ສຳນັກຂ່າວຕ່າງປະເທດ ລາຍງານໃນວັນທີ 14 ທັນວາ ຜ່ານມານີ້ວ່າ ໃນມື້ວານນີ້ (13 ທັນວາ) ເກີດເຫດລະເບີດ ໃຈກາງຕະຫລາດແຫ່ງໜຶ່ງ ທີ່ເມືອງປາຣາຊິນາ ທາງຕາເວັນອອກສຽງເໜືອ ປະເທດປາກີສະຖານ ຊຶ່ງເປັນເຂດພື້ນທີ່ຊົນເຜົ່າ ໃກ້ກັບຊາຍແດນອັບການິສະຖານ ຊຶ່ງແຮງລະເບີດ ໄດ້ສົ່ງຜົນເຮັດໃຫ້ ມີຜູ່ເສຍຊີວິດຢ່າງໜ້ອຍ 25 ຄົນ ແລະ ບາດເຈັບອີກ ບໍ່ຕ່ຳກ່ວາ 45 ຄົນ ຊຶ່ງສ່ວນໃຫຍ່ ແມ່ນເປັນຊາວມຸດສະລິມ ນິກາຍຊີອະ.

ທັງນີ້ ພາຍຫລັງເກີດເຫດ ກຸ່ມຕິດອາວຸດ Lashkar-e-Jhangvi ຊຶ່ງເປັນເຄືອຂ່າຍຂອງ ກຸ່ມລັດອິດສະລາມ ຫລື ໄອເອັສ ໄດ້ອອກມາອ້າງວ່າ ເປັນຜູ່ຢູ່ເບື້ອງຫລັງ ການກໍ່ເຫດລະເບີດ ໃນຄັ້ງນີ້.