ສຳນັກຂ່າວຕ່າງປະເທດ ລາຍງານໃນວັນທີ 5 ທັນວາຜ່ານມານີ້ວ່າ ໄອຍະການແບນຊິກ ໄດ້ເປີດເຜີຍ ຕຳຫລວດສາມາດຈັບກຸມ ຜູ່ຖືກສົງໄສ ໃນຄະດີທີ່ກ່ຽວຂ້ອງ ກັບການກໍ່ເຫດ ໂຈມຕີປາຣີ ປະເທດຝຣັ່ງເສດ ໄດ້ເພີ່ມອີກ 2 ຄົນ ຊື່ ທ້າວ ຊາມີ ຊີ ຊາວຝຣັ່ງ ອາຍຸ 20 ປີ ສ່ວນອີກຄົນໜຶ່ງຊື່ ທ້າວ ປີແອ ເອັນ ຊາວແບນຊິກ ອາຍຸ 28 ປີ ຊຶ່ງທັງຄູ່ ໄດ້ຖືກເຈົ້າໜ້າທີ່ຕຳຫລວດແບນຊິກ ຈັບກຸມຕົວໄວ້ ໃນຖານະມີສ່ວນພົວພັນ ກັບການກໍ່ການຮ້າຍ ແລະ ສານແບນຊິກ ໄດ້ມີຄຳສັ່ງກັກຂັງພາງ ເພື່ອທຳການສືບສວນ-ສອບສວນ ຕາມຂະບວນການຂອງກົດໝາຍຕໍ່ໄປ.