ຂປລ. ຂ່າວຕ່າງ ປະເທດ, ວັນທີ 11 ທັນວາ 2015, ອ້າງຕາມ ບົດລາຍງານ ຂອງ ອົງການ ບັນດາ ປະເທດ ສົ່ງອອກ ນ້ຳມັນ (OPEC) ປະກາດວ່າ ໃນເດືອນ ພະຈິກ ຜ່ານມາ, ປະລິມານ ນ້ຳມັນ ເຊື້ອໄຟ ຂອງ ອົງການນີ້ ໄດ້ເພີ່ມ 230.100 ບາເຣນ / ວັນ ຂຶ້ນເປັນ 31,7 ລ້ານບາເຣນ/ວັນ, ເຊິ່ງເປັນ ລະດັບ ສູງສຸດ ໃນຮອບ 7 ປີ ແລະ ລື່ນກາຍ ລະດັບ ເພດານ ກຳນົດໄວ້ 30 ລ້ານ ບາເຣນ/ວັນ. ຂະນະດຽວກັນນັ້ນ, ຄວາມຕ້ອງການ ນ້ຳມັນ ໃນປີ ໜ້າ ຄາດວ່າ ຈະຂຶ້ນກັບ ຈັງຫວະ ການຈະເລີນ ເຕີບໃຫຍ່ ຂອງ ເສດຖະກິດ, ການປ່ຽນແປງ ຂອງ ລາຄາ ນ້ຳມັນ ກໍຄື ບັນດາ ເງື່ອນໄຂ ດ້ານສະພາບ ດິນຟ້າ ອາກາດ ແລະ ການປ່ຽນແປງ ນະໂຍບາຍ ກ່ຽວກັບ ພະລັງງານ.
ອົງການ ພະລັງງານ ສາກົນ (IEA), ລາຍຮັບ ແຕ່ລະປີ ຂອງ OPEC ອາດຈະ ຫລຸດລົງ ເຫລືອ 550 ຕື້ໂດລາ ສະຫະລັດ, ຈາກລະດັບ ສະເລ່ຍ 1.000 ຕື້ ໂດລາ ສະຫະລັດ ໃນໄລຍະ 5 ຜ່ານມາ. ພາຍຫລັງ OPEC ປະກາດ ປະລິມານ ການຂຸດຄົ້ນ ນ້ຳມັນ ເພີ່ມຂຶ້ນ ເຮັດໃຫ້ ລາຄາ ນ້ຳມັນ ໃນຕະຫລາດ ອາຊີ ຫລຸດລົງ ລະດັບ ຕ່ຳສຸດ ເມື່ອທຽບໃສ່ ໃນຊຸມປີ ຜ່ານມາ./.
ແຫ່ລງຂ່າວ
