ສຳນັກຂ່າວຕ່າງປະເທດລາຍງານວ່າ ເມື່ອບໍ່ດົນມານີ້ທີ່ເມືອງ Zunyi ແຂວງ Guizhou ປະເທດຈີນ ມີຄູ່ຮັກຊາວຈີນໄດ້ຈັດງານດອງ ທີ່ໄດ້ປ່ຽນຈາກງານດອງແບບທຳມະດາກາຍເປັນເວທີມວຍປໍ້າ ແບບຈັດເຕັມຈົນເຮັດໃຫ້ເເຂກໃນງານທັງຫົວ ແລະ ລຸ້ນໄປພ້ອມກັນ.
ງານດອງທີ່ຈັດຂຶ້ນທີ່ເປັນຂອງຄູ່ຮັກຊາວຈີນທີ່ເຈົ້າບ່າວເຮັດອາຊີບເປັນນັກມວຍປໍ້າມື້ອາຊີບ ສ່ວນເຈົ້າສາວເຮັດວຽກເປັນພະນັກງານໂຮງແຮມ ໂດຍເຈົ້າບ່າວເປັນຜູ້ຄິດໄອເດຍການສ້າງສະໜາມມວຍຂຶ້ນມາໃນງານແຕ່ງໂດຍມີຂໍ້ຕົກລົງວ່າຜູ້ທີ່ເສຍຈະຕ້ອງເຮັດວຍກເຮືອນທັງໝົດໂດຍຫ້າມມີຂໍ້ໂຕ້ຖຽງ
ພາຍໃນສະໜາມມວຍທີ່ຈັດຂຶ້ນ ທັງ 2 ຄົນ ກໍເປີດເສິກກາງເວທີແບບມວຍປ້ຳຂອງແທ້ ທັງທ່າຈັບລັອກ, ທ່າທຸ້ມ… ຈັດເຕັມຄືເບິ່ງມວຍປໍ້າ WWE ເລີຍ ແລະ ແນ່ນອນວ່າທຸກຢ່າງແມ່ນຖືກຊ້ອມ ແລະ ວາງສະຄິບໄວ້ໝົດແລ້ວ.
ແລະ ຜົນສຸດທ້າຍ ເຈົ້າບ່າວເປັນຝ່າຍເສຍ ໂດຍຖືກຝ່າຍເຈົ້າສາວຈັບທຸ້ມລົວໆ ທ່າມກາງສຽງເຊຍຂອງແຂກໃນງານ ເໝືອນປະກາດກາງງານວ່າ ຂ້ອຍຢ້ານເມຍ ແບບໜ້າຮັກໆ.
ເຈົ້າບ່າວຍັງໃຫ້ສຳພາດອີກວ່າ ທຸກຢ່າງຜ່ານການຊ້ອມມາຢ່າງດີ ແລະ ເວົ້າຕິດຕະຫຼົກຕື່ມອີກວ່າ ແນ່ນອນວ່າຂ້ອຍຕ້ອງແພ້ເສຍໃນຕອນຈົບ ເພາະຂ້ອຍຈະບໍ່ຍອມໃຫ້ເຈົ້າສາວຕ້ອງເຮັດວຽກເຮືອນແນ່ນອນ.
ຖືວ່າເປັນໄອເດຍຈັດງານແຕ່ງດອງທີ່ທັງສ້າງສັນອົບອຸ່ນ ແລະ ສະທ້ອນຄວາມສຳພັນຂອງທັງຄູ່ໄດ້ດີຫຼາຍແທ້ໆ ຂໍສະແດງຄວາມຍິນດີນໍາ.
ແຫຼ່ງຂໍ້ມູນ: mgronline