ບານເຕະ ລາ ລີກາ ແອດສະປາຍ ຄູ່ອັດທ້າຍມື້ວານນີ້ ເຮືອດຳນ້ຳສີເຫລືອງ ບີຍາຣີລ ເປີດສະໜາມ ເອລ ມາດຣິກັນ ຮັບການມາເຢືອນຂອງ ຣາຊັນຊຸດຂາວ ເຣອັລ ມາດຣິດ ໂດຍນັດນີ້ ເຈົ້າຖີ່ນ ບໍ່ຢ້ານຊຸດຂາວ ເປີດເກມບຸກເຂົ້າໃສ່ ແລະ ເປັນຝ່າຍຂຶ້ນນຳກ່ອນ 1-0 ຈາກການຍິງຂອງ ໂຣແບລ໌ໂຕ້ ໂຊລດາໂດ້ ຕັ້ງແຕ່ນາທີທີ 9 ແລະ ເປັນປະຕູດຽວທີ່ເກິດຂື້ນໃນເຄີ່ງເວລາທຳອິດ

ເຄີ່ງເວລາທີ 2 ເຣອັລ ມາດຣິດ ເປີດເກມບຸກຢ່າງໜັກຫວັງຕີສະເໝີໃຫ້ໄດ້ ແຕ່ສຸດທ້າຍເຮັດບໍ່ສຳເລັດ ຈົບເກມ ບີຍາຣີລ ຊະນະ 1-0 ເກັບເພີ່ມເປັນ 27 ຄະແນນຈາກ 15 ນັດ ຢູ່ອັນດັບ 5 ສ່ວນ ເຣອັລ ມາດຣິດ ເສຍເປັນເກມທີ່ 3 ໃນການລົງຫຼີ້ນ 15 ນັດ ມີ 30 ຄະແນນ ຢູ່ອັນດັບ 3 ຂອງຕາຕະລາງ ຕາມຫລັງ ບາເຊໂລນາ ທີມຈ່າຝູງ ແລະ ແອດມາດຣິດ ຮອງຈ່າຝູງທີ່ມີ 35 ຄະແນນເທົ່າກັນ