນທ້ອງຖິ່ນໃຫ້ມີຄຸນນະພາບ ເພື່ອສ້າງໂອກາດໃຫ້ສິນຄ້າທ້ອງຖິ່ນໄດ້ເຂົ້າເຖິງກຸ່ມລູກຄ້າ ແລະ ຕະຫລາດສາກົນ. ນອກນັ້ນ, ລິມປິງຊຸບເປີມາກເກັດ ຍັງເປັນສ່ວນໜຶ່ງໃນການ ອຳນວຍຄວາມສະດວກ ໃນການຊື້-ຂາຍ ສິນຄ້າພາຍໃນ ແລະ ສາກົນ ພ້ອມນັ້ນ ຍັງຈະຮ່ວມພັດທະນາຜະລິດຕະພັນທ້ອງຖິ່ນ ໃນ ສປປ ລາວ ໂດຍຜ່ານໂຄງການ Local Talent ເພື່ອພັກດັນໃຫ້ສິນຄ້າທ້ອງຖິ່ນ ກ້າວສູ່ຕະຫລາດ ຢ່າງມີຄຸນະພາບ ແລະ ຍືນຍົງ.
ແຫລ່ງຂ່າວ:
