ຂປລ. ອ້າງຕາມ ແຫລ່ງຂ່າວ ຣອຍເຕີ, ໃນວັນທີ 12 ທັນວາ, ທ່ານ ມີເຊວ ຊາປິນ ລັດຖະມົນຕີ ວ່າການ ກະຊວງ ການເງິນ ຂອງຝຣັ່ງ ໃຫ້ຮູ້ວ່າ ກູບາ ໄດ້ບັນລຸ ຂໍ້ຕົກລົງ ກັບ ບັນດາ ເຈົ້າໜີ້ ຢູ່ສະໂມສອນ ປາຣີ, ຕາມນັ້ນ ກູບາ ຈະບໍ່ຕ້ອງຈ່າຍ ຄ່າທຳນຽມ ກ່ຽວກັບ ການຊຳລະໜີ້ ລ່າຊ້າ 4 ຕື້ໂດລາ ສະຫະລັດ ແຕ່ກູບາ ຈະຕ້ອງຊຳລະ ບ້ວງໜີ້ 2,6 ຕື້ໂດລາ ສະຫະລັດ ໃນໄລຍະ 18 ປີ.
ທ່ານ ຊາປິນ ກ່າວວ່າ ຂໍ້ຕົກລົງນີ້ ໄດ້ເປີດ ສັງກາດ ຄັ້ງໃໝ່ ໃນການພົວພັນ ຮ່ວມມື ລະຫວ່າງ ກູບາ ແລະ ປະຊາຄົມ ການເງິນ ສາກົນ. ບ້ວງຕົ້ນໜີ້ 470 ລ້ານໂດລາ ສະຫະລັດ ທ່ີກູບາ ຍັງຕິດໜີ້ ຝຣັ່ງ, ກູບາ ຈະສົ່ງຄືນ ໃຫ້ຝຣັ່ງ 240 ລ້ານໂດລາ ສະຫະລັດ, ສ່ວນທ່ີ ຍັງເຫລືອ ຈະສົ່ງຄືນ ຜ່ານຮູບແບບ ໂຄງການ ພັດທະນາ ໃຫ້ກູບາ.
ແຫລ່ງຂ່າວ:
